أه يالقهر ... غراب يبي يعرس على عماتة ...؟
 

هذا الغراب ... حلف يمين مايعرس على بنات جنسة

وقال :- لازم نحسن النسل بأي طريقة ...؟

المهم المقرود راح يخطب حمامه بيضاء وصدرها كبير ومشيتها كلها غنج ودلع .

الغراب :- يا حمامه انا جاي أخطبك وبأتزوجك وش قولك ياالغنوج ( يتميلح ) .
الحمامه :- مابقى الا أنت ووجهك يالأسود تخطب عماتك .

طأطأ رأسة ( فيه أحد مايعرف هالكلمة ) يقول لي علشان أفقع وجهه .

وراح مكسوح الخاطر

وقال بنفسة مالي الا أدور على غيرها .

لقا بالطريق قميرية

قال بخاطرة :- هذي بنت عم الحمامة ورى ما أخطبها

الغراب :- ياقميرية الأرض ( يعرف يقردن الملعون ) أنا جاي خاطب تقبليني زوج .

القميرية :- أها ورى ماتنقلع ياللي ماتعرف تمشي كل شوي تناقز ... أنا مخطوبة لولد عمي ... أنقلع .


طار الغراب وصار يفكر ( وش السوات ياجماعة الخير ) لازم أعرس وأحسن النسل حقي بأي شكل ...؟

وكل ماخطب مالقى وجهه ... كلآ يرده .

أنطوى المسكين بعشة وأعتكف وماعاد يطير ويقابل أحد أبد .

وفجأة طق بابه طارق

الغراب :- من عند الباب

الطارق :- أنا فلان جايك من مسافة بعيدة

الغراب :- وش تبي يافلان

الطارق :- عيب عليك أنا جايك من مسافة بعيدة وانا (محامي ) جاي من الخارج.

الغراب :- تفضل أدخل والله يحييك يالغريب .

الطارق :- ياأخي أنت ...الغراب المنحوس ... ساكن ورى الطعوس .
الغراب :- مافية غيري منحوس .

الطارق :- أبشر بالخير ورثت عشرين مليون دولار
الغراب :- دورار وشهوه ...؟

الطارق :- يالخبل يعني حوالي ثمانين مليون ريال .

الغراب :- وشهوه ... وأنصرع ( عمره كلة ماسمع برقم أكثر من عشرة ألاف ريال ) ... مسكين مايلام .

الطارق :- قم مشينا معي التذاكر والحجز وكل شيء .

الغراب :- على وين ...؟

الطارق :- على أمريكا أنت ووجهك تستلم الورث:mad:

الغراب :- أمريكا مرة وحدة ... مشينا .

الجماعة طبو أمريكا واحد ختم جوازة ومشى والثاني ( طبعآ الغراب ) ماختم ... لقطوة الخواجات ...:(

تحقيق وتصطير وكفوف ... وتشويت بوز على وجهه وبطنة ووجهه...

ويسألونة :- وش جايبك أنت ووجهك ... يا أربي ... يانقر ...؟

وماعاد شفناه ... ولا له حس ولا خبر .

ومن يعرف شيء عنه تكفون العنوان حقة أذا أمكن...؟
___________________________________

هذا من عيال افكاري ... حين فكرو يغازلون بنات افكاري:D

والله مافهمت شي :confused: :sleep:


تحياتي :)

الله يرج شيطانك أنت وعيال وبنات أفكارك كلهم..:D:D

أجل المسكين صادوه .. ألا يا تاركينه..:(..

إلا بس وش صار على الورث .ما يبغون أحد يستلمه..تراني خابرن لكم واحد..:D:D

أقول يا مال العافية أخوي جاج على هالقصة..بس لو تمطها كم حلقة..:D كان نافست الحاج متولي..:D:D:D:D


لك ألف تحية وسلام..

أخوك / البارق:)

الله يرج شيطانك 0000 <<<< 0000 علشان ما أزعل00:D :D :D :D



أظنهم سمحوله بدخول أمريكا بس أحسبوا عليه ضريبة ورث 000

وقالهم أعطيكم نصه بس أتركوني 000 :sad: :sad: :sad:

قالوله لا 0000 بس مليون دولار 0000 فقالهم 0000 واغ--->>> يعني أوكي 000

المهم هو هناك في ولاية ميتشيغان الشارع الرابع في عمارته طبعا 0000:D :D

وأحتمال السنة هذي يصيف في السلفادور00000

وعلى فكرة هو مأجار الأدوار الفوقية حق طيور النورس 0000

ومتزوج بدل الحمامة 0000 سبع 000 :bluesky: :bluesky: <<< لأنه حيوان أصلا 00

وبدل القمرية 000 حاط ثلاث سمانات كخادمات 000 و كنغر كسواق له 000

والرجال ما يسأل عن أحد 0000 ولا درى عن أحد 0000:upset: :upset: :upset:

هلا عجاج
غرابك الله يسلمك منطول فى السجن متهمينه بالهجوم على
برجى الدجاج والحمام فى نيويرك وواشنطن :sad:
قم الله لايهينك ووكل له محامى زى الناس تراه ملعون خامس :cool:
وانصحك انك تأخذ المحامى العالمى عفركوش يكيكى ;)

هههههههههههههههههههههههههههههههه...

الله يعطيك ألف عافية ... بصراحة يا ليت كل مواضيعك من عيال أفكارك

اللي يغازلون بنات أفكارك .