كوريا الشمالية vs السعودية ( مواضيع مدموجة ) !! - صفحة رقم 28 - نادي الهلال السعودي - شبكة الزعيم

lover4ever7 · #1 11/02/2009, 11:16 AM

قهر والله قهر كوري تهزم المنتخب السعودي << والله كبيره

اليوم الهجوم ضعيف جدآآ والوسط موفي الفورمه اليوم الدفع وبذات العمق ضعيف

مفيه والله الى عزيز الى فقدينه بس حرام الهزيمه

الله يعين المنتخب في المبريات الى جايه..

أبـ خالد ـــو · #2 11/02/2009, 11:16 AM

بسم الله الرحمن الرحيم

هارد لنا على الهزيمه وضياااع النقااط الثلاث المهمه

انا بدخل بصلب الموضوع على طووول

الحين خسرنا 8 نقااااااااااط منها 5 نقاط على ارضنا

يعني مو معقوووله كل هالنقااط كانوا الاعبين فيه غير مستوااهم

انا متأكد ان المدرب هو الي يتحمل الجزئ الاكبر والله تعبنا معك يالجووهر يعني

لاعب زي تيسير الجاااسم لاعب صانع لاعب من ازين صنااع الاعب في اسيا تقووم

تلعبه محووور وتخلي كريري بدكة الاحتيااط طيب انت شفت المنتخب الكوووري

جااب هدف اسحب الفريدي ودخل كريري وخل تيسير يطلع مكاان الفريدي كا صاانع

لعب

لاعب زي عبدو عطيف تخليه احتيااط ليش اسحب النمري ودخله يااخي انت

خسراان بهدف وانت محتااج النقااط الثلاث يااخي خل عندك الشجاااعه وجاازف

دخل كل اوراااقك الهجووميه لان الخسااره بدهف نفس الخسااره هدفين

الوسط ضاايع مره تلقى الفريدي يمين ومره تلقااه يسااار

يااسر ما لقى الي يعطيه كوور صاار هو الي يرجع يدوور الكوووره

لاتكتيك ولا شي من استلم الجوووهر ما قد شفت المنتخب يلعب بتكتيك كلها اجتهادات

لاعبين

الكل يتسائل ليش نوور اليووم مالعب زي ما يلعب مع الاتحاد

لان في الاتحااد نوور يلعب في الوسط كلاعب حر يااخي انت ترعف ان نوور اذا تقيد بمركز مايأدي صح

طيب عطه الحريه في وسط الملعب وخله يلعب على رااحته

انا اتمنى من الامير سلطاان بن فهد انه يجيب مدرب عاالمي في اسرف وقت لان

المنتخب مع الجووهر ما رااح نووصل لكأس العااالم مهما يصير

هذا كل الي عندي

والله يووفق المنتخب في الفتره القاادمه ونتأهل الى كأس العاالم للمره الخاامسه على

التوااالي ان شاءالله

والسلام عليكم ورحمة الله وبركااته

ريو الايطالى · #3 11/02/2009, 11:17 AM

المنتخب السعودى راح يصعد وتشوف

heat · #4 11/02/2009, 11:18 AM

إقتباس


	المنتخب السعودى راح يصعد وتشوف

متى كل يوم ينزل شويى شوي منتخب فاشللل ,,

yasser99 · #5 11/02/2009, 11:19 AM

الجوهر هذا وش يبي بالضبط؟؟!!

يالله حسن الخاتمه شايب وقلبه تعبان مدري وش فيه وللحين بالمنتخب

وماغير واقف قدام دكة الاحتياط مسوي فيها كوزمين ولا مورينهو

The Past Story · #6 11/02/2009, 11:20 AM

صدقت اخوي وحنا ترى ملينا من الكلااااااااام الجوهر لايقدم ولايؤخر في المنتخب

خططه بدائيه جدا

ياااخي رفعة ضغط وحنا نطالع المباراه

اذا اتحاد الاخلاق السعوديه ماعندك احد اتمنى الجوهر يستحي ويرحم الشعب السعودي

ويستقيييييييييييييييييييييييييييييل

نبغى مدرب عاااااااااااااالمي يقرأ المباراه بشكل جيد

مو مدرب همه الرد على الاعلام وبغير عيوني زرق مدري خضر

مشكوووووووووووور اخوي

مجنون RAMOS · #7 11/02/2009, 11:21 AM

ياخوي والله كلامــكـ. صحيح ..
السراحه اليوم الجوهر مدري اش يبي .. مو اول مره يسويها الجوهر .. الجوهر .. مدرب يحب التجارب على حساب تضييع النقاط..
يعني الحين هو ملعب تيسير محور .. انا ودي اعرف ليش؟؟
يعني بيلعلمنا ان تيسير يعرف يلعب محور كويس...
اتمناء يشوفون حل للمنتخب . السراحه المنتخب يلعب على الصدف .مره تظبط ويفوز ومره ننهزم ..
يعني يالمسؤلين نبي حـــــــــــــــــــل... رجعو المنتخب زي اول .. مثل تصفيات كاس العالم 2006

أبـ خالد ـــو · #8 11/02/2009, 11:23 AM

مشكوووووووور على مروووكم اخواااني

وان شاءالله نشوووف مدرب عااالمي للمنتخب بدااال المتخبط الجووورهر

عااشق11نواف · #9 11/02/2009, 11:25 AM

بآي بآي جنوب آفريقيآ آذآ استمر الجوهر و آذآ استمرينآ على هـ المستوى وخسرنآ آي نقطه في مبآرآهـ قآدمه ..

الخسآره تتلخص في عدة نقآط .. << بدت الفلسفه ..خخخ

1/ بدآيه التشكيله من المدرب نآصر الجوهر خآطئه لان اللآعبين ماتعودوآ على تشكيلة 4/5/1 ..

وفي نفس الوقت خسر تغيير لانه مظطر يدخل مهآجم مع بدآيه الشوط الثاني .. يعني من الاسآس العب بمهآجمين وريحنأ ..

2/ جعله لتيسير الجآسم في محور الارتكآز وهو مايلعب في هـ المركز في ظل وجود كريري على دكة البدلآء ..

3/ الفريـــدي وربي لاعب نآدي .. مآينفع في المنتخب لاعب متعآلي على الكوره رتمه بطئ جدآ يحتفظ بالكوره ويعطل مجهود زملائه اللآعبين ..

4/ آسآمه هوسآوي يسير على خطئ رضآ تكر .. سوء تمركز آنبرآشآت متكرره من غير فآئده آرتكآب آخطاء فآدحه ومؤثره .. ولاتلومون المرشدي اذا ضآع مستوآه لوجوده بجآنب هوسآوي ..

5/ صرآحه ماشفنأ ولاجمله تكتيكيه رآئعه الا وآحده من نور ليآسر اللي آخرجهآ الحآرس بصعوبه .. ولعبة بدهآء من نور وذكآء من ياسر ولكن الحآرس توفق فيهآ ..

ورفع ضغطي المخرج اللي شكله يصور بكاميرت فيديو .. لاآعآدآت لاتركيز على المبآرآه ..

وفي النهآيه .. تبقى هذي وجهة نظري الخآصه ..

لكم ودي وتقديري

][راشد ][...

%%% هلالي من مكه %%% · #10 11/02/2009, 11:16 AM

إلى متى يتم نزيف النقاط
اين الحلول يا ناصر الجوهر
اين الشمراني
اين كريري
من متى يعتمد على الراهب في الحسم
آه يا قهر شارد من العمل والنهايه هزيمه

alqanas1993 · #11 11/02/2009, 11:19 AM

الجو ترا له تأثير كبير واول مرة نلعب على ارض صناعية وغياب خالد عزيز (افضل محور في السعودية ) والجوهر مفروض انا جايبين بداله من اول التصفيات الحين اذا تأهلنا لكأس العالم (ان شاء الله) توهم يجيبون مدرب ولا بيخلون ناصر الجوهر عشان تجينا ثمانية ثانية زي المانيا ياشباب باقي اربع مباريات ان شاء الله نجيب منها 12 نقطة ونتأهل خصوصا ان الاول والثاني يتأهلون مباشرة والثالث يلعب مع الثالث في المجموعة الثانية واللي يفوز يتأهل (تفاءلوا بالخير تجدوه ودعواتكم للمنتخب بالتأهل)

F.C.H · #12 11/02/2009, 11:22 AM

لاعبينا يعتبرون محترفين والعوامل اللى ذكرتها مرت عليهم خلال المعسكر يعني مافي عذر

السبب كله الجوهر

المفروض لو سلطان والجوهر عندهم الشجاعة والاخلاص للوطن يطلعون امام 20 مليون ويعتذرون

لكن من البداية السياسة غلط في غلط .. مجاملات .. وضحك ع الدقون

(دمي ازرق) · #13 11/02/2009, 11:29 AM

الجوهر كم له ماسك المنتخب ولا مباراه شفت المنتخب يلعب صح مافيه تكتيك واضح يعني مافيه طريقة يلعبون عليها الاعبين مثل الانديه عندنا شف الهلال له طريقة معروفه الاتحاد له طريقه الجوهر طقها والحقها حرام وجود هؤلاء النجوم مع الجوهر لو فيه مدرب عالمي مع الكوكبة الموجوده من النجوم سيكون الاخضر منتخب لايقهر ولكن لماذا التمسك بالجوهر الى متى الاخطاء الفادحه لماذا المنتخب لا يتحرك الا اذ سجل في مرماه هدف بصراحه وضع الاخصر صعب جدا

ااااااااااااااااه ليت رونالندينو سعوووووودي ااااااااااه

ابن الهلال 2009 · #14 11/02/2009, 11:23 AM

يا اخوان ماقدمو شي يذكر يعني دفاع
دفاع ما يعرف يشتت كورة صح ولاا هجمة غير حقت ياسر
لااعبين خايفين
مدرب فاااااااااااااااااااااااااااااااااشل
اعلنها بقوة فاشل
وربي
اطالب باقلته تكفون

(((9الهلال15))) · #15 11/02/2009, 11:26 AM

الجوهر هو السبب..

اللعب بمهاجم واحد وعدم التمركز الصحيح ادى الى عدم وصول الكره للمهاجم والمهاجم محاصر!!..

ان شاء الله يتحسن الوضع..

..