حصرياً $ اليوم اللذي يسبق يوم إعتزال الأسطورهـ بيوم $ حصرياً - نادي الهلال السعودي - شبكة الزعيم

a7b_yasser · #1 10/02/2009, 09:03 PM

بسم الله الرحمن الرحيم
أهلاً أهلا بالزعماء
كيفكم شخباركم
ان شاء الله بخير وصحه

< مشكله اللي ما عنده مقدمه

منذ مبطي وانا ودي اسوي لكم هالموضوع الشيق لكن !

المهم سلمكم الله هذي سالفه صارت لي انا واخوي ليلة اعتزال سامي
السالفه مرصعه بالصور لحد ينط بي يقول وش مصدرك

بسم الله .. كان يا ماكان في قديم الزمان في يوم يسبق يوم اعتزال الاسطوره بيوم < كيف الحال

كان مقرر من ضمن جدول الفريق الزائر " manchester united " ان عصر هذا اليوم يكون تمرين خفيف للفريق
والحظور محدد لكبار الشخصيات والأمراء والاعلاميين
فـ كانت امنيه اني اشوف افراد مانشستر عـ الطبيعه
قلت لأخوي شرايك نروح نجرب حضنا بلا ما تطلع بكرا صور بالجرايد وكلن حاظر عاد ننقهر >

اتفقنا عـ الروحه ووصلنا لاستاد الملك فهد وتووهم مخلصين صلاة العصر
طبعا كانت زحمه مو طبيعيه وكلن يبغى يدخل
وفعلا كان بالمقابل رفض من رجال الامن وعلمونا ان التمرين مغلق
والحظور محدد لأشخاص معينين بالاتفاق بين ادارة نادي الهلال والشركه الراعيه موبايلي

المهم طقتنا الغلقه من القهر وشوي ويجي موكب المان مير ترق لهاتي

http://img443.imageshack.us/my.php?i...0210001ti4.jpg

بعدها قلت لاخوي ما بدهاش داخلين داخلين الله لا يعوق بشر
طبعا اتجهنا لبوابه ثانيه اللي دخل منها الموكب وبرضو الحظور يدخل منها
وكان واقف عند البوابه الاستاذ " فهد المديد " والمرور بكل مكان
طبعا المديد معاهـ لسته بأسماء المدعووين كل ما جا واحد قال له وش اسمك
ويدور اسمه في اللسته اذا موجود يقوله تفضل اذا مو موجود يقول له ديور الله لا يهينك

المهم جت اخوي الفكره وكان التنفيذ علي بما اني انا اللي اسوق
" الفكرهـ " نتكي عند المديد اذا سمعنا اسم واحد رحنا جبنا سيارتنا وقلنا له حنى تبع فلان

رحت لحالي عند المديد ويجي جيب انفينتي قال له المديد من انت قال الرجال انا من طرف " فلان الفلاني "
وحصل اسمه باللسته .

هنا بدأت المغامرهـ طرت للموتر واتجهنا للبوابه كان قدامي سيارتين شوي وصار وراي طابور
وصلت للمديد قلت انا فلان من طرف" فلان الفلاني " مير يدور وقال اسمك مو موجود
قلت لحظه اتصل على " فلان الفلاني " مير يقول لا خلاص تفضل وهـ بس

دخلنا ولا كنا مصدقين والدخول كان من بوابة الاعلاميين اللي تودي على مطعم داخلي وصالة الحديد

صراحه كان فيه بوفيه مفتوح بس مو وقته
اتجهنا للمسار المؤدي لأرضية الملعب
ويارباااااااهـ ما بي لا اصدق عيناي
كان المان يتمرن وكان زحمه مو طبيعيه

والحين اترككم مع الصور :

هذي صالة الحديد
http://img210.imageshack.us/my.php?i...0210009va1.jpg
هذا الممر المؤدي لأرضية الملعب " زي الخرطوش حق الطياره "

http://img232.imageshack.us/my.php?i...0210004an1.jpg

وبالختام تراني طولت عليكم
• نص الموضوع الاستاذ فهد المديد وفلان الفلاني .
• النمشان كعادته كان متسلط علينا حتى كان يقول لو سمحتوا روحو المدرجات ولا تخلوني اضطر استعين برجال الامن.
• صور الامير انا متعني انه ما يكون واضح فيها عشان اترك لكم حماس البحث عنه < برى

آسف عـ اللخبطه بس توني اعرف ان الحد الاقصى لرفع الصور خمس ملفات عـ العمووم حملو الملفين اللي بالمرفقات فيها بعض الصور

مع السلامه

الفـ10ــيصلي · #2 10/02/2009, 09:05 PM

الصوور ماطلعت ممكن تعيد تحميلها

proxy · #3 10/02/2009, 09:29 PM

حتى انا ماطلعت عندي الصور

ارسن فينقر · #4 10/02/2009, 09:06 PM

الصور ماطلعت يابو الشباب

دبر نفسك وطلع الصور تراي تحمسست

a7b_yasser · #5 10/02/2009, 09:07 PM

أفا انا طالعه عندي وهذاني وانا ارد عليكم طالعه عندي !

الفتى القناص · #6 10/02/2009, 09:06 PM

ما طلعت الصور ..

أتمنى أعادة الرفع ..

دوااك عندي · #7 10/02/2009, 09:08 PM

الصور مو طالعه خيوووو

تأكد من الروابط

سعود الفيفي · #8 10/02/2009, 09:09 PM

اخوي تأكد من رفع الصور ترى ما ظهرت

تحياتي

تركي الوهبي · #9 10/02/2009, 09:10 PM

الصور ما طلعت تأكد ياصديقي

بس حركتكم حلوووه ياخطيييييير انت وخوووك

نادر الوجود--- ؟ · #10 11/02/2009, 03:35 PM

إقتباس

الرسالة الأصلية كتبت بواسطة تركي الوهبي


	الصور ما طلعت تأكد ياصديقي بس حركتكم حلوووه ياخطيييييير انت وخوووك

السلام عليكم ورحمة الله وبركاته

اخوي تركي عندي ملاحظه على توقيعك اتمنى انك تتقبلها بصدر رحب......

ما تجي صورة الله اكبر واسم النبي صلى الله عليه وسلم وتحت مكتوب كلمات اغاني

ياليت تنتبه على هالموضوع