الأن فقط

تأكدت ان الدوري الايطالي نظيف




هذه الحقيقة التي كنا ننتظرها يا لوتشيانو

^
^

بعتبر ردّك هذا خروج عن النص

مبروك فوز الإنتــر .. هارد لك الميلان

ديربي ممتع ومقنع من الناحية الفنية

روني

جاتنا لمسة يد قدام تورينو ومشيناها .! .. طرد مونتاري مشيناها .. المهزلة ومباراة سامبدوريا مشيناها

مدري وش تبون بالضبط .!؟ فيه لعب عليكم ذا الشامي وقال بلنتي حقت انزاجي .!!! كل اللاعبين متعلقين في بعض احسب بلنتي على الإنتــر ليه .!

وسلم لي على امبروسيني اللي يكمل المباراة

انا ما ضحكت الى على اللي يقول ميلان يستاهل الفوز .!

من الدقيقه 45 الى 70 الإنتــر له 3 فرص محققه قدام الباب .!

الميلان كان ماسك الكورة وهذا طبيعي لأن لاعبينهم مهاريا افضل من الإنتــر



أدريونــــا

اجل اللاعب انتهى .. اموت على المنتهين .. صح انه دلخ وضيع فرصة اول الشوط ما تتفوت لكن يضل من نجوم المباراة

ســــوبر سيزار ماقصر بعد

السلام عليكم

هاردلك لجماهير النادي العظيم بالعالم نادي الميلان

ومبروك للانتر كنت انتمى ان الانتر فاز بمجهوده وليس بمساعدة الغير مثل ماسواء حكم المباراة احتسب هدف باليد لادريانو وكان تحول مفصلي بالمباراة ولم يحتسب ركة جزاء للميلان لبيبو انزاقي في الدقيقه 77 تقريبا

وياليت بالمبارايات الكبيره الي زي هذي يستعينون بحكام اجانب خارج ايطاليا لبعدهم عن حساسيات المباريات والضغوط الخارجيه سواء الاعلاميه او الجماهيريه

الان الانتر يعزز مرتبته في اعلى الدوري ب 56 نقطه

ويصبح الميلان الثالث من خلف اليوفي صاحب ال 47 نقطه ب 45 نقطه للميلان

ولازالت عجلة الكالتشيو الايطالي تدور ويبقى الميلان سيد العالم

وهاردلك مره اخرى لجماهير ميلان الحبيب

...


فوز انتر متوقع ودفاع ميلان متهالك وكلادزه جايب العيد بس معليش ما اقتنع إن الانتر يستحقون الفوز !!

لا تقولون لي فرص وهجمات وأدريانو إنفرد وش علي منكم إذا صار ما يعرف يسجل ولا إذا صد أبياتي كورة ابرا

انتر سجل هدفين واحد منها مب صحيح ولو تشوفون مكان حكم الراية بتحكون روسكم وتقولون شلون ما شافها بالإضافة إلى بلنتي البيبو


عموما المباراة كانت حلوة خصوصا بالشوط الثاني هجمة هنا وهجمة هناك والكورة ما توقف بنص الملعب ذكرتني بمباراة اليوفي وانتر قبل ثلاث مواسم يوم يعلق دلبييرو سيزار

من انتهت المباراة إلى الحين وأنا أقول يا رب المغفل اللي بدكة البدلاء يقتنع إن ميلان ما يبدع إلا بمهاجمين ويفكنا من خطة الشجرة اللي جابت لي المرض

باتو بالشوط الأول قهرني بكم كورة كعادته يتأنن لكن بالشوط الثاني ويوم لعب بمركزه المفضل ( مهاجم ثاني ) شفنا لاعب خراااافي ويتحرك يمين ويسار ويشكل خطورة ويكفي عرضيته لانزاجي بهدف التسلل

انزاجي دخل وتحرك الفريق هجوميا وثبت قلوب دفاع الانتر بمنطقة الجزاء لكن تمنيت يدخل بوقت مبكر لأن إنزاجي ما يسجل إلا إذا تعدى الحد الائتماني بالتسللات لازم يتسلل 8 مرات ثم يسجل التاسعة على رقمه ويوم نزل ما لحق إلا على خمس أو أربع تسللات

كل اللي أبيه من أنشلوتي بباقي المباراة الهجوم ثم الهجوم ثم الهجوم دام الدوري صعب علينا نبي نشوف فريق يمتع ويسجل ملينا وحنا ندافع ونتلقم من أضعف الفرق والله إني أتمنى روني وسيدورف يصابون عشان يلعب بمهاجمين غصبن عليه

إقتباس الرسالة الأصلية كتبت بواسطة ذيــب الانــتر مبروك لـ النيرازوري .. الي يقول عن بلنتي انزاجي .. لايكون سحب على بلنتي الانتـر في الشوط الاول ..[ لمسة اليد ] .. يعني ماادري هل البعض يشوف بـ عين ويسكـر عين .. ؟!! الانتـر ضيع وضيع وضيع .. ! الديربي اليوم مجنون .. وجمهورنا [ اجن ] .. الفريق بـ شكل عام كان ممتاز لكن قلوب الدفاع مافيه بينهم تفاهم .. ادريـانو .. اما هدف ادري .. مثل هدف رونالدينيو في الذهاب .. والسن بـ السن .. ! فريقكم اكثر فريق استفاد هـ الموسم .. !! خصوصا امامنا في الذهاب .. ولانسيتو ؟! مبروك مرة اخرى لـ الشعب الانتراوي .. وهاردلك لـ الميلانيه .. فواز وقولديست والباقين

أول شي أشكرك على تخصيصي بالهدركة ( يعني قلت لي هارد لك )

ثانيا يا صديقي عن أي استفادة تتحدث وعن أي بلنتي انتراوي تتكلم !!!

بلنتي انتر قابل للتأويل يعني تقدر تقول الكورة مب مقصودة وحتى يتضح كلامي بشكل أكبر أذكرك ببلنتي ميلان على نابولي اللي ضيعه كاكا كان بنفس الطريقة كاكا رفع الكورة وضربت بيد المدافع واحتسبه الحكم لكنه كان قرار خاطئ حتى أيمن جادة ذلنا على هالبلنتي بباقي المباراة


أما إستفادتنا كأكثر فريق من التحكيم ما أدري بنيتها على أي أساس !!

هدف روني عليكم بالذهاب تسلل لكن مباراة لاتسيو إلى الحين مقتنعين إن هدف باتو الأول على بيكهام تسلل حتى هدية الكريسمس ما وصلتنا إلى الحين

ولنفرض إن مباراة لاتسيو استفاد منها ميلان انتر استفاد بهدف ابرا على سامبدوريا وبهدف مايكون على سيينا وبفضايح مباراة اليوم


عموما مبروك الفوز المتوقع بالنسبة لي لأن الانتر أفضل فنيا وبدنيا وصفوفه أكمل من ميلان لكنه ما كان أفضل في هالمباراة << وجهة نظر غير قابلة للتغيير


...

يازينها

الانتر يذيق الميلان كأس العلقم الذي تجرعه في الدور الاول

عسى طعمه زين بس

هدف غير صحيح مشيناها اوما بلنتي هذي نكته
لاعبين متماسكين مع بعض وانزاغي طاح على كيفو احسب بلنتي عليه !!؟

اجل كل واحد بيدور مدافع وبيطيح عليه وبيقول عطوني بلنتي !!؟

وبعدين امبروزيني كان المفروض يطرد في اكثر من لقطه لكن الحكم تجاوز

الانتر كان يستحق الفوز بلا جدال وكانت ممكن تكون تاريخية لولا تضييعه ادريانو
لكن احمدوا ربكم طلعتوا بأقل الاضرار

نرجع للديربي :

ديربي من اجمل الديربيات صراحة وكان على الموعد مثل مايقولون

واعجبني من الميلان روني
ومن الانتر ادريانو وتشيفو وسيزار

مبروك للأنتر وهاردلك للميلان

...


مادري بصراحة أنا شايف مباراة غير اللي شفتوها !!

أكثر من واحد يمدح روني مع إني ما شفت له شي يذكر حتى بالشوط الثاني نسيت إنه يلعب وما تذكرت إلا بعد ربع ساعة يمكن يوم جته الكورة

وبآخر المباراة لياقته خلصت وما قدر يركض صح , نجم المباراة من ميلان باتو ونكبة المباراة كلادزه والله يا هو رفع ضغطي بالشوط الثاني جلى له كورتين بغباء فاحش !!


ما تلاحظون كثرة الزحلطات من اللاعبين !! هذا والأرضية جديدة ودافعين فيها 200 ألف يورو عاد يقولون إنه فيه مهندس مصري مع اللي يصلحون الأرضية وأشك إنه تدخل بالموضوع ولعب عليهم


...

اموت يا قاليـــاني

اللي يقدر يجيب صورة اقرب مثل ذي لا يبخل علينا يالربع نبي نضحك

,,

مبروووك للانتريستا الانتصار المتوقع .. مبروك للميلانيستا الضغط

من أجمل الديربيات الي شفتها صراحه .. لوهله في الشوط الثاني وقفت مع نفسي شوي وقلت في نفسي " الحمد لله اني متابع لهالجنون " .

الفريق اليوم ماقصر صراحه .. كل لاعب سوا وادى الي عليه .. ابتدائا بسيزار المجنون مرورا بكييفو الخيالي .. مسيرا على كامبي وزانتي الظاهرتان .. انتهائا بابرا الي صنع اليوم عدد وقدره من الفرص ..

تبديلات موري كانت حلوه .. وخصوصا دخول فييرا ..

اما بالنسبة لميلن .. صراحه الفريق ادى واحده من اجمل المباريات بسبب تحرر روني وسيدورف .. ميلان اعجبني في كم هجمه منظمه باستخدام لمحات الساحر روني وسرعه البطه ..

باولو .. وداعا ..

تحكيميا .. هدف غير صحيح وغير مستغرب على الفنان ادريانو .. ومجامله من روسيتي لامبروسيني .. ولايوجد بلنتي لانزاقي على كييفو ..

هذا رأيي بدون اي عواطف ..

إقتباس انزاقي : اذا لم يحتسب الحكم هذه ضربة جزاء .. فمتى سيحتسب ضربة جزاء ؟!

مالقيت الا بيبو الي مو مقتنع حتى بتسللاته البجيحه ويجادل بها ..

,,

شباب .. الي عنده لقطة لكبتني الفريقين بعد اللقاء يسدحها .. ترى ماشفناها

وكان ديربي رائع