|
سلطان بن فهد تبي كورتنا تتطور تعال اعلمك كيف السلام عليكم ورحمة الله وبركاته اول شي هارد لك الهزيمه وبصراحه ماهي غريبه على هالمنتخب اللي اقدر اسميه شبح منتخبات السعوديه كلها على مدى العصور المشكله انه هالمنتخب يملك افضل العناصر ولكن وقت المباريات المهمه مادري وش يصير لهم السبب الحقيقي وراء المهازل اللي يقدمونها كمبارسات منتخبنا تتلخص في اشياء عديده اتمنى ايصالها للامير سلطان بن فهد اذا يبي كورتنا تصير عالميه بجد ادري اني بنت وبتقولون وش فهمك ومن هالكلام اللي لايودي ولا يجيب بس بصراحه فيه بنات افهم من كثير من الرجال راح الخص الاسباب (( من وجهة نظري )) في عدة نقاط 1- ناصر الجوهر مع احترامي الشديد له الا اننا لازم نوقفه عند حده دامه مافهمها واعتزل من نفسه (( ياناصر ياابن الناس اذا تحب منتخبنا استقيل واللي يخليك لاهلك وعيالك )) ارجوووووووووووك دامهم ماشاتوك للحين انت استقيل وريحنا .والله مابراسك تدريب والدليل اليوم اسمعك في رميه جانبيه تقول للزوري (( ارميها للي فاضي )) بالله وهذي يحتاج لها كلام ؟ مسوي فيها فاهم اكيد بيرميها للي فاضي .. واختياره الفاشل في منتخبات ضعيفه جدا للمباريات الوديه امثال سوريا والبحرين وتايلاند بالله هذي منتخبات ؟؟ ولا يبي يفوز عليها عشان يمدحونه وبس ؟ 2- الامير سلطان بن فهد طالما لايتقبل الانتقادات من نقاد ورياضيين سعوديين مراح تتطور الكوره يبيهم دايم يجاملونه ويمدحون الرئاسه مع انها افشل رئاسه لرعاية الشباب في العالم ..ودام اغلب موظفينها من الشياب مراح يتطور شي على فكره ترى اسمها الرئاسه العامه لرعاية الشباب موب الشياب ياسمو الامير .. فيه عندنا شخصيات كرويه قمه في الفهم والتفكير امثال خالد الشنيف وفيصل ابو اثنين وصالح الداوود ياليت تستفيد منهم .. 3- وهي النقطه الاهم من وجهة نظري وهي احتراف لاعبيننا بالخارج ارجوك ياصاحب السمو لازم توقف طمع رؤوساء الانديه في اللاعبين خصوصا اصحاب العقود العاليه حرام شبابنا ورياضتنا ماتستفيد من الاحتراف الخارجي والله ثم والله طالما لايسمح للاعبينا بالاحتراف بالخارج مراح نمشي الا للخلف .. شوفوا عمان كيف كانت ولوين صارت بسبة الاحتراف الخارجي حرام امثال ياسر القحطاني ووليد عبدالله واولاد عطيف واحمد الموسى ومالك معاذ وغيرهم مايحترفون برى وربي حرام والخسران من هالموضوع رياضتنا ومنتخبنا ارحمونا يارؤوساء الانديه وخلوا لاعبينا يحترفون بالخارج هالنقاط لو تتطبق عندنا والله راح تصير رياضتنا عالميه بجد مو كلام جرايد هذا واستغفر الله لي ولكم واسفه على الاطاله زعيمتهم :smilie47: :alzaeem: |
مشكورة أختي والله لو يستقيل سلطان ويجي واحد بداله فاهم كوره صح أمثال عبد الرحمن بن مساعد وعبد الله بن مساعد وغيرهم الكثير من اللي يستطيعون قيادة المنتخب صح ونفتك من كل هالكلام الفاضي راح يوصل المنتخب لكأس العالم وينافس على المراكز المتقدمة في ضل وجود أفضل عناصر تقريباً مرت على المنتخب وبعدين بالنسبه لكلامك عن البنات والله فيه كثير من البنات في المنتدى يكتبون كتابات راقيه وبعضهم أفضل من الشباب والبنات فيهم الخير والبركه واللي يجي ويقول وش دخل البنات في الرياضة ليش الرياضه مكتوب فيها صك بإسمنا حنا الشباب مشكورة أختي على الموضوع الرائع تقبلي مروري وفآئق إحترامي وتقديري وعلى دروب التطور والرقي الرياضي نلتقي أحبة |
صح انك بنت لاكن الصراحة كلامك جدآآآ واقعي ونقاطك كلاها في الصميم لاكن للأسف ما بيصر شي منها لان ما في احد بيسمعكـ تحياتي ... |
كلام جميل جدااا واتمنى من كل قلبي انه يوصل صوتك |
... مع احترامي للرعاية الشباب فيهـ مهزلة داخل الادارة ..والعالم يتطورون وحنا بالعكس .. عندك من افضل اللاعبين في آسيا... ..لكن الادارة مااستغلت زين ... |
مالت عليه منتخب يدربه الجوهر المفلس ومالت على من وراه؟؟؟؟؟؟؟؟؟ عزَاه بس |
[SIZE="6"]صح الله لسانك ويدك إلي كتبت هذا الموضوع وأقسم قسماً اسألوا عنه يوم القيامة إن كلامك كله صحيح وعلى العموم اتمنى ان يصل صوتك أو همسة الحب التى يتشرف بها أي منتدى رياضي خاصة أنه جاي من بنت أخت رجال وغيوره على منتخب بلادها [/SIZE] [CENTER]وعلى العموم الله يخارجنا من أخرتها [/CENTER] |
شباب خلونا من المجاملات... الجميع يجامل سلطان بن فهد عشانه من الأسره المالكه لكن هذي المجاملة على حساب وطنا.. يسلمووووو على الطرح |
والله انك قلتيها كلام جدآآآآآآآآآآآ رائــــــــــــــــــــــع عوآآآآفي .... |
مشكورة اختي لاكن الاهم الان ان سمو الامير ابو الخطط المهروسة سلطان بن فهد وحبيب القلب ناصر الجوهر يعلنان استقالتهما ويتركون المنتخب للاجدر والله حرام من سيء لاسواء |
صراااااااااااحه صااااااااادقه بكلامك وانا من المؤيدين لكــــــــــي استمري في التوااااااااااااااااصل ................ |
اقوول خليكي في خصوصياتك واهتمي فيها واتركي اللي مالك فيه لاناقه ولاجمل وبعدين بعض البنات افضل من بعض الرجال ممكن في (الطبخ وغسيل المواعين) قالت ايش تعلم سلطان بن فهد تطوير الكوره هههههههههههههااي .. |
إقتباس:
طيب انت يابو ناقة وجمل عطنا اسباب تدني مستوى المنتخب .. ممكن يجي منك شي ينفع البلاد والعباد ,,, |
مآآآآآآآآآآآآآآآآآآآآآآآآآآآآشاء الله عليك ربي يحفظك عقليه سليمه اذا الجنس الثاني والشارع الرياضي يفكر زي كذا اداره المنتخب وينها عنا لدرجه هاذي ماعندهم عقليه منصب واكل أموال وبس تسلمين أختي |
سنق يونق الفشقه والله مباراتنا مع فريق الفشق هذا مدري وش تبي احس انها كره كرتيه وتكوندو وسباق سرعه تمريراتهم كلها ورجلينهم فوق اول مره اشوف واحد يناول وهو يركض باعلى سرعه ويسيبق الكوره والله مباراتنا كنه مطرود مننا خمسه ما اشوف الا المدافعين3 و10 من فريق كوريا والبقين مختفين وفيه مناوله لمحمد نور وقتها كنت احسب فيه واحد طايح وهو بيرجع الكور مسكت راسي يوم شفتها بعدين وش هلاجمهور الي كله جيش :) نقشبندي الله يرجه يقول كل الجمهور لابسين لبس واحد مسوي ما يدري :clapping: الي فوق ماله دخل بلموضوعك :) جالس افض فض بس اقول الله يستر عليك ويحفضك لا نشكك في قدرات المراه السعوديه :bx: والله انك احسن مني للحين ما كتبت ولا موضوع :) بس الجوهر لا يتناطح عليه عنزان لا زم يروح مهوب من الحين من اول المفروض ما يجي من الاساس لانه مع احترامي ما في راسه تدريب وياليت يجي فليب سكولاري:to: مش خشتك يجي |
| الوقت المعتمد في المنتدى بتوقيت جرينتش +3.
الوقت الان » 03:35 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd