السلام عليكم ورحمة الله وبركاته

في البدايه الف مبروك لنا جميعا جمهور الهلال شراء الهلال لبطاقة اللاعب البرازيلي تياجو نيفيز وانشاء الله يكون فال

خير على الهلال الموسم القادم ياررب واشكر الامير عبدالرحمن بن مساعد على هذه الصفقه مع اننا كنا نحتاج تياجو

في هذه الفتره بس عاد ايش نسوي

ادخل الى صلب الموضوع

منذ قدوم ياسر القحطاني للهلال وبعد اعتزال سامي الجابر لم ارى في التشكيله الهلاليه مهاجم صريح هداف

يساند ياسر بكل قوه ويعوض غيابه اذا غاب وان ما نشاهد هم اشباه مهاجمين مثل الصويلح ابو الاصابات والعنبر

اللي يوم فوق يوم تحت وحتى اللاعبين الاجانب الذين يتم التعاقد معهم ويلعبون في مركز الهجوم لم اقتنع في يوم من

الايام بواحد منهم وخذ على سبيل المثال لا الحصر ديسلفا و جيليسون ورودريقو الفان وليلو والحين جاك سول

وهي مشكله اصطنعتها ادارات الهلال في الاربع السنوات الماضيه والسنه هذي ولا قبل كان ادارات الهلال السابقه

تجيب مهاجمين مميزين قبل ما ينضم ياسر للهلال وهذي المشكله التي جعلتها ادارة الهلال السابقه والاداره الحاليه

مشكله وكأن لا يوجد لها حل لماذا لا نأتي بلاعبين بارعين في مركز الهجوم كما نأتي بلاعبين مميزين في مركز الوسط

والدفاع سابقا وعندما اقر اللاعب الاسيوي وكأن لايوجد اسيوي سوا الكوري سول والله انه يوجد في الخليج والعرب

مهاجمين افضل من سول مية مره وخذ على سبيل المثال عماد الحوسني و اسماعيل مطر وحسين ياسر

واحمد خليل الاماراتي وغيرهم وغيرهم لكن الاداره فاجأونا ب سول كي هيون والله لاعب اقل من عادي ولا اعتبره

مهاجم بالعكس يلعب على الاطراف كثير واحنا مو في حاجة اطراف او اجنحه عندنا ويلهامسون الله يعطيه العافيه

وعندنا الفيلسوف الصغير احمد الفريدي . نحن با العربي الفصيح نريد مهاجم مهاجم مهاجم صريح صريح

متى اشوف هذه الامنيه تتحقق وهي ان ارى في الهلال مهاجم يساند ياسر بكل قوه ويسجل الاهداف من انصاف

الفرص وينهي الهجمه في المرمى وما يحسسنا بغياب ياسر اذا غاب

في الفتره الحاليه اذا غاب ياسر والله اني احط يدي على قلبي ابي اشوف واحد ينهي الهجمه مافيه

الى متى واحنا نعتمد على اجتهادات العنبر و صدف الصويلح وبعض من بركات اشباه المهاجمين الاجانب

لعل الموسم القادم تنحل مشكلتي بتواجد عيسى المحياني انشاء الله وتياجو نيفيز والا ما اشاهد الان

سوا ياسر القحطاني الله يخليه لنا ولا الباقي طقها والحقها وهذي السنه الخامسه على التوالي اللي ما اشاهد

فيه مهاجم بمعنى كلمة مهاجم في الهلال سواء اجانب او محليين ولا يوجد لدينا غير ياسر القحطاني احد

لا ادري لماذا هل لخطة المدربين الذين توالو على تدريب الهلال في دور في ذلك لا اعتقد لانه يتم جلب مهاجمين

ولكن يكتشف انهم اشباه مهاجمين ام هو قدر على الهلال ان لا يتواجد به مهاجم بجوار ياسر انا احس هكذا

انه قدر والدليل كل ما نريد مهاجم صاحي نكتشف انه ما عندك احد واذا بنجيب واحد مميز نتفاجئ في النهايه

بعدم وجوده مثل كالون وعيسى المحياني كلاهما كانا قريبين من ارتداء شعار الهلال ولكن للاسف لم يحصل هذا

في الختام اسئل الله العظيم رب العرش الكريم ان ينصر الهلال ويكتب له التوفيق فوق كل ارض وتحت كل سماء

كما اسئله تعالى ان يحقق لي امنيتي وهي ان ارى في الهلال مهاجم مع ياسر يسانده ويعوض غيابه اذا غاب

اسف على الاطاله.

تقبلوا تحياتي دمتم بزعامه

ان شاء الله نشوف لاعب ينافس ياسر

وعندنا عبدالكريم القحطاني والجهني ان شاء الله نشوفهم

...........................

صادق والله

بس الصويلح اشبااااه مهاجمين ؟؟؟؟؟؟

العنبر معك حق مره قمه ومره قااع

لــكـــن في يوم من الأيام سيصبح الصويلح المهاجم الأول في السعودية والله اعلم وتذكر كلامي جيدا ًُ ,,

والله انك صادق اخوي


ياليت يجي لاعب هجوم صريح


ولانبي لاعب بارد زي سيول والله يجيب المرض اذا شفته

لابعد الاتحداين معلقين علي يقولون يمشي وهو مغمض عيونه

ياليته على هالتغميض يلعب زي الناس والعالم جايبين لاعب مالعب الا ثلاث مبارايات

والله القهر


تقبل مروري

.....................

عندك الصويلح مااخذ فرصه ليثبت نفسه وهو في مستوى ياسر واتوقع لو عطاه المدرب فرصه يبي يتالق وتشوفونه ان شاء الله