|
الآن لا الوم الاتحاد الآسيوي على وقوفه امام تأهل السعودية لكأس العالم بصراحة تأهل السعودية لنهائيات كأس العالم سبب مشاكل كثيرة للأتحاد الاسيوي مع الاتحاد الدولي بخصوص مقاعد آسيا في بطولة كأس العالم آخر ثلاث بطولات لكأس العالم لا يهزم بنتائج كبيرة الا المنتخب الاسيوي السعودية والذي يصنف من اقوى المنتخبات الاسيوي وهذا يدل على ان آسيا لا تستحق مقعد اضافي ويعطي صورة سيئة عنها. ودائماً ما يصعد المنتخب في اسوء مستوياته وبالحظ على حساب منتخبات اسيويه احق منه لذا أجد من الافضل للكرة الاسيويه عدم تأهل المنتخب بالمستوى المتدني والمتهالك الذي تلعب به حالياً وبالقناعات والعقليات الادارية والفنية التي تدير هذا المنتخب. متى ما اصبح اداء المنتخب مشرفاً وقوياً ومستحقاُ على غيرة في التأهل لكأس العالم ستجدون الاتحاد الاسيوي يدعمه ويتفاعل معه لكي يشرفهم في المحفل الاسيوي ويزيد من حظوظهم بالبطولات العالمية كما كان منتخب 94م عندما كان فخر آسيا واحد مفاجئات البطولة وسبب رئيسي لزيادة المقاعد في هذاك الوقت. ولاحظو معي ايضاً المنتخب الايراني ومحاولة الاتحاد الاسيوي محاربته وذلك لنفس السبب. لو ننظر بعين آسيوية لما رأينا غير أستراليا واليابان وكوريا الجنوبية احق بتشريف آسيا وياتي بعدهم المنتخبات المقاتله والجادة فقط. |
والله انك صادق ياكاتب الموضوع وش فيكم أثرت عليكم المباراة والله ثم والله ثم والله ان المنتخب السعودي لو يتأهل مايقدر يسوي شي تدرون ليه؟ الجواب لان سلطان بن فهد مايعطي الثقة للمدرب يعني لازم يتدخل ويلعب في التشكيلة وبعدين منتخب كبير مثل السعودية له تاريخة يحط الجوهر مدرب عليه اقسم بالله اني الاحظ ان المنتخبات الشرقية تتطور بشكل ملحوظ من حقها انها تتأهل ولايتأهل المنتخب السعودي وللمعلومية ان المنتخب السعودي عنده فرصة كبيرة بالتأهل لكن صدقوني بالادارة والمدرب والله مايتأهل ولايطمح انه يتعادل مع الامارات وكوريا الشمالية على ارضه |
ليش الزعل كلامه صحيح ثمانية من المانيا حتى اوكرانيا لعبت فينا بالاربعة وتمريرات المنتخب دفاع وسط ووسط دفاع يعنى هجوم مافي احسن شى منتاهل بلاش فضائح والى يرحم والديكم |
مشكوووور اخوي على الموضوع لكن لو كان التاهل على مستوى الفريق بتكون هناك مشاكل والظلم حيكون اول الشكاوي من المنتخبات الي ما تاهلت |
أنا أقول النتائج الكبيرة التي يتلقاها المنتخب شئ طبيعي شوف عندكـ منتخب ألمانيا الذي هزمنا بـ 8 ألمانيا خسرت أمام المنتخب المجري القوي آنذاكـ في كأس العالم 8 مقابل 3 لكن الألمان لم يتحطموا مثلنا قاموا واجتهدوا وأخذوا كأس العالم وإلى الآن وهو منافس قوي في شتى المحافل مشكلتنا بس الفكر لويتغير كان لنا شأن ثاني |
وليش تصدق أنت ان الاتحاد الاسيوى يقف ضد نأهل المنتخب لكأس العالم0 هات مدرب زي المدربين وستتأهل لكأس العالم حتى عقده ورواتبه مدفوعه من الاتحاد السعودي (مامن حساب أحد) |
شكراُ لجميع من ردو وتفاعلو مع الموضوع ولكن بالنسبة للشباب اللي ردو بالسلبية واللي يقول كويتي وغيرها ودي اعيد عليهم النظر للموضوع بواقعية راح يلاقون ان الموضوع مافيه عيب ولا غلط اجل لو تتأهل اندونيسيا وفيتنام على حساب السعودية وتنهزم بالعشرات الن تقولو نفس الكلام وتنقهرو من تاهلها بالحظ وفضيحتها للكرة الاسيويه في المحفل العالمي.....!!! يأخوان ان لا اود الأساءة للكرة السعودية او المنتخب السعودية بس الواقع يقول ان احنا وبسبب تخبط اتحادنا صرنا فضيحه وحكوة على كل لسان ولا لو فيه ادارة جيدة للاتحاد راح تكون فخر للكرة العربية... اجل بالله عاجبكم لما اروح لمصر ولا البنان ولا حتى فرنسا اتهزء ولا يصير لي كلمة ارد بها بعد فضايح كأس العالم بسبب سوء ادارة الاتحاد الكروي وانتم تقولون لا تتكلم ولا لك حق تنتقد وكلش زين والحمد لله على المرمطه والتهزيء الوطني من كل المهتمين بالكرة في العالم .. بالله اللي يقول اني منيب سعودي يشوف نفسه هل هو سعودي ويفتخر لم تنهان بلدة بالثمنيات والاربعات وتفتحون باب للي يسوى واللي ما يسوى عليكم هل هذه قمة الوطنية عندكم !!!! عندما تتظر للقضية بشكل واقعي ستلاحظ ان الموضوع مافية اي شي بل لب المشكلة |
سنتاهل باذن اللة وكل منتخب معرض للخسارة وموضوعك ابتدائى وسيرد عليك التاريخ وتعرف من هو منتخب السعودية |
سبحان الله أنت على أي أساس أن الاتحاد الاسيوي يحارب السعودية !! هل عندك أدلة ؟ ياخوي هذا الكلام قاله الامير سلطان عشان يغطي على سبب هزيمتنا من كوريا الجنوبية يوم انتقد الحكام عشان يشغل الاعلام والشارع الرياضي بقضية الحكام لكي يغطي على فشله . الحين انهزمنا من كوريا الشمالية ، مافيه لا بلنتي ولا غيره ، وش عذره ؟ الامر الثاني بالك الله فيك لا تصدق كل مايقال خلاص الجمهور اصبح واعي هذاك أول . ياااااااااااااهملالي |
والله كلامك واقعي جدا جدا جدا ...!!! هل يجب ان يثبت الكاتب انه مواليد كوريا او الصين مثل بعض الردود السخيفه والي تثبت ضحاله التفكير .!! واستغرب من البعض الي قال كويتي ومدري ايش ..!! ياناس ياعالم رحم الله امرء عرف قدر نفسه ..!! منتخب مو قادر يهزم الامارات الا بضربتين حظ ..!! وم قادر يهزم ايران على ارضه..!!! وحتى عمان الي كنا نمسخرها صارت تمسخرنا ..!! هذا حال الكره السعوديه ... للأسف الوضع محتاج اعاده ترميم من جديد ومن اسفل الهرم للقمه .!! |
إقتباس:
اخي الكريم اقف احتراما لقلمك ولرأيك .. وانا اوافقك على رأيك الصريح والواضح ( اتمنى من الاخوان الذين اسائوا اليك ان ينظروا انك مسجل تاريخ 2004 وهم 2008 .. 4 سنوات الفرق .. وهذا يكون دليل لهم انك غير مندس بين السعوديين والهلاليين ) |
إقتباس:
وحتى ان لم يقف في وجهك الاتحاد الاسيوي المنتخب سيكون مشكلة المشاكل لو تأهل بهذا المستوى |
إقتباس:
أخوي ابو مبارك لا تأخذ الموضوع حرفياً ونصياً ابحث عن عمق الموضوع المنتخب خرب علي متابعه آخر ثلاث بطولات كأس عالم من النكد اللي صار في هالبطولات الثلاث حتى دور السته والثمانية ما تابعته فيهم من سبايب ضيقه الصدر اللي سببها لي انا منتخباوي صميم واذا تتكلم عن رد التاريخ انا اقول لك ان المنتخب راح يجي وقت ويفرحنا بس متى لا اعلم واذا في معرفتي بالمنتخب السعودي فانا اقول لك ان تاريخ المنتخب السعودي من سنه 80م موجود في ارشيفي الخاص اما ماقبل سنه 80م ما اعترف بالمنتخب لان ماكان فيه شيء يذكر ولا لحقت على الاحداث بوقتها لاني كنت صغير جداً |
الزعيم/ عبدالله بالود غيور هلالي برطم المستقبل كرستيانو فيتش LEmOn سمو شكراً على التفاعل AL samy تصدق توني انتبه أن المنتخب مفتاح لأول الانجازات وبالفعل نقطه ايجابيه أخي العزيز الزعيم التميمي أشكر لك ردك وتقديرك وأحببت فيها رؤيتك المحايدة المبنية على احترام الرأي شكراً جزيلاً |
إقتباس:
وانا اقف في صفكم يااخوان شوفوها بالعقل المدرب ناصر مدرب قدير لكن ماينفع الا مساعد مدرب فقط التصفيات وكاس العالم تحتاج الى مدرب محنك اكثر من ناصر مدرب لو اعطي الصلاحيات الكامله (( مو صلاحيات دخل الاعب الفلاني وطلع الاعب الفلاني )) لتطور المنتخب احنا زعماء اسياء لكن مع وقف التنفيذ حاليا |
| الوقت المعتمد في المنتدى بتوقيت جرينتش +3.
الوقت الان » 04:54 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd