|
من السبب في ضعف المنتخب ادلي بدلوك ؟؟؟؟؟؟؟؟؟ السلام عليكم من ايام ال 88 يوم فاز منتخبنا بكاس اسيا الى عام 2008 عشرين عاما و انا اتابع المنتخب مرات يفوز و اكون سعيد و مرات ينهزم و اكون سعيد لان المنتخب كان يطمن و ما ينهزم من اي منتخب كان المنتخب يدك حصون المنتخبات الاخرى و يخيفها و كان هجومه ناري كان متعبا لخصومه و حتى حين انهزم مرتين من اليابان في نهائيي اسيا كان مستواه ممتازا لكن الان لا مستوى و لا نتيجة و الفوز ليس هو المعيار لكن المستوى و الخسارة من منتخبات لا تملك اي سجل مثلنا سؤالي من السبب في هذا الضعف 1- هل هو المدرب مع انه قد جاء الكثير من المدربين و لم يتحسن مستوانا كثيرا 2- اللاعبين طيب و ياسر و سعد ومالك و العنبر و الشمراني و الدعيع و عزيز و الشهيل و الجاسم و غيرهم هل هؤلاء سيئون 3- الفكر الاحترافي و هل طيق بشكل ملائم و خاصة الاحتراف الخارجي 4- الادارات و الكادر الاداري 5- تطور المنتخبات الاخرى 6- التعب و الارهاق بسبب المسابقات المتتالية او اي اسباب اخرى ابي رايكم و ممكن تذكرو اي اسباب اخرى اسف طولت عليكم |
باختصار ومن الاخير 6 6 6 6 6 6 6 6 انزل كمان 8 8 8 8 8 8 8 8 8 8 8 8 الامير سلطان بن فهد |
رقم 4 ورقم 6 تقبل مروري |
كل شي قلته هو سبب لاعبين يتميلحون عشان الاندية الاوروبية تشوفهم وتقول يزين لاعبين السعودية خلونا نتعاقد معهم لاعبين غير مباليين بمصلحة المنتخب بينهم وبين الاحتراف والفكر الاحترافي سفر سنة لاعبين مايحبون يتعبون أنفسهم ويتدربون زيادة شوية عشان تتطور مستواياتهم بس فالحين يترززون في هالقنوات وخذ على مقابلات صحفية ومقابلات في الجرايد وترزز في وسائل الاعلام نجوم اندية لا منتخبات مالقوا احد يمسكهم بالعقال مثل مدربين انديتهم والإدارة لان الاعب مهما كان نجم وراح للمنتخب ومالقى فيه الصرامة إللي في النادي وماوجد تأييد للمدرب من قبل الإدارة طبيعي راح ياخذ راحته وبكذا لو تجيب له عشرة مدربين راح يبقى المنتخب مثل ماهو ثانيا: مدرب ماهو ماخذ راحته في التدريب بسبب تدخل إدارة الخطط العلمية الدروسة ثالثا:المدرب ماهو محصل احد يساعده لان المدرب يبي ناس يفهمونها وهي طايرة ناس عندهم خبرة في التدريب اللياقي ماهو كادر إذا يبي شي منهم لازم يقعد يفهمه ساعة ويالله يفهمون عليه رابعا تطور المنتخبات مالها اي علاقة في مستوى المنتخب ماادري من وين جبت هذي الفكرة خامسا بالنسبة للتعب والارهاق ف الاندية الاوروبية تلعب في الدوري اكثر مما تلعب انديتنا في بطولات الموسم مجتمعة وعلى فكرة التعب والارهاق هذي تصريفه طلعها اللاعبين عبر التاريخ لتجنب اسئلت الاعلام والجمهور وتكون حجه لهم والمهم من هذا كلة الامير سلطان بن فهد لو يفك المنتخب من الخطط العلمية المدروسة بيصير احسن واحد وبيكون المنتخب بخير |
اللاعبين مدللين ولذلك لن يحترف اللاعب السعودي ويترك النعيم اللي عايش فيه ،،، نايم في العسل |
إقتباس:
تحياتي لك واعذرني ان ما توفقت |
اتوقع السبب الحوسة الي صايرة ادارة المنتخب والاعلام والجماهير وخطة المدرب..بعض الاعبين مابينهم توافق الاعبين يخافون من الخسارة بسبب الي ينتظرهم وبعدين مايلعبون زين >>قسم بالله بلشة وكل هالعوامل سببت كابة كورتناومللها وشلون يفوز المنتخب والاجواء كأيبة>>باللهي تقدر تذاكر او تشتغل وانت مكتأب ونفسك في خشمك ياجماهير اعقلو المباراة الجاية كلنا نشجع صح ونعطي الاعبين ثقه علشان مايصيرون مهزوزين عند اخصم لاتتشائمون تفاءل بالخير تجده والنتيجة نتاهل ان شاالله |
انتم شفتم مداخلة الامير للمحللين طيب اش تتوقعون انه يقل للاعبيين تتوقعون بيقلهم معليش خيرها في غيرها والا بيقلهم لعبكم كان كويس لكن الحظ والنصيب لا لالا رح يقول .. عطني الدعيع ويهزء فيه الين يتمنى انه ما عرف الكورة عطني فلان عطني فلان عظني فلان ويعطيهم ما عطى النجار عوده ترى هذي التدخلات سلبية مية في المية |
بصراحة قبل الاعبين يلعبون بروح الوطن ويحرثون الملعب حرث عشان الوطن والان كلن يلعب لمصلحتة الشخصية ,,,,,, |
السبب : سلطان بن فهد أقولها بالخط العريييييييييض |
الاخ الفاضل اسباب تراجع مستوى المنتخب السعودي هي كالتالي 1- تطور المنتخبات الاخرى وهذا شئ جميل والمفروض انه مو يقلل من مستوانا بل بالعكس المفروض انه يرفع مستوانا لأننا اصبحنا نلعب مع فرق أقوى من السابق 2- الخطط التي توضع للمنتخب وهي فاشلة 100% ياعزيزي المنتخب السعودي يباري وديا تايلاند والبحرين ومنتخب تونس يباري وديا هولندا والارجنتين ابعرف بس وش زايدين عننا تونس 3- بكل أمانه تراني اقولها للمرة المليون والله نحبك يالجوهر بس سامحنا الكورة اتطورت وانت مكانك سر 4- عندما يأخد المجتمع الرياضي السعودي كرة القدم على أنها رياضة وعلم وفن فسوف تتطور الكرة السعودية 5-الاحتراف الخارجي من أهم عوامل تطوير الكرة فإذا اللاعب السعودي ما أخد فرصة بالاحتراف الخارجي صدقوني ماراح نتطور لأنه الاحتراف يزيد من احتكاك اللاعب مع لاعبين لديهم أمكانيات وفكر جديد عن الذي يكون في بلده سامحوني على الاطالة ولكن أحببت أن اوضح وجه نظريي لكم كل الشكر |
أعتقد إختيار العناصر غير موفق نهائياً مباريات تصفيات كأس العالم تحتاج إلى لعيبة خبره بشكل كبير مو الفريدي والنمري والراهب والمرشدي ...إلخ ذولا لعيبه شباب ومحتاجين خبره أكبر مو تأخذهم وتلعبهم بين جماهير بالألوف زي مباراة كوريا وتخلي الدعيع والمنتشري وعبدالغني ونور بشق الأنفس وتبي تتأهل رغم إني ما أفهم بالتدريب لكن وربي أي مدرب عنده نور والدعيع ولا يضمهم للمنتخب بوجهة نظري مو كفو يصير مدرب حتى لو مستوياتهم متواضعه بس المنتخب محتاجهم ليه نكابر على أنفسنا ونقول منتخب أحلام وفي الأخير 2010 منتخبنا بالرياض والله حرام |
السبب أولاً وأخيرا هو الإدارة - مع احترامي لها - والسبب الثاني هو عدم جدية اللاعبين بالملعب ربما يعود السبب للثقة الزايدة و التميلح الزاائد و المشاحنات بين اللاعبين ;) لكن أولا وأخيرا الإدارة ثم الإدارة ثم الإدارة |
برايي ان السبب الرئيسي هو التخطيط الفاشل من قبل المسؤلين عن المنتخب وعلى رأسهم سمو الامير سلطان بن فهد اما الاسباب الثانوية فهي كثيره ولكن من اهمها : المدرب ... يجب اختيار مدرب كفؤ والثبات عليه لمدة لا تقل عن 4 سنوات ... وعدم التدخل في قراراته واختياراته للعناصر او المعسكرات اوغيره كثافة المشاراكات ... لازم نقلص من عدد المسابقات المحلية او نقننها على الاقل بحيث توزع على الفئات السنيه اولمبي وشباب واول هذي اهم الاسباب |
| الوقت المعتمد في المنتدى بتوقيت جرينتش +3.
الوقت الان » 08:03 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd