وسعوا صدوركم معي أنا وبوش w !!! والثنيان ؟؟؟؟ - نادي الهلال السعودي - شبكة الزعيم

المملكة · #1 21/06/2002, 09:43 PM

أحبتي : اليوم جاي على بالي أوسع صدوركم !! وش رايكم اخذكم معي انا والثنيان يوم نروح نسوي مع بوش دبليو لقاء عشان ننشره هنا !!! تعالوا اقروا حوارنا معه .. ( على فكره تراني ماخذه الثنيان مهوب علشان هدف خفي .. لا أبد !! أبيه يسحب فيه !! .. لكن ؟؟؟؟؟؟؟؟؟ ) ...

المملكة :

هالو بوش دبل .." ة كبد ؟؟؟ "

بوش دبل :

هالو كنج ( دم !!!!!!!!!!!!!!!!! ) ؟

الثنيان :
يهمس في اذني ... أسمعي وش يقول ... يالمملكة .. ! يقول دم .. تكفيني

خليني اتوطاه !!!!!!!!!! والا اسحب به ؟؟؟

المملكة :
يوسف !!!!!!!!! اهدا خل نشوف وش وراه ؟؟؟

المملكة .....

هاو آر يو ... والحموله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بوش دبل :
فايـــــــن !!!!!!!!!!!!!!!!!!!!!!

الثنيان معلقاً بخفة دمه !!!!!!!!!!!!!!

فاين ؟؟؟؟؟؟؟؟؟؟؟؟ كفوك هذا انتم يالمريكان ما يجي منكم الا الحساسية !!!!!!

بوش دبل : وات هي سي ؟؟؟؟؟ كنج ؟؟؟؟؟؟؟؟

المملكة :

أبد .. يابوش ... يقول لك ابو ناصر ( كيف الحال ؟؟؟؟؟؟؟؟؟؟ )

بوش دبل :

كيف هال .......؟ كيف هال ؟؟؟؟؟؟؟؟؟ إيه هين !!!!!

المملكة :

إخس أثره يعرف عربي !!!!!!!!!!!!!! حسبي الله عليك يالثنيان !! وش بيفكنا من ذا

هالحين ؟؟ أقول بوش .. : ترى هذا الثنيان ظريف ويحب يمزح كثير .... ماعليش

خلنا نكمل معك الحوار ........ كان آي أسك يو ناو بوش ؟؟؟؟؟؟؟؟

بوش : ييس ؟ أوكي !!

المملكة :

وشو الارهاب في نظرك ؟؟؟

بوش :
إني ما أكون رئيس مرة ثانية !!!!!!!!!!!!

المملكة :

هاو .. كيف ؟؟؟؟
بوش :

هذا سر المهنة ؟؟؟؟؟

الثنيان :
تكفى !!!! على سر المهنة ؟؟ دارين !!! من غير اليهود الصهاينه ما تقدر تسوي شي !

المملكة تلتفت على يوسف :

إمش يالسياسي !!!!!!!!!!!!!! ما انتب سهل يالنمر !

بوش :
اللي تغلب به إلعب به !!!!!!!! أجل مثلكم ....... ما عندكم سالفه !!! كل يغني

على ليلاه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

المملكة :

طيب وش فيكم على هالضعوف في فلسطين .. ليش ساكتين على قتلهم ونثر دمانهم

في الشوارع ؟؟؟ وانتم تقولون أنكم تريدون السلام للعالم ؟؟؟؟؟ فهمني يابويش ؟؟

بوش :

أي دمان ؟؟؟؟؟؟؟ هذا كاتشاب !! يالجاهله !!!!!! لازم نحطه على موائدنا حنا

واسرائيل ... ماتدرين إن لونه لون الحب ؟؟؟؟؟؟؟؟؟؟؟؟؟؟؟

المملكة : إعقب يا وجه التيس !!!!!!!!!!!!!!! أنا الجاهله ؟؟؟؟؟؟؟ ما يخسي الا

انت !! الجاهل أنت وامثالك .. اللي يدعون المعرفة والعلم .. والتكنولوجيا .. وهم ما

عندهم ذرة إحساس بالإنسانية ... أجل دم الفلسطينيين عندكم ( كاتشب ) ؟؟؟؟؟؟؟؟

جعلها تشب فيكم النيران ...

الثنيان :
يابويش ............ منتخبكم بيلعب مع ألمانيا وش تتوقع النتيجة ؟؟ ( يبي يشغله عن كلامي ) ؟؟؟؟؟؟؟

بوش : باستعلاء .....

هاهاهاهاها..... دائماً نحن في الصدارة شئتم أم أبيتم ؟؟؟؟؟؟؟ ياأريبيا ؟؟؟؟؟؟؟؟

المملكة :

خل عنا الرياضة ........ أصلكم مهزومين من ألمانيا ( واحد صفر كانك مادريت !!!! وبصراحة تعجبني هالمدورة " الكورة " كل هالعالم يخافون منكم ..... إلا هي ... ما عندها فيكم !!! وقل لنا بس وش تقصد بمحور الشر ؟؟؟

بوش :

نو بربلم .......... نو .. بربلم .......... نحن تفكيرنا واهتمامنا .. أكبر وأوسع

وأهم من الكورة ....... يعني هي ثانوية بالنسبة لنا .. مهوب مثلكم ؟؟؟ قولي وش

سويتوا ؟؟

الثنيان :
يالله اقعدي بها يالمملكة تميلحين على بوش ؟؟؟؟؟؟؟؟؟؟

المملكة :
نعنبوه !!!!!!!!!!!!!!! حسبي الله على العرب اللي حطونا مسخرة ..

يوم تناسوا مجدهم ... وحضارتهم ... وانشغلوا في دقي يامزيكا " ورأصني ياقدع ؟؟"

المملكة ( بعد الفشيله ) .....

إيه ماعلينا ... المهم انت قل لنا وش تقصد بمحور الشر ؟

بوش :

شات يور ماوث .... كوريا زعلانه ؟؟؟؟؟؟؟؟؟؟؟؟؟؟؟؟؟؟؟؟؟؟؟

الثنيان :

قام يغلط خليني عليه !!!!!!!!!!!

المملكة :

يابن الحلال لازم نتحمل علشان نحصل على اللي نبيه ..........!!

يابوش :

من تحترم بصراحة من الشخصيات العربية ؟؟؟؟؟؟؟؟؟؟؟؟؟؟

بوش :

برنس عبدالله !!!!!!!!!!!

المملكة ..

واي ؟؟؟؟؟؟؟؟؟؟؟؟؟؟؟؟

بوش :

بيكوز .......... برنس عبدالله صريح وصادق وله مباديء يؤمن بها

ولا يتنازل عنها .. ودائماً متفائل .. ويحب السلام ... ويشعر بصدق بقضايا ألأرب

والإسلام ...... وقوي .. صحيح انه متعبنا شوي !!!!!!! لكن لازم نعترف .. ولو كان فيه

مثله كم واحد ما قدرنا ندعم اسرائيل بقوة ؟؟؟؟؟؟؟؟؟؟؟؟؟؟

المملكة تنظر للثنيان ... بابتسامة زهو ... والثنيان يرد :

إيوالله طويل العمر مسحبهم صح ؟؟؟؟؟؟؟؟؟؟؟؟ ما عنده لف ودوران مثلي ؟؟؟؟؟

المملكة : أقول اسكت ما تخلي مسحب مسحب .. تراك غثيتني ؟؟؟؟؟؟؟

المملكة :

متى ستفصح عن مبادراتك للسلام ..؟؟؟؟؟؟؟ وماهو نصيب اسرائل منها ؟؟

بوش :
متى ما طرا علي !!!!!!!!!!!!!!!!!!!!!!!!!! حسب المصلحة ...

أما نصيب اسرائيل ....... ما يبي لها كلام ....... نصيب الأسد ؟؟؟؟؟

أنتم يالعرب محصلين منكم اللي نبي عطيناكم والا ما عطيناكم ... وعساكم

دايم على هالحال ؟؟؟؟؟؟

المملكة :
وشي حاله ؟؟؟؟؟؟؟؟؟؟؟؟؟؟؟؟؟؟؟

بوش :

إنكم دايم متفرقين ............. ولا تجتمعون وان اجتمعتوا ما اتفقتوا ؟؟؟؟؟

وعايشين في عماكم ............... ولاهين في تفاهاتكم ... حدكم انتم .. الكورة

نصنعها لكم ...... وانتم تنشغلون في الشوووووووووووووووووووت ؟؟

الثنيان : بعصبية .......

يالمملكة ترى مرارتي بتنفقع ... وبيطق فيني عرق ... إن ما خليتيني أسحبه ؟؟؟؟

المملكة ................ ( منتهيه لياقتها ومقهورة )

يالله .......... يا يوسف ........... عليك به !!!!!!! سحب فيه لين تشبع .. !

الثنيان مخاطباً .. بوش .........

إسمع يا ................... صحيح انا نهتم بالرياضة وليست الكورة ! لكن

هذا لايمنع أننا مبدعين في مجالات أخرى والدليل أنكم كلما شفتوا عقلية عربية نابغة

غسلتوها ...... والا ذبحتوها المهم ما ترجع لنا !!!!!!!!!! هذا أولاً

ثانياً ....... لولا بترول العرب كان ما مشت سياراتكم ..

ثالثاً ........ كل حضارتكم أصلها حضارتنا العربية ............. وهذي حقيقة غصب

عنكم ........ ( يوسف يخاطب المملكة هذي ثلاثة أهداف ) باكمل :

رابعاً ......... أنتم اهتزت صورتكم بعد أحداث 11سيتمبر لأنكم بينتوا على حقيقتكم

لا ديموقراطية ... ولا قدرة أمنية ... حتى قراراتكم مرتبكة ..... ماعادت أمريكا مثل أول ..؟؟؟؟

بوش :

أنذر كويزشن ؟؟؟؟؟؟؟؟؟؟؟؟؟؟؟ سؤال آخر .....

الثنيان :

لا !!!!!!!!!!!!!!!!!!!!!!!!!!!!!!!!!!!!!!!!

بوش متسائلاً :

أريد أن تجاوباني .........!!!!

هل لازالت أمريكا الأقوى في العالم ؟؟ أم لا؟؟؟؟؟؟؟؟ هل تستطيعون إيقاف

إسرائيل .. بدون تدخل منا ؟؟؟؟؟؟؟؟؟ هل يستطيع عرفات أن يسافر غصباً عنا ؟؟؟؟

المملكة مقاطعة :

إكس يوزمي بوش استوب ..... كلام رايت .!!!!!!!!! بس حسبي الله على من

ضيع دينه وعروبته ...................... هم اللي ضيعوا حقوقنا ............

بوش مخاطباً الثنيان :

وات يو وونت سي ... وش تقول ؟؟؟؟؟؟؟؟؟؟؟؟؟؟؟؟؟

الثنيان : بعصبية ::

كيف الحال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

باي .............................. باي ؟؟؟؟؟؟؟؟

مع الإعتذار الشديد للمبدع يوسف الثنيان ولكني أحببت مرافقته لتكونوا أكثر وناسه .................................

:p