السلام عليكم ورحمة الله وبركاته






المتهـم (( انت أيها العضـو ))

المجني عليه هو (( أنت أيها العضـو))






هذا العضو الجديد
هذا العضو المسكين
هذا العضو المحطـّم
هذا العضو المجهول للهوية


انا . وانت . وانت . وانتي . وانتي.



أسألك بالله أول ماتفعلت عضويتك وش كان شعورك .؟


عن نفسي أنا والله ماصدقت وقتها .
يعني بعد مده طويلة تتفعل فجأه .. !!


وقتها انت في بالك ترد على كتـّـاب تحب كتابتهم في المنتدى
ترد على شخص تصاميمه تعجبك
تبي تثبت وجودك قي المنتدى
في بالك كم موضوع ودك تطرحه .
في بالك اعضاء راح تكوّن معك صداقه .
في بالك هذا العضو راح يناقشك
في بالك هذا العضو راح يعطيك ملاحظاته في مواضيعك .
ووووووووووووووووووووووإلخ







جاك يوم وحطيت في بالك موضوع معين
وسدحت ذاك الموضوع اللي تعبت فيه لك كم ساعه وعصر مخك ...








يجيك ابو الشباب يدخل على موضوعك ويدرعم بدون احم ولا دستور ...
وقرا له كم سطر وبلع كم سطر

تلاقيه طوالي يكتب ( ماعندك مدرسه أنت ) << والي يقهرك تلاقيه هو بكره عنده واجب مابعد حله. المهم

ويجيك الثاني مطفي النور ناظر بطرف عين الموضوع ماش ما أعجبه قال خش ياولد نشوف وش السالفه .

وقرا السطر الأول والأخير بس. وطمر الباقي .!! .على طول سيده اقول لايكثر يامندس . وطلع .

والي بعده أخلاقه مقفله اليوم كله . خش الموضوع شاف الموضوع مو ملون وماله خلق وجع راس
شاف ردود الي قبله الي كاتب ماعندك مدرسه . والي بعده كاتب مندس .
الرجال ماقرا الموضوع على طول حط ,,,,, ,,,,, ,,,,, ,,,,, ,,,,, ,,,,, ,,,,,

والي بعده الله يهديه ما قرأ الموضوع خير شر بس اكتفى بردود .
ونسخ رد الي قبله والصقه وطلع .






* طيب ماعليش نقول الموضوع موذاك الزود مثلاً
*طيب وش المشكله إذا جيت انت وعلمته إجابيات طرحه بأسلوب راقي
*طيب نقول نفسيتك مقفله طيب لاترد ياخي واكسب اجر ع الأقل
* طيب نقول طرح الموضوع مو في محله . وش المشكله إذا علمته طرح الموضوع في القسم الصحيح
مويعني فيه مشرفين خلاص.. . انت وانا وكلنا ترا مشرفين .




( لكن حط في بالك ان الشخص هذا قبل كل شي تراه هلالي )



أنت ماتدري يمكن بكره هذا يصير من أحسن الناس الي تطرح مواضيع في المنتدى
يمكن يصير من أحسن المصممين .

بس مسألت انك تجي وتجرحه بكم كلمه عشان توري الناس انك ذبيب غلط ياخي .
حط نفسك مكانه قبل .!!

والله لو انه بعير أن تتحرك مشاعره ويشيل في قلبه ياخي .

صدقني بعدها يجي عنده تردد في طرح موضوع . تردد انه يرد على موضوع .
يمكن بعد يصير مجرد متصفح بس .

(والمتضرر هو الكيان الهلالي وأنت بس كل الي عليك انك نطلت كلمه ماتدري وش عواقبها .)




عشان تعالج هذا كله اتبـع المثل الي يقول ][ عامل الناس كما تحب أن يعاملوك ][



انا ما أقول الكلام هذا بأني شخص مايخطي أو شخص ما اتبع الأسلوب الخطاء بالعكس ..
انا اخطيت والخطاء مو عيب لكن الخطاء انك تستمر على الخطاء ....
والكلام هذا ليس على العاميه .. فيه أغلبية الأعضاء ماشاءالله تبارك الله تحرجك بالكلام الراقي إذا انت اخطيت .









واخيراً وليس اخراً ((اسأل الله العلي القدير أن يشفي شقيق كاتبنا الرائع والمميز مـغـاط
ويرجع لنا بفرحة شفاء شقيقه ويعود إلينا بتميزه وإبداعاته ... آمين يارب العالمين ))

إقتباس واخيراً وليس اخراً ((اسأل الله العلي القدير أن يشفي شقيق كاتبنا الرائع والمميز مـغـاط ويرجع لنا بفرحة شفاء شقيقه ويعود إلينا بتميزه وإبداعاته ... آمين يارب العالمين ))

اللهم امين
لاهنت يالغالي

ما احد قال لك انك ذيييييييب

يا عيني عليك - تعجبني والله

طلعت اللي بقلبي

من جد فيه بعض الاعضاء الله يهديهم ما يثمنون الكلمه قبل ما يطلعونه

إقتباس والله لو انه بعير أن تتحرك مشاعره ويشيل في قلبه ياخي .

^^

^

أكثر شي عجبني بالموضوع

:

ما قصرت يالغالي

تميم

والله انك صادز.........ههه (صادق)

والله انها صارتلي ...... وصرت مأحب احط مواضيع...

يعطيك الف عاااااااااااااافيه....

إقتباس الرسالة الأصلية كتبت بواسطة *تـَمَـَيَـَمَـَ* طلعت اللي بقلبي من جد فيه بعض الاعضاء الله يهديهم ما يثمنون الكلمه قبل ما يطلعونه

فديت قلبك والله ياتميم ... قل لي بس منهو اللي مزعلك <<

وانت ياصاحب الموضوع بعد فديتك

منهو هالهيـس اللي مزعلكم ؟؟

لا يكون هاللي مدرعم --> << تراه سبيكة لاتشرهون عليه خخخخخخ

الله يجزاك خير يارب

كلماتك درر

يعطيك الف عافيه


المشكله ان فيه ناس تبي بس زيادة مشاركات وفيه وفيه والخ

اقولك على حاجه المشكله تكون اوقات في المشرفين

المفروض ادخل على المواضيع اشوف الردود اشوف الرد الزين اخليه واشوف النقد الهادف واخليه

اما يجيك واحد ويستهبل على طول احذف رده

وهناك شي ثاني وانا اخوك

وضعت تصميم للاعب هلالي الله يهداه مشرفنا على طول قفله

السبب : يقول ان فيه قسم للابداعات الهلاليه

طيب فيه مواضيع هنا بالجمهور الهلالي بهذا القسم

تصاميم وغيرها اللي مسوي لطارق ولياسر ولغيرهم من اللاعبين جات على موضوعي

اتمنى من المشرفين انهم يشوفون الردود السيئه اللي تسيء للمنتدى ويحذفونها

اتمنى يتثبت موضوعك اخوي



ماقلت الكلام اللي فوق انا
الا من القهر

تعبت على التصميم واخر شي يقفلونه

مع انه للاعب هلالي

إقتباس فديت قلبك والله ياتميم ... قل لي بس منهو اللي مزعلك << وانت ياصاحب الموضوع بعد فديتك منهو هالهيـس اللي مزعلكم ؟؟ لا يكون هاللي مدرعم --> << تراه سبيكة لاتشرهون عليه خخخخخخ

تسلم والله

أثاريك فزعه وانا ما ادري

لا انا ما اقصد احد باسمه

لا أحياناً أشوف ردود تقهر

ومو شرط تكون لي انا شخصياً

بس احياناً تلاقي واحد تعبان على موضوع ومرتبه ومنزله ( ويجيك واحد ويرد رد ما له داعي )

يبي يفرد عضلاته ويسوي فيها قوي وهو من جنبها

برايفت للصخره ( خليك قريب - يمكن نحتاجك )

:

تــمـــــيم

موضوووع رائع وفي الصميم

والمشرفين ماقصرو بسس اتمنى انهم يكونون حازمين اشوي

تقبل مروري

اخوي كلامك كان يدور في بالي كثير

والف شكر على طرحك

لاني لو فكرت اطرحه مارح اوصل لمستاك في الطرح ماشالله

للاسف في ردود نخجل نقراها
واحيان شك امن الرد لنفس الموضوع اللي قريته

تلقاه يسب ويذم رغم ان مافي الموضوع اي شي يستدعي

بس جاي مدرعم وحط رده

والا سالفه انهم يمشون على نفس الرد الاول فهذي جد مضحكه

عموما نتمنى نرتقي بطرحنا وبردودنا

والف شكر

الله يعطيك العافية على هالموضوع رغم أني ما قريت ألا نصه لكن الكتاب باين من عنوانه ههه

إقتباس أنت ماتدري يمكن بكره هذا يصير من أحسن الناس الي تطرح مواضيع في المنتدى يمكن يصير من أحسن المصممين . بس مسألت انك تجي وتجرحه بكم كلمه عشان توري الناس انك ذبيب غلط ياخي . حط نفسك مكانه قبل .!! والله لو انه بعير أن تتحرك مشاعره ويشيل في قلبه ياخي .

طرح من العيار الثقيل
تسلم يالغالي

كفيت و وفيت اخوي ..
صدقت بكل كلمة قلتها ..

و فالك التثبيت .. يطلع على موضوعك أكثر من شخص .. و يستفيدون ..

عساك على القوة ..