انا في الرياض ... انا وش حـادنـي اجي للـمـلـعـــب؟! - صفحة رقم 2 - نادي الهلال السعودي - شبكة الزعيم

حلو الأخلاق · #16 10/02/2009, 03:48 PM

أنا من سكان الغربية

في مباراة في الرياض وش حادني ما أجي

الهلال يحلو بعشاقه

هذا كلام لا يمت على عشق ومحب للكيان الأزرق

مشكوووووووووور على طرحك

وأنا مقدر ما تعانون منه يا جمهور الرياض

Ṩάḓὲὲм~ · #17 10/02/2009, 03:51 PM

الله يعينكم صرآحة شيْ لآيُطآق !!
طيب وش الغرض من هالشّي كلّه

يعني يعيقون اللعيبة داخل الملعب
ويعيقون الجماهير في المدرّجات !!

يعني إلى هالدّرجة الهلال لآزم يتوقّف !!

حطّوا في رآسكم لعيون الزّعيم كل شيْ يهووووون

حَسْبنا الله هو نِعم الوَكيل !!
الله يرد كيدهم في نحورهم يآربْ ياكريم

saud-5 · #18 10/02/2009, 03:51 PM

كلامك سليم 100% .

والناس اللي ماعجبها الموضوع لاترد جزاها الله خير ..

وفيه ناس للأمانه تجي الملعب .. وهي ماتدري وين الكورهـ ..
كل همه شف ذاك وشف ذآك < والذكي يفهم مقصدي .. !!

يآخي والله الجمهور يبيله تووعيه ..

أنا ودي أعرف شي واحد ..
الحين يوم إنك تزاعق وتسب في المدرجات .. بيسمعونك .. !!!
والله محد جاب خبرك ..

بس مانقول إلا الله يصلحنا جميعاً ..
لكم مني إجمل تحيه ..

abo niyah · #19 10/02/2009, 03:55 PM

والله انك صادق .....

سؤال بالله لكل هلالي وش ازين انك تروح الملعب ويعاملونك كنك بنقالي وكل شي ممنووع كنك جالس في سجن لا مويه لا عصير لا شاهي لا اعلام لاا شالات ولا شي .

ولا تجلس في بيتكم انت والعيال تشوف المابارة على اي ار تي والمعلق الحربي وشاهي واكل والي تبي ولا احد يقولك ممنوع وتسوي الي تبي وبراد وجالس متمدد ومكان نظيف ؟؟

خلهم يظبطون الملاعب والقوناين ونجي والله انا اول واحد على الاقل نبي موويه .

bad boy584 · #20 10/02/2009, 04:30 PM

الله على جماهير الزعيم ايام الثمانينات والتسعينات

الان الرئيس واللاعبين يطالبون لحضور الجماهير

فعلا ايام زمان احلى

:: بصمة التميز :: · #21 10/02/2009, 04:40 PM

اشوى انك علمتني خلاص جيه للملعب بأشيلها من راسي

الدريبي الهلالي · #22 10/02/2009, 04:43 PM

السلام عليكم..

ماقصرت اخوي والله صادق بكل كلامه..

الموسم هذا قليل حضوري ماوصل ل4 مباريات بس..

والسبب العسكر اللي يرفعون الضغط

محبوب القناص 20 · #23 10/02/2009, 04:52 PM

يا رجال عندك art وحط رجل على رجل والله كأنك جالس في الملعب صوت الجماهير واللاعبين عندك عند اذانيك قال ملعب قال
((((((((يامن شراره من حلاله علة))))))))))

هلالي في كل حالاتي · #24 10/02/2009, 04:52 PM

ياخي اسلوبك مع احترامي الشديد لك محبط
المفروض تشجع على الحضور تذكر الاجابيات وتترك السلبيات اللي كلنا نعرفها
وبعدين دامك بتحضر عشان الزعيم موضوعك يضر بالزعيم اللي تقول انك تحبه
انا أدري انك أن شاء الله كتبته بحسن نيه والله يعطيك على قد نيتك
وتقبل مروري ولا تزعل مني ولا تاخذها بشكل شخصي

ناف ناف · #25 10/02/2009, 05:02 PM

إقتباس

الرسالة الأصلية كتبت بواسطة هلالي مع كل الظروف


	انا احب اروح للملعب كثير لكن من سنه بديت اجلس بالبيت فيني ربو وانكتم كثير الله يشفي بس والله انت صادق السب والشتم لكن لا تجيب بزرانك وينك فيه رايح للملاهي ولا حالم انك بتوديهم لمكان نظيف ياخي خلهم عند امهم اوفق لك ربي يوفقك

والله خطير انت

**sniper** · #26 10/02/2009, 05:06 PM

يحرمني انكـ بطل

.. بس في ظاهرهـ ملعونة جدف

منتشرهـ في ملاعبنا هـ اليومين .. بس يقولون السكوت زين

uLbLw الزعامه · #27 10/02/2009, 05:09 PM

صح عليك الحضور في المباريات الحاسمه مهم جداً
وانا من جهتي ببدا حضوري لاول مباراه في حياتي ضد الوطني

FOFO4545 · #28 10/02/2009, 07:28 PM

بصراحه موضوع رااااااااااااااااااااااااااااااااااااااااااااااااااااااااااااائع بس الزعيم يستاهل الواحد يحضر عشااااااااااااااااااااااااااااااااااااااانه الصبر زين وترى ماشفت ملعب جده كان تكره اليوم اللي تحضر فيه مباريات

نيرازوري زعيم · #29 10/02/2009, 07:37 PM

اخوي كلامك صحيح وفيه بعد بعض النقاط ماذكرتها..
واكبر دليل في مباراة الشباب الاخيرة والله العظيم فيه ناس قالبينه جلسة وكسرات وقلة حيا..
تقول هذولي مب يقرضون الا ... المنب قايله والله
لاكن مع كل هذي الهموم ووقف موترك بعد 3-5 كيلو على اجر ان شاء الله..
وعلى طاري وقف بطريق خريص وفلافل عرفه تراهم كلهم بعيدة يالحبيب الاستاد وقف عند اخر دوار والملز وقف بالحارة الي قبال الملعب.. الملز يهون عند الاستاد
تحياتي

CuTe_NaJeD · #30 10/02/2009, 07:37 PM

كله كوم و حونشية "الرابطة" كوم..والله العظيم ان نصهم ما هو لم المباراة جايين للرقص ودق الطبول وترشيق المويه!

.. والمشكله حاطينهم جمب الممتاز والمنصه!!

و مع ذلك بنحضر يعني بنحضر.. كل شي يهون لعيون الزعيم