|
هذي سالفة علي بن لاقي وشركاءه العشره السلام عليكم ورحمة الله اخبار الزعماء .. يا عسى دوم مستانسين ومتوفقين هذا علي بن لاقي يراس مؤسسه مكونه من عشر شركاء طبعا هم معتتمدين على السعوده واتخذوا قرار ما يجيبون الا اربع عمال اجانب بس العامل الاول اسمه خان يونس هذا العامل مسؤول عن القهوة والشاهي والاشياء هذي بس مشكلته دايم يجيب العيد يا انه يطيح من الدرج ويتكسر يا يسوي حادث ويتكسر الوكاد غيابه واجد الشركاء اختلفوا فيه اللي يبي يسرحه واللي يبي يخليه طبعا اللي يبي يخليه عندهم اسبابهم اللي هم يرون انهم مقتنعين فيها اما الرئيس اللي هو علي بن لاقي هو مقتنع فيه بس الشركاء المعارضين العامل قاعدين يضغطون عليه والعمل باقي على عقده سنه تقريبا طبعا على بن لاقي واللي مايدين العمل يعرفون طعم القهوه الفرنسيه اللي يسويها وما يبون يخسرونه في الاخير اتفقوا انه يكمل السنه ذي معهم وبعدين يتفاهمون العامل الثاني اسمه جاك سباروا مشكلة هذا العامل ان راتبه غالي بس انه افكاره حلوه طبعا بعض الشركاء ما يبونه لارتفاع راتبه بس ما ادري وش يحسون به يعني يقدم لهم افكار حلوه ويحاربونه الله يعين علي بن لاقي عليهم العامل الثالث اسمه خوان ريكاردينهو هذا العمل توه جديد بس الشركاء ارتاحلوله على طول طبعا اول مرة يجيهم عامل وما يختلفون عليه ويعجبون فيه وهذي حادثه تسجل في التاريخ العامل الرابع والاخير اسمه سيد يو باركون هذا العامل جديد بس ان ما عنده ما عند جدتي طبعا جايبينه سواق عندهم بس يا هو يطامر بهم مطامر ولا يعرف يدبرها بس علي بن لاقي الله يهديه مقتنع فيه هو ونايبه سلطان قحلش عمومن هذي المؤسسه ناجحة جدا ولها زباين كثر جدا ولكن بعض الشركاء اللي فيها وبعض الزباين يحب يدقق على بعض التفاصيل الصغيره التي ما تضر بالمؤسسه بس يا حبهم للنقد .... انتهت القصه هذي القصه هي حال الهلال وعليكم تحطون الشخصياتن الحقيقية مكان الوهميه نقاط على الماشي 1.. الشلهوب بدا يعيد لنا ايام زمنه الجميل وذلك بداية من مباراة الشباب ارجو من الجميع ان يتكاتف معه ويسانده وكفايه نقد وتجريح لهذا اللاعب الخلوق 2.. الاعلام المضاد لنادي الهلال بدا يلعب لعبته الخبيثة وذلك باللعب على الوتر الحساس لنادي الهلال وهو جمهوره العاطفي جدا فالحذر كل الحذر من الاعلام واستقاء المعلومات من مصادرها 3.. اللاعب طارق التايب والله العظيم له وحشة يالله يرده سريعا للملاعب 4.. مباراة الهلال مع الوطني الاحد القادم وحذاري من التهاون بالوطني وحنا نعرف انه تعادل معنا بالرياض 5.. الله يوفق المنتخب السعودي في المباراة القادمه مع كوريا ش 6.. بالتوفيق للزعيم 7.. اشكركم على لمتابعه 8 الله يوفق الطلاب في اختباراتهم ولكم من الضرغام الازرق احلى تحيه ( تعطيني الود والا تاخذه مني .. يبلغك قلبي المقفي تحياته ) |
والله جات في الصميم وانشالله كأس ولي العهد هلالي |
مشكور ووصلت الفكره بس اقلك ان الشركه راح تكون بخير اذا جابت عامل ثاني زيه او احسن منه لان هذ ماراح يخدم الشركه اذا هو مكسر حتى ولو كان ما في احد يسوي شاهي وقهوه مثله تقبل مروري وسلم لي على علي بن لاقي |
آمين شكريا هي بهوت مير باني هذي بالبكستاني الترجمه مشكوور وماقصرت أنا ممتن لك كثيرا |
طرح شيّق وممتع.. تسلم عليه!! |
معليش إن زوتها بردي الإمتحانات ولحستها |
لاتعليق لدي على شركة بن لاقي ولكن اسجل اعجابي بنقاطك خصوصا مايخص الشلهوب ومباراة الوطني تسلم يمناك |
هلا والله بالضرغام الازرق اولا ليه اختفيت ماعاد شفناك ثانيا والله هذا حال الجمهور مع بعض العمال قصدي اللاعبين وموضوعك قريب جدا لما يحدث بالهلال حاليا من اراء ومن هيك حكي مشكور خيو والله لايحرمنا من جديدك |
الضرغام اسلوبك حلو في جذب القراء مشكور على الجهد الي بذلته |
موضوعك كان سيصبح رائع لولا الأخطاء الاملائية ، أتمنى صياغته من جديد اعتزازي ،، |
يرجى تثبيت الموضوع فعلا جميل بس وشرايكم بردي هههههه |
أرى أنه لا يوجد أي فائدة من الموضوع و الإدارة أبخص باللي تسويه . |
ليش والله و يلي فوق قل خيرا أو أسكت بروح وراي إختبار |
إقتباس:
إقتباس:
كلامك اخوي سليم وللاسف ان بعض الجماهير تتخذهم قدوه ويرددون كلامهم |
جاك سباروا أجل متأثر بالأفلام :) بالنسبة لترميزاتك للمسؤولين أتحفظ عليها |
| الوقت المعتمد في المنتدى بتوقيت جرينتش +3.
الوقت الان » 02:03 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd