إقتباس الرسالة الأصلية كتبت بواسطة المحبره صباح الخير الصخرة ياكثر اللي فرحوا بموضوعك عشان ينتقصون من الرياض ! رياضنا والله نحبها بحرًها و جفافها و غبارها و زحمتها .. و لا أبدلها بأي مكان الله لايخلينا منها ودي أسوي مُناظرة مع أي أحد مايحب الرياض أما صلب الموضوع ,, الأمر هذا موجود صحيح ,, لكنه بالزعيم أقل من غيره ! و أكبر دليل شوف الجمهور ,, غالباً المواضيع المثبته كاتبينها ابضايات و مع هذا صفحات الردود تتجاوز 20 صفحة ! وااااااو كل هالحشيمة بالرد لـ ( زعيمات بلا حدود ) ؟ أجل من بكرى موضوعين , واحد بالجمهور و الثاني بالمجلس

صباح الخير المحبرة << كأننا نقرب لبعض ( الصخرة - المحبرة ) نفس الوزن والتفعيلة + قصمان بلا حدود << القلب للقصيم

اقووول تكفيييين... من فيه بقسم الجمهور من الزعيمات بشكل متواصل غير الوفا دين ؟؟

ماهوب مقياس..

واكبر دليل فيه موضوع سخيف لوحده اسمها رائدة الزعيم مثبت <<

رغم كل شي.. يعيش منتدى الزعيم.. يعيش يعيش يعيش

<< كاسر خاطري هذا مدري متى بيوصل

إقتباس الرسالة الأصلية كتبت بواسطة دنيتي عبرات ههههههههههههههههههههههههههههههههههههههههههههههه ^ من جد ضحكت ضحك مو طبيعي

هههههههههههه ضحكتي من غير سنون ان شاءالله >>

اجل جازت لك المقارنة البريئة <<

منوره دنيتي عبرات متى تترقّين وتصير دنيتك دموع

إقتباس الرسالة الأصلية كتبت بواسطة لي متى (عبدالله) الله جعل الرجال ميالين للنساء والعكس .. ياصخرتنا لاتنسى بعض الفتيات الي يتميلحون ويردون على مواضيع المشرف علشان تتقرب منه ويثبت لها مواضيع وانت ابخص بالباقي يعني عرفت ذيب رماح من وين يشرب من عارف هذي .. بالنسبه للرياض .. يكفيك فيها صوت الاذان زرت لندن وباريس وادنبره وقلبي يعشق الرياض حر وغبار وعج وزحمه بس برضوا عسسسسل هو ما ناقصنا الا ثلج علشان نسوي سنو مان رجل الثلج ونحط خشمه قطعه جزره >> برررى يمكن لان بها انثى محتضنه سجاده ومصحف وتقول يارب وفق وليدي ورجعه بالسلامه .. عوافي يالغالي .. دووك ياويلك لو ما خليتي احتسي معك نبيذ

وميونخ وكوبنهاجن وسيدني وامستردام ودبلن

اشلخ علينا هماه ببلاش

اجل ماناقصك الا سنو مان ؟؟ اخاف يطب عليك بابا نويل ويكفشك وتروح خابور

عسى الله يحفظ لك هاللي على سجادتها ومحتضنه مصحفها يارب

وترجع لها بالسلامه وترفع راسها وتقول : ها انا ذا

إقتباس الرسالة الأصلية كتبت بواسطة القيصر رهيب والله تحس إن الردود ما فهمت وش المطلوب من الموضوع أنا أحس إنك تقصد وليد القحطاني بالموضوع هو أنا صادق ولا غلطان يا ستيف اوستن .. ؟

هماك منتب صاير صديقي

وراك رجعت بكلامك

والنعم والله بالاخ وليد القحطاني... لكن صدقني والله ما اقصد احد بعينه

حياك حياك يا بيكنباور

إقتباس الرسالة الأصلية كتبت بواسطة الترنيدو25 الكذب امامك و القبر قدامك و الله و نعم بعيال حائل هلي وربعي بس انا مثل السمكة اذا طلعت من البحر ماتت انا اذا طلعت من الرياض احس اني بموت الصخرة يازينك و يازين مكيفك قصدي موضوعك

حدد لو سمحت.... هامور او كنعد

عاد مالقيت الا هالتشبيه ياراعي حايل... بحر وسمك... قل انا مثل الحطبه اذا طلعت من الشبّه أغدي قلم رصاص

يازينك انت ويازين عقالك المايل

إقتباس الرسالة الأصلية كتبت بواسطة R7AL الله واكبر .. كنها القصب على غفله ..

من جد... لايهمونك ياشيخ << يعطيه جوّه

إقتباس الرسالة الأصلية كتبت بواسطة وجــدان اقول يالبى حايل بس .. مدينه مريحه جميله عذبه عليله تفتح النفس تريح البال اهلها ينامون زين يقومون الصبح على اصوات العصافير يروحون لدواماتهم رايقين يقدرون ينتجون في العمل

ينامون زين ويقومون الصبح



تعوذي من الشيطان يابنت وادحريه

اول مره ادري ان اهل حايل يقومون الصبح

وبعدين حنا نختلف عنكم... انتم تنامون زين وحنا ننام موبايلي << اطلع برا بسرررعه

إقتباس الرسالة الأصلية كتبت بواسطة الـمـشـاغـب أهلين الصخرة بصراحة الرياض أغث مدينة في الشرق الأوسط .. تجيب الهم ..! أسألكم بالله علموني وين الزين فيها؟ لا تقولون أهلها .. أهلها أكثرهم من المناطق الثانية ..! ضيقة صدر .. زحمة .. لا أماكن سياحية .. لا ترفيهية .. لا أسواق .. لا جو حلو .. لا خضرة .. لا بحر .. ولا محلات تجارية بعد الساعة 12 بالليل ..!! ( يعني ما فيها حياة ) ..! كنت أستغرب الأبيات اللي تتغزل بالرياض في التواقيع والمواضيع .. وليه بس أهل الرياض من بد المناطق الثانية هم بس اللي يتغزلون في مدينتهم؟!!!!؟ لكن بعد ما فكرت فيها اكتشفت السبب ..! السبب هو ان هالعضو أو العضوة بحكم انهم من سكان الرياض أصبحوا محل شفقة في نظر الأعضاء الآخرين اللي ساكنين خارج الرياض .. فلتكملة النقص في هذه المدينة الغثيثة يكتبون الأبيات الغزلية في تواقيعهم ..! الرياض مرض ... وأسأل الله أن يفكني من هالمرض وننتقل لمدينة أخرى ..! مع تحيات : مخاوي الرياض <<< من نفس عينة اللي فوق .. أبكمل النقص

اهلين المشــاغــب

والله الرياض فيها حاجات كثيره كويسه

حياة مول وصحاري مول وغرناطه مول ورمال سنتر مول وخريص بلازا مول وغالريا مول

كثيييير وااااجد مول مول مول مول وانت ماشي

وفيه بعد ملاهي الحكير وستار سيتي وملاهي الخيمه والبراجون... صح كلها عوايل بس كويسه

بس لاتنسى العوايل منغثين علشان العزاب عندهم ابو هيثم

يا مول العافيه والله

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟,.......,,,,,,,,,,,,,,,,,,,

إقتباس الرسالة الأصلية كتبت بواسطة عاشق البطل هههههههههههههههههههههه الله يرج ابليسك يالصخرة والله من جد هذه تصير لنا في منتدى الجمهور اكتب موضوعك وماحد يرد والي يرد يسوي مثل رماح ويجيك موضوع مشابه من الي قلت عليهم وشوف انواع الردود وفالك التثبيت ومن هالكلام الزين

هلا د.سعــود

انت عاد عضو مخضرم واكبر مني في العمر ( الزعموي )

نعن ابو ابليسك صار لك سبع سنين بهالمنتدى... ما تبرعوا لك بعصا تسندك لاتطيح

والله المفروض الشيبان شرواك يعطونهم وسام ( المرقوق ) للاعضاء اللي طاحت سنونهم

إقتباس الرسالة الأصلية كتبت بواسطة Mr.Marwan ^^ القيصر أباخذ توقيعك الجديد هلا بالصخره موضوع جميل أردت به شي وبعض الأعضاء مسك خط ثاني ومانقول إلا الله يشفي اللي على شاكلة ذيب رماح << (شاكلة) سامعتها بالأخبار وجازتلي وللأسف موجودين لكن بقلة ولله الحمد والصراحة بريده أحسن مدينه بالعالم تحياتي لك

اول مره اسمع واحد من بريده ويقول : شاكلة

تعال

قدامك نص ساعة بس... احسب لي كم دوار في بريده ولك جائزة

إقتباس الرسالة الأصلية كتبت بواسطة نايف الشدادي هههههههههه الصخره قبل ماتكون كآتب أنت شخص كوميدي وخفيف ظل وشخص مرح اي باالله وتحب الزيتون > استنتآج وقلبي تولع بالريآآض الله يسعدك والله اني أغليتك ماادري ليه

اهم شي في السالفه الزيتون

الله يرفع قدرك ويجزاك خير يالغالي... احرجتـن <<

إقتباس الرسالة الأصلية كتبت بواسطة هتلر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟,.......,,,,,,,,,,,,,,,,,,,

باقي بعد هذولي :
"""""""""""""""""""""""""""""""
//////////////////////////////////////////

&&&&&&&&&&&&&&&

####################

!!!!!!!!!!!!!!!!!!!!!!!!!!!!!!!!!

>>>>>>>>>>>>>>>>>

××××××××××××××××××

والله اني مشغول جدا لكن حلفت الا ارد عليك .. اوباما على غفلة
فكرة الموضوع حلوة مثل صاحب الموضوع
وطريقة ايصالها احلى بس مو احلى من صاحب الموضوع
^^ ^^
ان شاء تغيرت نظرتك لذيب ..


اما الرياض فما ازيد على قول الشاعر

إقتباس لزاما على كل من يدّعي العقل.. ان يقف ويتدبّر ( سحر الرياض )

مع ان مافيها سحر لكن الحب اعمى وانا اخوك..

يعطيك ربي الف عافية فهد عل هيك موضوع
ولا تحرمنا من طلتك اليومية ..