يازعمــاء.. استمتعــوا بالقهــوة.. واتركــوا عنكــم القشــور - صفحة رقم 2 - نادي الهلال السعودي - شبكة الزعيم

هلالية أبوها أتحادي · #16 08/02/2009, 11:53 AM

إقتباس

الرسالة الأصلية كتبت بواسطة الـصـخـرة


	حيــــــــــاكم هلا وغلا بالمماليح حي الزعماء الاوفياء قبل شوي وانا في الدوام كنت ماسك فنجال قهوة تركية وكنت اتفرج على الطبقة الذهبية اللي فوق << المصريين يسمونها ( وش ) وهي عبارة عن قشور القهوة... تطفح فوق وتصير طبقة ذهبية والله من واحد وواحد قاعد يبلع ريقه الحين ومثل ما انتم عارفين.. القشور مامنها أي فايدة بس طعهما حلو... والكل يحبها لدرجة انها اهم عند البعض من باقي الفنجال اهم شي يشرب طبقة القشور... ومايكمل باقي القهوة اللي عليها الكلام ويوم قعدت افكر فيها.. اكتشفت ان هالشي موجود في حياتنا بشكل كبير واكثر شمولية يعني مثلا يروح الواحد للمطعم اللبناني ويطلب عشاء دسم واول مايجلس يحط حيله في صحن المخلل والزيتون والخبز الحار واذا جاء العشاء تلقاه ماعاد يقدر يكمل شبع من الحاجات الهامشية وترك الشيء الرئيسي الاهم . . اذكر ذاك اليوم ابي اروح للملعب ومعي واحد قال ابي اخاويك نزل عند البقالة علشان يجيب له فصفص وانا متأخر والمباراة شوي ماتبدأ ادق عليه وهو في البقالة اقول له : اخلص والا بامشي واخليك يقول : ياخي مدري وش آخذ حب مصري والا عادي انا اقول له : اخلص يامسلم المباراة خلاص مابقى عليها شي وهو يقول : شوي بس خلني اختار وتقفل معي وانا امشي واتركه في البقاله <-- . . السؤال هنا ليش دائما نركز ونهتم بالسطحيات ونترك الاهم ؟؟ اتمنى تكون الفكرة وصلت ياجماهير الزعيم . . . كم ديربي قدامنا ؟؟ معروف ان الدوري السعودي يحتوي على ثلاث مباريات ديربي شهيرة : [CENTER]1- ديربي الرياض ( الهلال – النصر ) [/CENTER ]الفيصلي -والنصر 2- ديربي جدة ( الاهلي – الاتحاد ) 3- ديربي البلطان ( الشباب – الحزم ) الهلال-الشباب ديربي ابن سعيد وكلنا نعلم كمية الاهتمام الجماهيري قبل أي مباراة ديربي يازعماء قدامنا اربع مباريات في الدوري كلها ( ديربي ) وقدامنا مباريات الآسيوية ( الكنز المفقود ) وكلها ( ديربي ) يعني باختصار كل المباريات الجاية ( ديربي ) ياليت لو نركز على خلاصة القهوة ونترك القشور

وانا اقول هالصخرة داهية اشهد انك خليفة سقراط
وصلت الفكرة (الثور بوحله والصقر لمحله )
مشكور يالصخرة

Fahad Al Sudais · #17 08/02/2009, 11:54 AM

إقتباس

الرسالة الأصلية كتبت بواسطة القبطان الأزرق


	ههههههههههههههههههههههههه هذه قــــوية يالصخـــــرة هههههههههه أضحك الله ضرســـــك يارجل بس أقولك الله يوفق الزعــــيم في باقي مباريــــاته في الــدوري

قوية وتلعب حديد

الله يحييك يالغالي... والله يوفق الزعيم

Fahad Al Sudais · #18 08/02/2009, 12:15 PM

إقتباس

الرسالة الأصلية كتبت بواسطة المدافع الصلب


	ســـلــ م ــت انــامــلــكــ.... بالتووفيق للزعيـــــــــــــــــــــــم

تسلم يالغالي

الف شكر لمرورك الجميل

Fahad Al Sudais · #19 08/02/2009, 12:42 PM

إقتباس

الرسالة الأصلية كتبت بواسطة ولد عنزة


	الله يوفق آلزعيـم وآشتقنـآ للآسيويــه مبـــدع يآ صخـره

هلا وغلا يالغالي

الف شكر لمرورك الرائع والمميز

عاشق أمل · #20 08/02/2009, 12:49 PM

3- ديربي البلطان ( الشباب – الحزم )

ههههههههههههههههههههههههههههههههههههههه

Fahad Al Sudais · #21 08/02/2009, 01:14 PM

إقتباس

الرسالة الأصلية كتبت بواسطة هلالي ثنياني


	المشكلة لاحضرنا ديربي البلطان من نشجع؟؟ (متمسك بالقشور) الفكرة وصلت, والكل لازم يعرف ان هذا ماهو وقت فلان يلعب وفلان أحسن وفلان مستواه منخفض الحين مافيه الا وقت حضور ودعم وتشجيع, ماعاد فيه فرصة للتعديل ولالتقويم الأخطاء واللي صبرنا طول الموسم يصبرنا وقت الحصاد وبعدها لكل حادث حديث سلمت يافهد

هلا وغلا خالد

يعطيك العافية على مرورك العسل

هلالي وذكي بعد · #22 08/02/2009, 01:27 PM

موضووع جميــل وفي محله .....

....وشكراً

روعة الخالق · #23 08/02/2009, 01:40 PM

ثاني مره بسوي قهوه بدون قشور وبدخل في المهم على طول..

يسلموو يالغالي ع الموضوع الرايق ..!
واتوقع الفكره وصلت..

عصفوره الثلج · #24 08/02/2009, 01:45 PM

مشكور اخوي
كلامك جدا رائع وعقلاني حنا دايم نهتم بالشكليات وننسى المهم
بالتوفيق ان شاء الله للهلال في الاستحقاقات القادمه
ويعطيك العافيه

أبو عزوووز الوايلي · #25 08/02/2009, 01:45 PM

ماش يالصخره طحت من عيني

انا قلت هالحين يبي يكحل عيوني بدلة العويدي ومعاها هالتميرات الشقر اللي تسر النظر

وآخرتها قهوه يغلب عليها السواد هع هع

ياحبي لك اجل خبرة مطاعم ماشاء الله هاه

ذكرتني ذاك اليوم بمطعم مشاوي تركيه جاب لنا هالمقبلات الله لايبلا ونسيت العشاء كله

نرجع لزبدة الموضوع معاك حق بكل اللي قلته واهم شيء الاسيويه والدوري

ويارب البيت انهن من نصيبنا

تحياتي ياصخره وتراك ذكرتني بكاتب قديم هنا اسمه هلالي مافيك حيله

الله يذكره بالخير

سي يو سووون

" أَبُو لارا " · #26 08/02/2009, 02:59 PM

إقتباس


	3- ديربي البلطان ( الشباب – الحزم )

مـــنسم يـــ الصخرة الهلاليـــة

... يــــ فهودي
أجــــل ديربي البلـــطان

الله يقطع عدوكـــــ يــ أبو صـــالـــح

ألف شكر على الموضوع الــــرائع

وعلى الفكرة التي راح توصلها للجمهور الهـــلالـــي

ما تلاحظ أنـــي جبت المعرف والأسم والكنية

لاتواخذني تراني مداوم على مواضيعك الرائعة

T U R K I _ 15 · #27 08/02/2009, 03:05 PM

الله يكرم النعمه وش هالقهوه

احس ان شرقت وابي جيك مـء ( مويه )

اذا ما جتك دله وقهوه وهيل وزعفران وفنجال كبر كف باكستاني ولا مهب قهوه

كالعاده مواضيعك كثيره بس تطلع بفائده ودائما فالصميم

لاهنت يابوصالح ..

برايفت لفهد

: من تحب اكثر انا ولا ابولارا

احرجتك

Ṩάḓὲὲм~ · #28 08/02/2009, 03:07 PM

إقتباس

الرسالة الأصلية كتبت بواسطة الـصـخـرة


	ياليت لو نركز على خلاصة القهوة ونترك القشور

يآليتْ والله
شكراً لك اخوي الصخرة
مواضيعك دائما نطلع منها بفايدة

اشتهيت قهوة

الـوفـا ديـــن · #29 08/02/2009, 03:34 PM

طيب و الكابتشينو فيها قشور !!

موضوع رايق على ريحة القهوه

أحسنت و فعلاً أصبحت العدوى تنتقل من شخص لآخر بالأهتمام بالقشور !!
حتى أنا نفسي بدأت أهتم بها

أتمنى أن ندعم الهلال أكثر لأن كلامنا في المنتديات أكثر من دعمنا في المدرجات ( أنتم مب أنا

)

أحترامي لقلمك

مشابط · #30 08/02/2009, 03:38 PM

مشكور اخوي وقهوه مغريه هههههههههههههههههههههه مشكور صادق مباراياة ديربي قدام ومشكور