|
الاهلي الاماراتي معلومات عن : (ادارة + مدرب+ لاعبين) اتمنى اخذ الحيطه والحذر في البطولة الاسيوية؟؟!!! السلام عليكم ورحمه الله وبركاته تحية طيبة للجميع كما يعلم الجميع بان الاهلي الاماراتي من ضمن الاندية المشاركة في بطولة اسيا للاندية وشاءت الاقدار بان تضعه القرعة في مجموعة الهلال اللي اشوف ان هالمجموعة جدا صعبه حيث انها جمعت فريق ايراني قوي وفريق اوزبكي قوي لهذا من الواجب اخذ الحيطه والحذر... الليلة الاهلي الاماراتي لعب في الدوري الاماراتي ضد الشباب الاماراتي وحقق فوز بـ 3 مقابل هدفين ، طبعا هذا الفوز جعله يتصدر الدوري الاماراتي مشترك مع الجزيرة الاماراتي في الصداره... الاهلي الاماراتي يضم لاعبين ممتازين واغلبهم يمثلون المنتخب الاماراتي وكذلك اجانب على مستوى عالي، انا بسرد لهم بعض الاسماء اللي شاهدتها في مباراة الليلة ضد الشباب الاماراتي ولا اخفيكم بان الفريق الاماراتي (الاهلي) قوي جدا ومخيف واتمنى من ادارة الهلال والمدرب كوزمين واللاعبين باخذ الحيطه والحذر وكذلك اتمنى من الجمهور الهلال عدم انشغالنا باشياء ليست ذات اهمية قصوى في الهلال وخاصه باني اشوف مواضيع عن اللاعبين الاجانب وتركنا شغلنا الشاغل والا وهو كيفية يحافظ الهلال على صدارة الدوري وكيف يتاهل لدور الثمانية في بطولة اسيا.... الاهلي الاماراتي : يضم مدرب قدير ويعرف كيف يقرا اوراق الخصم وهذا ما اتضح من خلال مباراته ضد الشباب الاماراتي في ديربي دبي، طبعا المدرب اوربي ويعرف كيف يضع الخطه المناسبه لفريقه. حراسه المرمى : الحارس جيد، يملك مقومات الحارس الجيد، من خلال الطول الفارع وكذلك بديله في مستواه وهذا ما اتضح من خلال اللقطات التدريبية قبل بداية الديربي. الدفاع : يملك الاهلي الاماراتي خط دفاع قوي جدا وبالاخص الاظهره والسناتر، فالاظهره سريعين ويلعبون كرات عريضه بشكل مكثف لراسي الحربه وبالاخص الظهير الايسر ، طبعا كما هو معروف بان الكرات العرضيه هي عيب في الاندية السعودية والدفاع السعودي بشكل عام اتمنى الانتباه لهذا الشي. الوسط : يملك الاهلي الاماراتي محاور من الطراز الاول وهم : 1-حسني عبدربه - مصري- افضل لاعب في القارة الافريقيه في البطولة الاخيره كذلك يوجد اللاعب الاماراتي (علي عباس) وهذا اللاعب مقاتل على الكوره ، بالمختصر المحاور لدى الاهلي الاماراتي ممتازين. 2- لديه كل من اسماعيل الحمادي وسالم خميس وجميعهم يلعبون للمنتخب الاماراتي، واتوقع بان الجميع يعرف اسماعيل الحمادي وهو صاحب القدم القويه وكذلك الانطلاقات السريعة ويملك مهارات فردية عاليه. اما سالم خميس هو لاعب جيد في خط الوسط وصانع لعب جيد. كذلك يملكون بعض العناصر في خط الوسط مميزين. الهجوم : يملك الاهلي الاماراتي خط هجومي ناري مكون من اربعه مهاجمين متميزين : 1- فيصل خليل واتوقع الجميع يعرف من هو فيصل خليل ؟ واتوقع بانه مهاجم المنتخب الاماراتي الاول وهو هداف وسريع 2- احمد خليل - مهاجم - وافضل لاعب اسيوي صاعد، هداف وسريع ويملك قدم قويه. 3- محمد سرور - مهاجم - يلعب للمنتخب الاماراتي سبق ان احترف خارج الامارات. 4- اللاعب الاجنبي (ناري) مهاجم هداف ومزعج لدفاع الخصم... هذي النقاط لاحظته في ديربي دبي عبر مباراة الشباب الاماراتي، وبعض النقاط جمعتها من خلال تصفحي وقراتي لبعض الصحف والمواقع في الانترنت وحبيت اني اطرحها هنا من اجل ان نستفيد كهلالييين سواء كجمهور او ادارة او مدرب او لاعبيي في الهلال... اللي ابي اوصل له بان الاهلي الاماراتي فريق ما يستهان به ويا ليت ما ننشغل كجمهور او نشغل الادارة في امور صفقات الاجانب ويكون تركيزنا على الهلال فقط، فاتوقع بان الهلال ما يعتمد على لاعب بحد ذاته، نريد التاهل للعالميه وهذا الشي بتكاتف الجميع... الف شكر للجميع وتقبلوا تحياتي،،، |
اذا كان الاهلي الاماراتي يضم اغلب لاعبين المنتخب الاماراتي فـ الهلال السعودي يملك اغلب عناصر المنتخب السعودي المؤثره فـ زعيم اسيا لا يهاب الفرق .. لكن صدقت يجب الحذر والعمل بجد من لان |
مع احترامي لك مافيه شي اسمه الاهلي الاماراتي قوي وغيره لا اذا لعبت بروح وحماس تفوز اذا غابت الروح حتى لو تلعب مع فريق درجه ثالثه مصيرك الخساره لو الفريق اللي قدامك هندي يعطيك العافيه :) . |
إقتباس:
عزيزي الهلال ما قلنا فيه اي شي...لكن الاهلي الاماراتي يلعب بتشكيله اغلبها متجانسه ويملك مدرب قدير ... صدقني انا خايف من الاهلي الاماراتي وفي نفس الوقت الجماهير الهلالية صايره تبكي على طارق التايب ومكبره الموضوع وكانها لا تريد التاهل للعالميه بقدر انها تريد بقاء التايب... يا اخوان خلوا تفكيرنا في الهلال واتركوا صفقات الاجانب على جنب... ما نبي نخسر كل شي سواء الدوري او التاهل لدور الثمانية في البطولة الاسيويه |
يعطيك العافيه وفعلا كلامك صح |
إقتباس:
الاهلي الاماراتي قوي ويملك مدرب ولاعبين من الطراز الاول والفريد اجانب متميزين ولاعبين محلييين اماراتييين متميزين تذكر كلامي هذا الاهلي الاماراتي سوف يكون شوكه في حلق الهلال ان لم يحسن الهلال التعامل معه الف شكر،،، |
كلامك صحيح اخوي ... واعتقد ان الفريقين متشابهان عناصريا ولكن الي يملك الروح وقت المباراه هو الي بيكسب الاخر وكذلك الجمهور بيفرق كثير في المباراه ,,, ومو بس كثره الجمهور لازم حمااااااااااااااااااااااس الجمهور |
اهم شي هو حظور الروح لدى اللاعبين ما نبي لعب بارد نبي الفريق يلعب مباراة كاملة بروح واحده وصدقني ان شاء الله وقتها لا يقف اي شي قدام الزعيم الا الحظ والتحكيم |
حبيبي شف الهلال وش يملك الدعيع هوساوي المرشدي الزوري البيشي رادوي عزيزالتايب ويلي ياسر العنبر الفريدي الشلهوب بس لازم نحترمهم |
والله انك صادق الفرق الاماراتيه جالسه تعمل كل شي للاسيويه ومحترفينهم من طراز عالي كما ذكرت اخوي بس الله يستر على الهلال من السركال احس بيسوي شي مدري ليش الاهلي من افضل الفرق في الامارات وشيوخهم يدعمونه بشكل غير طبيعي بس الزعيم مع الادارة الاحترافيه وشبيه الريح والجمهور الكبير راح يكون له كلمه الفصل إن شاء الله تقبلــــ وديـــ وكروريــــــــــــــــ |
الله يعين بس ويوفق الزعيم في مشواره كله مادري وش أقول إذكانو لاعبيناء خسرو تعادلو أمام الكويت الكويتي فانحن خسرين .... ...... ........ ................ ......................... لكن الله يوفق الزعيم ومهما كان الخصم نحن هلاليين... |
صااادق وانا تابعت للاهلي كذا مبااراه ومعندهم اسماعيل الحمادي لاعب خطييييييييييييييييير ومهاراته عاااليه يعني هو وحسني عبدربه هم مفاتيح اللعب يعني خلي خالد عزيز على الحمادي ورادوي على حسني وان شااء الله البااقي على ويلي وياسر والشلهوب بالتوفيق |
بس اعرف ان الهلاال بمدربه وأدرته حسبين للفرق كلهااا (( ألـــــــف احســــــــــاب)) |
حبيبي شف الهلال وش يملك الدعيع هوساوي المرشدي الزوري البيشي رادوي عزيزالتايب ويلي ياسر العنبر الفريدي الشلهوب بس لازم نحترمهم |
لا يأخذنا الغرور كما اخذنا امام العيـــن فانا معاك وتابعت المبارة يجب اخذ الحذر من جميع الاندية بمجموعتنا الاسيوية |
| الوقت المعتمد في المنتدى بتوقيت جرينتش +3.
الوقت الان » 05:44 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd