|
مشكلة في البطاريه ياليت ترشدوني لحل السلام عليكم ورحمة الله وبركاته عندي مشكله بالبطاريه اول اذا شحنت اللاب توب تستمر البطاريه ساعتين ونص تقريبا الان ساعه وشوي وصار يطلع لي هالمربع مافهمت وش المقصود http:///pic/Mtf31300.jpg ياليت اللي عنده حل يرشدني عليه الله يجزاه خير |
وعليكم السلام حبيت اقولك لازم ماتكوني شاابكه السلك والبطااريه جميع يسبب بخرااب البطااريه ويسبب بضعف البطااريه يعني شيلي البطااريه واشتغلي بالسلك البطااريه ماحطوهاا الى علشان الطلعاات والبر الخ.. تراني مااقلت ذا الكلام الى من واحد خبرهـ راعي كمبيوترات ومحلات وشكرااا """"""" |
بالنسبه للبطاريه مثل ماذكر الاخ قناص عين بن فهيد اذا تشبكي الجهاز على الكهرب شيلي البطاريه لتحافظي عليها. بالنسبه للرساله ترجمتها : من الممكن شحن البطاريه ولكنها وصلت لنهاية حياتها العمليه . اضغط هنا لمعلومات اضافيه ولااعرف المقصود بحياتها العمليه هل هي خربانه نهائيآ او لا. |
شكرا اخوي قناص واخوي فرنسي الله يجزاكم خير بس المشكله اضطر اني استخدم البطاريه لأن المكان اللي فيه فيش كهرب مايوصل له الواير لس :( يعطيكم العافيه |
بعض الاب توبات البطاريات حقتهآ يكون لها مده معينه وبعدين تبدأ تخترب تدريجياً ومن هذي الابتوبات دل ..!! للاسف واعتقد ان البطاريه الي عندك في نهآية حيآتهآ ^ــ^ ان شاء الله يكون كلآمي مو صحيح بس هذا الي صار لي قبل ^ـ^ |
معنـى الرسالـة اللي ظهرت لك .. أن البطارية انتهت مدة استخدامهـا .. لآزم تغيريها ببطارية جديدة وهـذا الامر طبيعي جدا ، بحكم أنـه ما فيه بطارية للآبد .. ومتوسط اعمارها يتراوح ما بين السنة الى الثلآث سنوات .. وهـذي بعـض النصائح راح اكتبهـا لك وإن شاء اللـه تفيدك مع البطارية الجديدة :) * متوسط أعمار البطارية " 3 سنوات " .. متى ما ظهرت المشاكل بدلها بجديدة. * غير خيارات الطاقة واجعل الجهـاز يغلق بعد مدة معينة أي يوضع ع وضع الاستعداد. * بالنسبة لحرارة اشعة الشمس ، لآ تعرض البطارية لها او اذا نزعت البطارية تنزلها بمكان معرض للشمس او تضعها في جيب الشنطة وتكتمها ، أما حرارة اللاب توب نفسه لآ ضرر منها بإذن اللـه لآنها مصممـه لتناسب مع حرارة الجهاز. * العمل ع الجهاز وهو موصل بالكهرباء وبوجود البطارية بوقت واحد .. هذا يضرهـ اما ان تعمل ع الكهرباء او تعمل ع البطارية .. في حال عملك ع الكهرباء انزع البطارية . ملآحظة : لمستخدمي DEEL ، او من لديـه معالج " سنترينو " فلا داعي لنزع البطارية لآنـه في حال شحنها يتم فصل النظام اتوماتيكا والعمل بواسطة الكهرباء. * لآ تشحن البطارية الا عندما تصل الى 10% ع الاقل ، ولآ تشحنها وهي اكثر من 10% مثل 50% . * وبحكم انك راح تشتري بطاريـة جديدة ، لآزم تتعرف ع عملية تنشيط البطارية ماهي ؟ وكيف ؟ ولماذا ؟ " عملية تنشيط البطارية " أن تقوم بشحن البطارية 100% ومن ثم افراغها الى ان تصل 10%..(الافراغ يكون بواسطة الاستعمال فقط)..اي انك تستعمل الجهاز الى ان تتفرغ البطارية.. تقوم بهذه العمليه عندما تشتري البطارية الجديدة او تشتري الجهاز المحمول الجديد... والافضل أيضاً عندما تشتري جهاز محمول جديد او بطارية جديدة....أن تقوم بشحن البطارية لمدة 12 ساعة متواصلة...ولو كان يوم كامل يكون أفضل ايضاً... ايضا تقوم بعملية التنشيط لمدة 3 الى 4 مرات عندماا تقوم بشراء الجهاز المحمول او البطارية الجديدة... وآخيراً أنصح بعملية التنشيط أسبوعياً... |
اخوي عاشق سام 6 يعطيك العافيه وشكرا على المعلومه اخوي منصور يعطيك العافيه على الشرح الوافي والواضح والمعلومات الجديده ان شاء الله الكل يستفيد ماقصرتوا الله يجزاكم خير |
| الوقت المعتمد في المنتدى بتوقيت جرينتش +3.
الوقت الان » 05:41 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd