|
مواضيع لابد من ترك الحديث عنها ..!! السلام عليكم .. مساكم الله بالخير اخواني الزعماء .. الحقيقة لفت انتباهي موضوع عن طول فترة المعسكر الاعدادي للمنتخب .. وانه يخرب على الاعبين وعلى الاندية ويوقف الدوريات المحلية .. تعالوا معي لنعرف السبب : السبب في المعسكرات الطويلة هو .. ان الاعب السعودي مدلل و مايقدر يلعب مباريات كثيرة ورا بعض .. في اوروبا عادي .. 10 اشهر متواصلة يلعبون الدوريات حقتهم .. و شهرين اجازة .. وعندهم هذا النظام الرهيب اللي هو .. السنة الاولى : 10 اشهر لعب و شهرين اجازة .. السنة الثانية : 10 اشهر لعب و شهر كاس اروربا للدول و شهر اجازة .. السنة الثالثة : 10 اشهر لعب و شهرن اجازة .. السنة الرابعة : 10 اشهر لعب شهر كاس العالم و شهر اجازة .. طبعا لا تنسون كاس العالم للاندية .. كاس السوبر الاوروبية .. ولا تنسون المباريات السبعة الودية لكل فريق تقريبا قبل بداية الدوري بإسبوعين .. يعني تقريبا اجازة الاعب الاوروبي يمكن تكون اقل من شهر لأغلب الاعبين .. لا واللاعب الاوروبي مكروووف .. ويبدع زياادة .. والفرق بين الاعب الاوروبي والسعودي هو .. الاعب الاوروبي تجي له فلوس كثيرة لكن يقدر يترك الفلوس في سبيل حبه للكورة .. اما السعودي وللاسف يترك الكورة عشان دراهم ووسخ دنيا و في اكثر من دليل على هذا الشيء .. يعني السعودي اذا فلوسه زادت .. مستواه يقل وللاسف هذا ماصار مع بعض الاعبين والكل يعرفهم .. لا يجي احد يقولي لاعبيبتنا شبيهين باللعب الاوروبي .. الاعب السعودي الوحيد اللي طلع من ارض السعودية وكان من الصنف الاوروبي هو نواف التمياط .. وان شاء الله قريبا يلحقونه بدر العنزي و سلمان مؤشر .. ولا احد يجي يقول ارسن فنغر قال وماقال ولا الصفح الانجليزية والايطالية قالت وماقالت .. هذا والله اعلم وشكرا لكم .. واخيرا انا لاني مندس ولا شيء .. انا هلالي صميم و عشقي و خيالي هلالي للنخاع .. وانا من الزعماء غصب عن اللي مو راضي .. واعذروني عن هذا الكلام الجامد .. لكن زي ماقالت :smilie47: مي كساب ::: دي حاقه تكسف :smilie47:::: :smilie47: |
اعتقد المشكله مآهيب في اللاعب ..!! المشكله في النظآم الي نمشي عليه كله غلط في غلط النظام اقصد نظام لائحة الاحتراف الي عند اتحادنا الموقر الي كل يومين تتغير ..!! بإختصآر اذا حطوآ الرجل المنآسب في المكآن المناسب ذاك الوقت وتعال قول ليه لاعبينآ غير الاعبين الاوربيين ...!! |
إقتباس:
الحلول موجودة .. لكن تنفيذها صعب ..!! |
مآهوب تنفيذهآ صعب ..!! مجرد التفكير فيها و ابدآء الري فيهآ يعتبر جنون .!.! مودتي |
إقتباس:
الا صعب .. يعني تبي سلطان بن فهد يتنازل عن منصبه .. ولا عبدالهادي بيتركه منصبه .. ليه ما يسسون انتخابات و حركات .. مو احسن ..!! كذا قصدي .. |
طيب انا وش اقولك *ــ* الموضوع اتوقع حتى لو كنت تحلم وانت نايم انهم تغيروآ رآح يطلع لك في الحلم خطأ ^ـ* خلنآ على زعيمنآ ازين ^ـ^ |
هههههههههههههههههه .. حرااام انك منسم .. اي والله خلنا على هلالنيا .. يمتعنا و يخلينا مبسوطين حتى وهو مهزوووم ..!! ان شااء البطولة لنا امين يارب .. شكرا لك لمتابعة الموضوع .. |
إقتباس:
زي كدااه |
إقتباس:
الله يعافيك عالمروور .. بس وين تبي الادارة يرسلونهم ..؟؟ |
| الوقت المعتمد في المنتدى بتوقيت جرينتش +3.
الوقت الان » 09:56 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd