|
انا وسامي والشيخ الكلباني بسم الله الرحمن الرحيم انا الصراحة انسان ما اعرف في المقدمات ابدخل في الموضوع دايركت<<<:d وش عنده انا ياجماعة الخير حجيت ولله الحمد وهاذي اول حجة لي وانا الحين 18 سنة<<<طيب بعدين في البداية وحنا نازلين من الطيارة من الرياض لجده سمعت كم واحد يتكلم مع خويه يقول شفت سامي انا المهم ما صدقت وبديت ادور وادور ولكن بدون فايدة:no: وكنت مستغرب ليش جاء جدة وماكنت ادري انه بيحج والمهم ركبنا الباصات الخاصة بحملة الجريسي متوجهين لمكة دخلنا مكة وبالتحديد منى وكان الجو روعه واقسم بالله بمجرد ما دخلت منى انشرح صدري والله ياجماعة الخير تحسون بسعادة بالغة والمهم وصلنا لمقر الحملة وكان موقعها سلييييييم على بعد100 متر من الجمرات وزعونا على غرفنا ورونا المرافق وحطينا اغراضنا والي نام والي تفرغ للعبادة الخ.. حظروا الغدا عبارة عن بوفيه مفتوح وطبعا بما اني سعودي تكون الشطة اول اساسياتي :d فسألت احد العاملين (عندكم شطة) قالي اكيييييد واشرلي على طاولة قال تلقى هناك شطة رحت وصفيت طابور ويوم جاء دوري لقيت ابو عبدالله :bigeek: قاعد يحط شطه على صحنه :bx:<<<< من بعدها حبييييت الشطه زيادة المهم سلمت عليه ومن هالكلام الخ .. وبعدين مشيت عشان ما يقول وش ذا النشبة:d ومرة الايام ورحنا عرفة نمنا في عرفة ويوم جات الساعة 4 العصر اليوم الثاني لازم نطلع من عرفة الي هو وقت الغروب وحنا طلعنا ولا ماطلعنا والله يا زحمة ما قد شفتها بحياتي وكنا ماشين رايحين للباصات والمسافة الي لازم نقطعها ما تجي طول ملعب الهلال يعني راح ياخذ منا دقيقة مشي لكن بسبب الزحمة اخذ منا ساعة وربع:no: المهم وصلنا للباص وبشق الانفس عمري ما قد تعبت مثل ذ التعب عند الباص كان في كراتين موية قبل ما اركب واشقلي علبتين موية ركبت ورى في الباص بعدي بشوي ركب سامي عبدالله الجابر:naughty: وهو معرق لأبعد درجة:no: المهم دخل وهو يقول لا اله الا الله قعد اول واحد على اليمين وانا وابأسلوب الالكاعة:naughty: رحت نزلت من الباص وركبت مرة ثاني عشان اقعد جنبه :d المهم سلمت عليه وشاف المويتين الي معي وقال لسواق الباص في موية قلت له ســـــم وانا وش وضيفتي هنا :ap: قالي لا مايحتاج تسلم يمكنك تبيها لكن غصبته انه ياخذها وبعدين بدى يتكلم معي قالي بالحرف الواحد :والله مشهد من مشاهد يوم الحشر المشكلة حنا كبار وتعبنا هالتعب الاطفال وش يسون :cry: .والله انه صادق الاطفال وضعهم صعب المهم رحنا مزدلفة وبتنا هناك وبعدين رجعنا لمنى واللحين الواحد يقدر يتحلل من الاحرام تحللنا وبدت نشاطات الحملة من مسابقات وضحك وقصص الخ... انا كنت نايم وصحيت على صوت المايك والمسابقات قمت غسلت وصحصحت وطلعت للمكان الي يجتمعون فيه الي هو الصالة :d اول ما دخلت لقيت المقدم على يمينه سامي وعلى يساره راشد الفارس:bigeek: ما استوعب راشد معنا في الحملة وتوني ادري وكان المقدم يسوي مسابقة بينهم انووواع الضحك الي هي سامي يقول سؤال لراشد وراشد يرد عليه بسؤال اهم شي الواحد ما يجاوب اعطيكم مثال سامي: كيف الحال راشد راشد: كم عمرك ياسامي وهكذا وخذ الأغلاط الي تجيك انواع الضحك:bx: زي راشد قال لسامي: وش اسم ولدك قال سامي: عبدالله :laugh: غلط المفروض ما يجاوب بس بيني وبينكم والله كبر في عيني راشد الفارس :yes: المهم انا طولت عليكم بس ابي اقولك ذبة قالها سامي :d المقدم حق المسابقات فكاهي ياجماعة الخير لأبعد درجة والله ما اكذب عليكم قعدته ما تنمل بس كان متين جدا المهم قال الشيخ الكلباني الي كان امام الحرم قال لسامي عطنا كلمة تكلم سامي وقال اشكر الحملة على الخدمات والخ.. المهم وقال للمتين صحيح انك متين ومدري وش لكنك شخص مرح ووجودك مهم تعطي روح الفكاهة في الجلسة قال المقدم لسامي : طيب وشرايك تاخذني معك مهاجم في نادي الهلال قال سامي : لا انا باخذك حائط صد:bx: هو قالها ولا ما قالها كل الشعب تسدح ضحك :laugh: ا انا طولت عليكم داري لكن الموضوع لتغير الجو من بعض مواضيع الأعضاء الي تضيق الصدر عن رحيل التايب:no: المهم انا صورت سامي فيديو وهو في الحملة بكاميرا جوالي وبعطيكم الرابط عشان تصدقوني:alzaeem: سلاااااااااااام http://www.zshare.net/download/55254184301f984a/ والفيديو الثاني http://www.zshare.net/download/55254252fbdc39c7/ |
فيه حج الحين ؟؟ <<< امزح معك ,,عموما تقبل الله ,, وبالتوفيق لك في اختباراتك .. المذاكره كلها كم يوم وتخلص وتعال على النت الين تشبع ,, |
إقتباس:
ههههههههههه:bx: انا متخرج يا كابتن والحين بجامعة في كندا تسلم على الرد ياغالي :alzaeem: |
ياخوي تقبل الله منك ومن سامي ومن كل المسلمين صالح الاعمال ويارب انها تكون خرجت من هالحجه كما ولدتك امك |
الله يقبل منكم أجمعين ماشاء الله عليك قابلت السامي سامي والله اني أمنية حياتي أشوفه،،، |
وحنا طلعنا ولا ماطلعنا وحياتك زحمة ما قد شفتها بحياتي وكنا ماشين رايحين للباصات والمسافة الي لازم نقطعها ما تجي طول ملعب الهلال يعني راح ياخذ منا دقيقة مشي لكن بسبب الزحمة اخذ منا ساعة وربع:no: كلمات تردد سماعها بين كثير من الناس وما دفعني لوضع هذا الموضوع هو كثرة التحدث بها هنا فارجو من الجميع الاستفادة لاني اريد مصلحتكم والله اليكم الفتوي للشيخ سفر بن عبد الرحمن الحوالي السؤال: ما حكم من يحلف بالنبي صَلَّى اللهُ عَلَيْهِ وَسَلَّمَ، أو يقول: وحياتك؟ الجواب: هذا من الشرك، إن حلف به معتقداً أن له ما لله تعالى من التعظيم, فهذا شرك أكبر، وإن كان مما يغلب على اللسان ويسبق عليه، يقول: والنبي, أو وحياتك, أو وكذا، فهذا من شرك الألفاظ, وهو أكبر من الكبائر لأنه شرك، وإن كان لا يخرج من الملة، ولكن يجب على الإنسان أن يتوب منه. اتمني الاستفادة |
حج مقبول >>>>>> وبالتوفيق وإن شاء الله تجيب الشهادة وتتوفق بدراستك |
إقتباس:
وشكرا لأنك نبهتني والله يعلم اني مانتبهت والحين راح اعدلها تسلم يالغالي |
الملفين مضروبة ما تشتغل صح .. |
الله يتقبل منك ومن سامي ومن كل اللي حجوا معكم مشكور على المقطعين ياخوي وان شاء الله ربي يوفقك في دراستك بكندا وبكل مكان تروح له تحياتي لك |
الله يتقبل منا ونكم .......... |
إقتباس:
|
المقطع كبير حجمه .. 17 ميقا .. لكن والله يستاهل .. المقطع فيه عادل الكلباني ينكت :) وفيه سعد البريك وفي هالذيب ابو عبدالله .. هالآدمي نحبه .. لطيب معدنه و ارتفاعه عن الاحقاد و اخلاقه الي يشهد بها الكل .. . الله يوفقه دوم ويرجع لنا من امريكا بالسلامة هو وامه.. |
إقتباس:
الفيديو شغال المقطع فيه الشيخ سعد البريك الا يالغالي وش الكميرا اللي مصورهاs13s |
الملفات تحملت معي اخر حلاوة .. . يعطيه العافية ماقصر .. |
| الوقت المعتمد في المنتدى بتوقيت جرينتش +3.
الوقت الان » 03:22 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd