24/02/2009, 11:15 PM
|
 | زعيــم مميــز | | تاريخ التسجيل: 24/06/2005 المكان: شبكة الزعيم تكفيك"وزيادهـ"
مشاركات: 15,367
| |
|
ليتك قايلنا انك تعرف تتكلم سويسري + صورهـ عن ألف كلمة .. [ موضوع مميز ]
التأهل و اخذناها ,,!
ونصر واكلناه ,,!
والنهائي ووصلناه ,,! هكذا احببت انت تكون مقدمتي .. موضوعي يحكي نقاط متعددة عن لقاء البارحة ,,!
بعد ما أبارك لكم طبعاً ..!  ||طلال ليتك قلت لنا انك تعرف تتكلم سويسري|| طلال الرشيد باتت تصاريحه يجب انت تقف عند حدهـ ,,! فيصل ابو اثنين والرومي والحربي انتقدوا فنالوا تصدي من قائد الرياضة ..! كيف هنا وهناك من يتهم ويدخل في الذمم ويطعن بها ولامحاسب له ..! طلال الرشيد يقول في تصيرحه ..! أنا ذهبت للحكم وقلت له ليش ماتطرد كوزمين وقالي الحكم وش اسوي ..!! أنا ما ادري بأي لغة قدر يتفاهم معه ..؟! سامي الجابر اراد ان يتكلم معه ولايستطيع وحاول ان يأتي بترجم ...!! وسامي يملك عدة لغات ولم يستطيع التفاهم ..! كيف تفاهم طلال الرشيد مع الحكم ..!؟ يمكن بلغة الاشارة .. ..! طلال الرشيد لم يتوقف على هذا الحد بل له مواقف سابقة كثيرة يطعن بالذمم ..! لكن الى الان لم يجد من يوقفه عند حده ..! لكن كيف يجد واذا كان خلفه الوليد بن بدر ..! والذي كذلك يطعن بالذمم ..! وكأنه ينافق أمام سمو الامير سلطان الرياضة ..! يمشي معه تارة ..! ويطعن به تاره بطريقة غير مباشرة ..! وكيف ياطلال توحي بأن الحكم هلالي ..! وهو طرد ماجد المرشدي ..! ولم يطرد ثلاثة لاعبين منكم ..!؟ كيف وهو لم يحتسب ضربتي جزاء لنا ..! الى هذا الحد وصل الاستغباء للجمهور ..؟! طلال يريد صرف نظر الجمهور النصراوي عن مستواهم اللذي لايتكافئ مع الزعيم وهو يلعب بـ10 لاعبين ..! يريد صرفه ويضع اللوم على الحكم  ...! لحظة .. حتى نجس النية عدنان جستنيه ..! سبق وقال من اجل عين تكرم مدينه ..! ويقصد به الاميرخالدبن عبدالله ضد نادي الاتحاد ..! ولم يقف احد امامه ويوقفه عند حده  ..! المشكلة ان طلال يتكلم ومايشوف فريقه اللي يعطونهم البطولات بالغصب ..! يعني عقب ماقصفوا ظهورنا في نهائي فيصل الموسم الماضي هاهو الشباب سيلعب النهائي بلا دوليين ..! ولم يروا كيف الضعط الرهيب في مبارياتنا ||حكم المباراة|| حكم المباراة قاد المباراة نحو السير الصحيح رغم الاخطاء التي كادت تقتلنا ..! وفكك الله يانصر من نتيجة تاريخية ..! فودة يقول ..! طرد لم يحتسب ..! ضربتي جزاء لم تحتسب ..! ومع ذلك ربي لايرضى بالظلم ..! وكاراتيه غالي ماتستاهل كرت ..! ||لاعبين الزعيم|| بصراحة ماقصروا من اول واحد للاخير ,,! نامي عكس مستواه الاخير في مباراة الوطني ..! يعني في ذيك المباراة ماكان مستواه جيد .. لكن في هذه المباراة اثبت انه بإذن الله أنه مناسب للزعيم ..((اذا استمر على هذا المستوى)) الخثران من زمان مالعب ودقائق بسيطة ..ومع ذلك بدع .. اما عن المرشدي فالطرد المسؤل عنه الحكم .. الشلهوب مايبيله سطر او سطرين يبيله موضوع ..! محمد الشلهوب بهذه الطريقة سيتم تدميره ..! محمد الشلهوب أضنه افضل من الفريدي وقد يختلف معي البعض لكن هي هالة اعلامية ضد الشلهوب تنصبت في رؤس البعض ومو راضي يشيلها من باله محمد الشلهوب نزول مستواه (كذبة صدقها الموهوب ) ياخواني .. قصة محمد انه لازم في كل موسم يتجه الاعلام على لاعب ..! والجمهور معاهم معاهم وعليهم عليهم ..! ياعزيزي انت شوف اخر مباراة لمحمد واحكم عليه ..! وكفى .. سيول ..بيخلص الدوري واحنا نقول اصبروا عليه ,,! يمكن يبي نجيب علم بلاده .. وانا ملاحظ عليه رفعاته حلوهـ ..! يعني اذكر من كل مبارياته رفع رفعتين ..! وحدة منهم صنع هدف والثاني كانت هجمة خطيرة ..! اما الدعيع فمنجد ما ادري من بيخلفك ..! مو عن مهارة حراسه ..لا لا لا .! ابداً واذا كان على كذا فعندنا الشمري ..! لكن المقصد ..! شوفوا كيف هجمة خطيرة للنصر في اخر الدقايق جت للدعيع ما شتتها لالالا .. بالعكس اخذها ودقدق وامتص الحماس النصراوي بالاضافة للفاول حق ايلتون كانت على يد الدعيع لو مافيه عارضة الدعيع ..لله درك والزوري وهوساوي وعزيز وياسر ماقصرتوا .. والف شكر لكم ..! والله يخليكم لهلالنا ذخر .. والعنبر ما امداه يسوي شي يعني مايمديني اقيمه ,, رادوي من جد مكسب للزعيم والف مبروك لنا به ويلي ما ادري ..ودي اقول جيبوا العلم وارفعوه في المدرجات بس المشكلة عليه صليب  .. علشان كذا اتمنى تجيبون علم ازرق وعليه كلمة sweden  .. لكن وش ردة فعله بيقول انا ابدع واتعب والجماهير تجيب علم رادوي وانا لا ..! ويلي احس انه يقول وش هالدوري اللي جيته كله تكسير ..! لكن الشي الحلو انه الصحافة السويديه اثبتت ان مستوى ولياقة ويلي تحسنت بالهلال ..! طارق انت الوفاء انت الابداع انت الذي لانريد غيرهـ  بس لاتعصب اذا مر من عندك احد فنحن نحتاجك .. وطلب من الجمهور .. جلب علم ليبيا ,,! ||شي يثلج الصدر انك تلقى الاجانب يمدحون في بلدك||
يعني من جد نشوف تصاريح ويلي ورادوي وهم يمدحون ببلدك ..!
شي يفرح ..
وهذه نعمة من الله ,,! ||كلمة شكر ووفاء لهؤلاء|| الحسيني ما ادري كيف طاوعلك قلبك وتتكرنا الموسم الماضي اذا ماتبينا احنا نبيك كوزمين تكفي هذه الصورة  وهذا الموضوع لاخوي المشرف هلالي موتي شيء ما إنتبهتوا له .. الـدقيقه [ 81 ] .. [ Cosmin Olăroiu] .. !! عبدالرحمن بن مساعد ونواف بن سعد يعجز اللسان عن الشكر اعضاء شرفنا الامير عبدالله من مساعد الاستاذ احمدالعجلان والامير مشعل بن عبدالله ..! جميعهم جميعهم الف شكر لكم يعني لا انسى هذلول شفاه الله وبندر بن محمد وفيصل بن سعود ومحمد بن فيصل..! لو ابعددهم ماراح اخلص .. الحمدلله اني هلالي ادخل هنا علشان تعرف انك في نعمة http://www.alhilal.com/ar/page13.html الجمهور كالعادة تثبتون انكم الافضل والاكثر دائماً ..! سامي الجابر شفا الله والدتك ومرضى المسلمين يارب العالمين سلطان الخير الف الحمدلله على سلامتك .. ||صورة عن الف كلمة||  ||ومضة||
الحمدلله اني هلالي  ::أخوكم:: 
اخر تعديل كان بواسطة » الزعيييييييييييييييم في يوم » 25/02/2009 عند الساعة » 02:14 AM |
![ليتك قايلنا انك تعرف تتكلم سويسري + صورهـ عن ألف كلمة .. [ موضوع مميز ]](iconimages/t724057_rtl.gif)
الوضع العادي
