الي كل من أنتقد المنتخب الكوري ولم يعجبه التحكيم
 

السلام عليكم

أستغرب ليه بعض الناس ما عجبهم تأهل الكوريين للمربع !!!:confused:

غايرين منهم يعني ؟؟ عشانهم اسيويين وتأهلو للمربع وحنا لا ؟؟

اقول خلكم واقعيين المنتخب الكوري والتركي والسنغالي أبدعو ابداع ماله حد ماشاء الله وانا ارشحم للنهائي , ترا الكوره مالها كبير الي يلعب صح في الملعب يفوز .

وسؤال لكل الي يقول ان كوريا تأهلت بالتحكيم : بالعقل معقولة فريق يوصل الي دور نصف النهائي بالتحكيم! قل يفوز في مباراة هذي معقولة أما الي دور نصف النهائي صعبه شوي ؟؟ هذي مشكلتنا في السعوديه نعتقد بأن التحكيم والمدرب والجمهور هم السبب الرئيسي للفوز بأي مباراة بالأضافه الي تاريخ وسمعة الفريقين .!!!!
ايطاليا - كانت دون مستواها المعروف وما تأهلت الا بشق الأنفس .
البرتغال - نفس الشي ما لعبو صح الا في مباراتهم الثانيه ضد بولندا . فازت في مباراة واحده وخسرت ثنتين .

يعني مافيه مفاجئات هذي نتائج واقعيه .

ما انكر ان التحكيم في هذه البطوله كان دون المستوى لكن هذا ماهوب سبب في بلوغ الفرق الصغيره لأدوار متقدمه .

على طاري التحكيم ,, وش رايكم توكلون المهمه هذي ( انتقاد التحكيم ) للزملاء في النادي المجاور والمنافس , هم أفضل مننا وعندهم خبره في هذا المجال .

صحن قلابه .. اسبانيا ما انظلموا اليوم من كوريا ؟!

كووووووووريا تستاهل.


اصلا احنا قارة اسيا مظلومين.

يستاهلوون الكوريين ومباراتهم مع المانيا راح تبين انهم يستاهلون حتى لو مافازوا اهم شي انهم راح يقدمون مستوى.

أطلاقا , ما انظلموا من كوريا ابدا .

كوريا استحقت الوصول لنصف النهائي...يااخي مو ذنبهم الاستفاده من اخطاء التحكيم.....بصراحه يكفي مستواهم وخاصه في مباراة ايطاليا....

كوريا تستاهل نصف النهائي بكل جدرة ولكن لا نسميها ظلم تحكيمي ولكن نقول ان كوريا وصلت الة دور النهائي باخطاء تحكيميية في مباراة كوريا واسبانيا (الغاء هدفين صحيحيين) ومباراة كوريا وايطاليا

!! !! !! !
---------------

المشكلة ان بعد سنين اذا صارت كوريا ماخذه كاس العالم 5 مرات وتريكا 4 مرات والسنغال 4 مرات وطلعت هذه الفرق من احدى البطولات على حساب منتخبنا ( الي لا يزال منتخب فاشل ) وكينيا وبنقلاديش و تيمور الشرقيه , بيطلعلك نفس الأشكال وتقول كاس العالم بلا تركيا ماله طعم و المنتخب السنغالي خررج بالتحكيم و المنتخب الكوري خرج مظلوم ....الخ

يا اخي شوفوا المستوى واحكموا ... والله متطور بشكل ملحوظ ,, ماشاء الله عليهم

صحن قلابه .. قول موريانتيس اللي لغاه حكم الرايه فيه شي ؟

كوريا فريق كبيير ويستاهل التأهل وحنا يوم نقول انهم تأهلوا بالتحكيم ما نقول انهم ما يستاهلون و لكن نقول انهم قدموا مستوى ممتاز و تأهلوا رغم انني متأكد من ان التحكيم كان معهم و الحميع شاهد هدف موريانتس و هدف توماسي و كذلك طرد توتي ولكن هذا لا يمنع انهم كانوا يستحقوا و انهم تعبوا و اجتهدوا و لم يقصروا

اخوي برشلونه وضح كلامك ..

اول شي تقول اسبانيا انظلمت من كوريا يعني التحكيم كان مع كوريا طول المباراه . بعدين قلت ان هدف مرينتس صحيح وهذا مهوب ظلم من كوريا هذا خطأ من الحكم .

بعدين شف .. البطولة كلها مستوى التحكيم فيها تعبان, عندك طرد الاعب التركي مع البرازيل وتمثيل ريفالدو مثلا .

لكن مثل ما قلت في اغلب المباريات الأخطاء التحكيميه ما غيرت في مجرى المباراه .
ومستحيل تكون الأخطاء التحكيميه سبب في بلوغ اي فريق للدور الثاني , مهوب النصف نهائي !

صحن قلابه .. قصدي ان التحكيم ساعد كوريا على التاهل عن طريف اسبانيا

الى اخوي صحن قلابة
كيف نقول انه الاخطاء ما غيرت من نتيجة المباراة يعني لو هدف موريانتس انحسب كان خلاااص هدف ذهبي و انتهت المباراة وفازت اسبانيا و كذلك هدف توماسي

كوريا تاهلت عن جدارة فازت على البرتغال وايطاليا بحق اما على اسبانيا كان في كذا خطاء..

كوريا تستاهل منتخب قوي وند يستاهل الاحترام..
بالتوفيق لها امام المانيا..

ولاتنسون مبارة تركيا والبرازيل وايش اصر على الاقل كوريا ماعندها لاعب مثل ريفالدوا اكبر ممثل بالعالم وبطل هولييوود القادم بقوووووووووووووة..

تحياتي:
redheart


ملاحظة:
المنتخب السعودي ليس منتخب فاشل تاريخة يكفي عارفة انو الماضي فات بس انشاء الله القادم اجمل..