يحق للهلال دعم الفريق بلاعبين هواة من الدرجه الأولى !! - نادي الهلال السعودي - شبكة الزعيم

اللورد يوسف · #1 08/02/2009, 01:13 AM

السلام عليكم

مثل مانتوا عارفين الزعيم ينقصه ظهير أيمن وينقصه مهاجم ومدافع سنتر ..

لماذا لايتعاقد الهلال مع بعض لاعبين الفرق المتميزه بالدرجه الأولى وتسجيلهم هواة حتى نهاية الموسم مثل عبدالكريم الخيبري اللي يبيه النصر من القادسيه .. !!

وامثله على اللاعبين محمد السهلاوي مهاجم إعاره لنهاية الموسم !! وش رأيكم ؟؟

ونتمنى اللي عنده اكثر من اسم بالأولى يطرحه لنا قد يصل صوتنا للإداره ..

وللزعيم هيــــبه · #2 08/02/2009, 02:14 AM

يا أخوك مافيه أحد بأمانه يلعب بالدرجه الأولى
يحتاجه الهلال

حتى السهلاوي وقع مع القادسيه عقد أحترافي ل3 سنوات
يعني إذا رغب الهلال بإستعارة السهلاوي أو شراء عقده
لابد من إنتظار فترة التسجيل المقبله

شكراً لك،،،

أبرقت زرقا · #3 08/02/2009, 03:08 AM

^^^^^^^^

مع احترامي !

اجل تقول مافيه احد بالدرجة الاولى يحتاجه الهلال ؟؟!

انا اقول لك ان الدرجة الاولى منبع المواهب وممولة الاندية الكبيرة للاعبين .....!

المرشدي جاي من الجبلين ( الدرجة الاولى )

مالك معاذ جاي من الانصار ( درجة اولى )

حسن الراهب وتيسير الجاسم وصاحب العبدالله كلهم في المنتخب وجايين اصلا من نادي الخليج ( درجة اولى )

احمد الفريدي جاي من الانصار ( درجة اولى )

عبدالله الزوري جاي من النهضة ( درجة اولى او ثانية )

ياسر القحطاني ويوسف السالم والسهلاوي وسعود كريري كلهم من القادسية ( درجة اولى ) اللي صاروا نجوم في الاندية الكبرى !!

احمد الصويلح جاي من نادي الفتح برضو درجة اولى ..!

تبي اكمل لك ولا يكفي ؟

عشان تعرف ان المواهب ماتولد ببطن اندية الدرجة الممتازة فقط وانما هي موجودة في جميع الاندية والاندية الصغيرة اكثر من تهتم باستقطاب اللاعبين الموهوبين من الحواري وصقلهم لانهم سيكسبون من ورائها ملايين الريالات في حال بيعهم !!

ودي .......

أبو نواف 11 · #4 08/02/2009, 03:55 AM

والله فكرة حلوة ليت يجيبون ظهير ايمن

وللزعيم هيــــبه · #5 08/02/2009, 04:11 AM

أبرقت زرقااا

أدري يالغلا عن كل اللي ذكرت

بس أرجع لردي أنا ماقلت مافيه أحد مميز!!!

أنا قلت مافيه أحد يحتاجه الهلال حالياً !!

لسنا بحاجه إلا لظهير أيمن !!!

إذا عندك أسم ظهير أيمن مميز بالدرجه الأولى أسدحه هنا

كوده يحل هالمعضله!!!

أتمنى أني أكون وصلت فكرتي لك أخوي
وأتمنى يكون عندي سالفه خخخخ

أميرٍ · #6 08/02/2009, 05:02 AM

صدقني لو جاء ظهير ايمن ،، يبيلنا نصبر عليــه ،، عاد الجماهير الهلاليــه بتصبر عليه مستحييل والله .. بيقولون ( يا ابن مساعد جايب لنا ظهير ايمن من الدرجه الاولى ،، وفاشل ومن هالكلاام ) .!!

يارجال خلها على ربــك ،، ياليته بس موقفه على الدرجه الاولى ، في الحواري في الرياض + المدينه + مكــه + القصيـم .. فيه ناس يلعبون لعب مو طبيعي افضل من الي يلعبون في دوري المحترفيـن .!!

اتمنى ان يبحثو الكشافين عن ظهير ايمن ومحور وسنتر ، صغيرين في العمر وعطاتهم كبيره .!!

STS2005 · #7 08/02/2009, 05:20 AM

هذا بندر العنزي جاي من الدرجة الاولى .. وش استفدنا منه .. كنا نتوقع انه بيلعب بطولة فيصل بن فهد .. لكن البطولة خلصت
وهو احتياطي .. او خارج التشكيلة ..

البندري بنت خالد · #8 08/02/2009, 05:26 AM

صدقني لو جاء ظهير ايمن ،، يبيلنا نصبر عليــه ،، عاد الجماهير الهلاليــه بتصبر عليه مستحييل والله .. بيقولون ( يا ابن مساعد جايب لنا ظهير ايمن من الدرجه الاولى ،، وفاشل ومن هالكلاام ) .!!

يارجال خلها على ربــك ،، ياليته بس موقفه على الدرجه الاولى ، في الحواري في الرياض + المدينه + مكــه + القصيـم .. فيه ناس يلعبون لعب مو طبيعي افضل من الي يلعبون في دوري المحترفيـن .!!

اتمنى ان يبحثو الكشافين عن ظهير ايمن ومحور وسنتر ، صغيرين في العمر وعطاتهم كبيره .!!

sm9sm · #9 08/02/2009, 06:17 AM

المشكله مو في أولى او ممتازه

المشكله في الاختيار ومدى حاجة الفريق

وانت يا كاتب الموضوع ذكرت بعض الاسماء التي اتت من الدرجة الاولى ونجحت لكن ما ذكرت العكس

نهاار الهلالي · #10 08/02/2009, 09:17 AM

كلامك عين العقل ولا ننسى انهم بأندية الظل وامنيه لاغلبيتهم الانضمام للهلال وبأسعار اقل من المعقول...

&&العسيري&& · #11 08/02/2009, 09:23 AM

السلام عليكم ورحمة الله وبركاته

أما بعد:

أرجو رجا أن تبعدو سيول لأنه هو الي ضيعنا والله لو تجيبون

غيره أنه أفضل مثل الروماني أول ماج سجل هدف أطردو سيول
حتى أول مره أشوف كوري ماهو سريع والله غريبه

والله الموفق

مع تحيات:&&العسيري&&

اللورد يوسف · #12 08/02/2009, 12:04 PM

شكراً لمروركم

لاتنسون ان اقرب فترة تسجيل الصيف القادم بعد نهاية منافسات الدوري والدور الأول من كأس اسيا

لكن الأن نقدر نبحث عن ظهير ايمن يسد الخانه من فرق الدرجه الاولى الهواة ويحق لنا ذلك

3ashe8 al_hilal · #13 08/02/2009, 12:12 PM

ظهير أيمن من الدرجة الأولى لا يوجد صدقني

في مواهب كثيرة ــــــ كشافي الهلال لا أدري مالذي يفعلونه

يعطيك العافية

بالتوفيق للزعيم

...عاشق ياسر... · #14 08/02/2009, 12:25 PM

ياليت يجيبون عبدالكريم الخيبر ي

الزعيم بقلبي · #15 08/02/2009, 12:43 PM

من ناحية مهاجم وظهير اوكي

لكن سنتر اسمحلي مكتفين

لكن لو تبي سنتر جد ... مافي مثل طلال الزهراني سنتر هجر ... هاللاعب حرام يلعب في الاولى والله

اما مهاجم عد واغلط ... الرجيب والسهلاوي وعثمان هوساوي وغيرهم

ظهير ايمن ماعندي خلفيه

لكن في مشكلة

لاعب الدرجه الاولى مايكون محترف كفايه انه يمثل الهلال مباشرة

يبغى له سنه او سنتين او اكثر ... مثل حال الصويلح ونامي والزوري وغيرهم

يعني مشروع لاعب