نادي الهلال السعودي - شبكة الزعيم - الموقع الرسمي - ياوطني كلنا نقولك سم 0000 كوزمين هديه لك

- منتدى الجمهور الهلالي (http://vb.alhilal.com/forumdisplay.php?f=28)

- - ياوطني كلنا نقولك سم 0000 كوزمين هديه لك (http://vb.alhilal.com/showthread.php?t=717507)

حسيت اني جالس قدام الأستاذ بالفصل وعلينا درس وطنيه:d

مع احترامي لك هذي مالها دخل بالوطنيه يعني الوطنيه ماوقفت الاا على كوزمين :laugh:

ياخي يروحون يدورون لهم مدرب ومن افضل المدربين بالعالم بعد وحنا راح ندعهم ونكون معهم بس مسألة كل مانجيب مدرب ويستقر مع الفريق يجون وياخذونه مشكله على كذا نسمي النادي نادي المنتخب السعودي الوطنيه مالها دخل بلي قاعد تقوله هد اعصابك وروق انشاء الله مايروح كوزمين للمنتخب
والمشكله الي يرفع الضغط انهم على كثر ماندعمهم بالاعيبين والمدربين مبزوطين معنا ..!!
لالجنة مسابقات ولا لجنة تحكيم ولا انضباط وتقولي المنتخب اذبحونا واخرتها مبارات الشباب

تحياتي لك :rose:

سبحان الله وبحمده عدد خلقه ورضاء نفسه وزنة عرشه ومداد كلماته

قل سم لحالك
كل شيء الا كوزمين بعدين افرض ان تأهلنا يعني وش منسوي ثمانية والاربعة اكلناه وبعقلية هذي التي تدير الاتحاد السعودي المنتخب من حفره الى دحتيره

طيب وبعدين يدرب المنتخب شهرين وبعدين يقيلونه......ويرجع لك مثل باكيتا.؟.؟.؟
ياحبيبي في مدربين كبار في طراز كوزمين وافضل للمنتخب....ولا اي مدرب يدرب الهلال يصير داهيه؟.؟
عندهم بوسيرو وكالديرون درب المنتخب ونجح معه لكن ليه اقالوه.؟.؟.؟
كلامي مايدل اني ماتمنى تأهعل المنتخب....بس مو بهذي الطريقه......يعني اذا كوزمين راح يضمن المنتخب التأهل.؟.؟

مساء الخير .. أخي الكريم ..

كان الأجدر بك .. عدم التعميم ..

نعم الوطن .. فوق كل إعتبار ..

ولكن الهلال .. جزء من هذا الوطن ..

وليس من المنطق .. أن ندخل الوطنيه ..

في هكذا .. ظروف ..

في ما مضى .. ضحى الهلال بباكيتا ..

وهو في معمعة .. المسابقات ومنها الاسيويه ..

وذلك كله .. من أجل الوطن ..

ولم يكن يخطر بباله .. أنها مصيدة للإطاحه بالهلال ..

فالأصوات التي .. طالبت بباكيتا ..

هي ذاتها الأصوات التي .. طالبت برحيله ..

والآن .. المشهد .. يعيد نفسه ..

الكل يريد الإطاحه .. بالهلال ..

أنظر معي .. من هم يطالبون ..

عدنان جستنينه .. أحمد الشمراني .. محمد الدويش ..

والقناة الحاضنه .. لهم أبو ظبي الرياضيه ..

ومنهم .. مندسين في بعض المنتديات ..

ومنهم .. من الصحافة الصفراء .. وهم كثير ..

حتى رؤساء الأنديه .. يريدون الإطاحه بالهلال ..

وخير مثال .. مافعله رئيس الوطني ..

في قضية .. تأجيل مباراة الهلال ..

ومافعله .. رئيس الوحده ..

في قضية .. عيسى المحياني ..

الهلال .. مستهدف من أطراف عدة ..

لا أعلم لماذا .. لكن لاترمى سوى الشجره المثمره ..

أعلم تمامآ .. ان الخلل من المدرب ..

لكن مالاتعلمه .. أن المدرب هو ضلع من أضلاع النجاح ..

بمعنى .. عندما تكون لديك ..

إداراه جيده .. ومدرب جيد .. ولاعبين على مستوى عالي ..

فتأكد أنك .. من أفضل المنتخبات ..

هذا مايفتقده .. المنتخب .. ومايتواجد بالهلال ..

عندما .. ذهب باكيتا .. للمنتخب ..

كان في أوج .. توهجه مع الهلال ..

ماذا حصل له ..

إذآ .. حتى لو ذهب .. كوزمين ..

فسيحصل له .. مثل ماحصل لباكيتا ..

الخلل .. واضح .. والشق أكبر من الرقعه ..

واللبيب بالإشارة .. يفهم ..

تحياتي لكم ..

ما امدانا ننسى باكيتا وانهم حرموا الهلال من نجوووومه في عزا البطولات حتى علشان مباراة ودية

لو رحل كوزمين من الهلال فهذا اعتبره هدر وضياع اموال عشقي الاول

لذلك اقسم بالله لن اعشق نادي فرط بحقوق عشقي
وسارحل للابد

ايه معك بس انهم يحاولون يستغلون نوايا رئيسنا الطيبة فلا والف لا

وقفه النهايه
ليس الهلالين من يخذل الوطن نحن جاهزون لكل مايطلبون وقادرون باذن الله مواصله المشوار

اي سم واي خرابيط ..
من جدك أنت ماهمك كوزمين !!

ياحبيبي كافي عليهم باكيتا اخذوه بعد ما عجزوا يوقفون الهلال كان بطوله وراها بطوله !
والحين يوم شافوا ان الزعيم ناوي الآسيويه قالوا هاتوه .. اي والله ابطت ..
خل ابو خطط مدروسه يجيب له مدرب جيد جدا :p

إقتباس:

الرسالة الأصلية كتبت بواسطة hmooode_4 (مشاركة 11063197)

ياوطني

لو هناك شخص يعمل بجد وباخلاص وبدون مجاملات

اعطيتك كل ماملك اهديتلك المدرب ومبلغ عقده اتكفل به

كلامك في الصميم:yes:
.............................

ياعزيزي كوزمين له فتره مع الهلال ويبني الفريق ويعمل خطط وفي يوم وليله تقوله تعال المنتخب
يأخي الهلال مقبل ع بطولات مهمه وقولهم يبقون ع الجوهر الي من البدايه بدو فيه ويتحملون النتائج
وبالتوفيق ياكوزمين مع الزعيم

ان شالله ماياخذون كوزمين
يعني مافيه الا مدربين الهلال ياخذونهم
لا ياخذونهم في نصف الموسم
لا يابوي ان شالله مايفكرون فيه بعد
قبل موسمين خذو باكيتا وش صار للهلال ضاع
اذا كانوا يبون مدرب ياخذونه من بدايه الموسم
الله يخليلنا كوزمين ولا يحرمنا منه

طززز بالمنتخب

لابوه من منتخب يخرب علي شغل شهور وفوق 150 مليون

بلا مثاليه وطف نورك

قال هديه قال

باختصار كيف حالك انشاءالله مبسوووووط وبخير
ياخي هذي ماتهدف إليه الخطط العلمية المدروسه
تهدف الي تدمير $ الـــــز عـــيـــــــم $
بالنيابة عن نفسي واقولها بصراحه مصلحة الزعيم عندي تسوى كل شي ..

لا والله معصي

معصي والفين معصي

لابوها وطنية اذا كل شوي بياخذون مدرب من عندنا

وين الخطط المدروسة الي تكلمو عنها؟؟

هذي خططهم؟؟ الهمجية والشرهة والكلام الفاضي

لا و الف لا لرحيل كوزمين للمنتخب