بسم الله الرحمن الرحيم ..

كيفكم ان شاء الله تمااام ..

بصرااحة والله ملينا من المواضيع اللي تخص التايب وتعبنا .. !! :to:

الان لو اي شخص مايشجع الهلال وقال لك .. ( الهلال مايعتمد الا على التايب .. اذا راح طارق الهلال ولا شئ ) !!

وش بترد عليه .. طبعا بيكون ردك .. ( طبعا لا .. الهلال لعب اغلب مباريات الموسم بدون التايب والان الهلال المتصدر:d )

الان رديت على نفسك .. ان التائب راح او بقي في الهلال يبقى الهلال هو الهلال لانه مايتأثر بلاعب و اثنين
ويبقى عند الهلال البديل الجاهز ..

- في بطولة الامير فيصل بن فهد .. هلال لم يلعب بالاساسين ووصل الى نصف النهائي ..
:yes:
طيب الان لو بناخذ الوضوع ونفكر فيه ( بعقولنا ) ..

كم عمر التايب ؟؟

33 سنه ..

طيب تتوقع .. كم سنه قادمة راح يخدم فيها فريق الهلال ؟؟

ماراح اجاوب على هالسؤال .. لكن بتحصل انها بالمقارنة (منطقيا ) مع نيفيز اللي ( عمره 23 او 24 سنه )
واللي كثير من الناس ماتبيه وبعضها ماتعرفه ولا قد شافته اصلا
انه راح يخدم الفريق اكثر من التايب (لاعب تحصلة في جميع المباريات او لاعب مايلعب الا مباراتين من اصل 10
وقد يغيب في مباريات الحسم او المباريات المهمه :cry:) ..


تقول لي ليه ؟؟ التايب صنع وسجل و و و و ؟؟
طيب لو الهلال واقف على التايب كان مانفوز ولا نسجل الا لما يلعب التايب مع الهلال


عل سبيل المثال لو نشوف برشلونه .. ( راح رونالدينيو الفريق يبقى برشلونه ماتغير اسمه وبالعكس السنه هذي ينافس عالابطال ومتصدر بفارق كبير و ينافس عالكأس .. وتبقى الفرق الكبار لاتتاثر بلاعب مهما كاان )

طيب هذا الكلام كله اذا كان الهلال 100 % رايح الموسم القادم ولا راح يلعب مع الهلال ..
لكن .. ماصار هذا الشئ ..

ولو صار .. هل نيفيز سيبقى طول الـ 4 سنوات ؟؟
نجاوب على السؤال بسؤال ويتحصل الجواب .. ( هل اذا لعب لـ اول 6 شهور في فترة عقوبة التايب وافاد الفريق
افضل من التايب هل راح تطالبون بالتايب ؟؟ وايضا العكس هل لو لم يفيد الفريق هل تتوقعون ان الادارة راح تتخلى عن التائب بلاعب لم يفيد الفريق ؟؟ )

ممكن تقول لي ان التايب ماراح يوقع معاك بعد ماتركته وتبيه من جديد .. برد وبقول اذا كان التايب يعني الكلام اللي يقوله (انه يحب الهلال و و و و .. فتتوقع انه ماراح يوقع ؟؟ ))

هل التايب ماراح يكمل عقوبته ؟؟
طبعا كلنا عارفين ان التائب راح يكمل فترة العقوبة و احتماال يعيدها من جديد ( لان القضية يتم النظر فيها من جديد ) هل معقول اننا وقتها راح نبحث عن لاعب وفاض ولاتفاوض وهذا اقترب وهذا رفض التوقيع والفريق داخل في مرحلة
بداية الحسم في البطولة الاسيوية ..
الا التفكير الصحيح انك تجهز نفسك لكل شئ واللاعب بيدك في اي وقت ..

النقطة الاهم .. ان المواضيع هذي كلها تؤثر سلبيا على الفريق ..
وبهذي المواضيع نفقد الثقة لبقية اللاعبين كان الفريق يعتمد على التايب وبدونه انهم ولا شئ ..

لازم يكون فيه ثقه في اللاعبين والإداره ليقدم الفريق ماهو مطلوب ..

واخيرا .. كل هذا يعتبر مجرد رأي شخصي .. يحتمل الصواب والخطأ .. :yes:

وشكرا لكم ..:clapping: