الفتنة أشد من القتل يامدعي تشجيع الهلال
 

السلام عليكم ورحمة الله وبركاتة


بأخر الأيام كثرة مواضيع عدم حضور جمهور الهلال بالرياض الى الملعب مما تسبب بكثيرة من الفتنة والمشاكل بين

الاعضاء ولو نلاحظ أن اغلب الأعضاء الي يتكلمون عن جمهور الهلال تسجيل عام 2008 او 2009 ومشاركاتهم تحت

100 بمعى ثاني يامندسين يايحولون ينشرون الفتنة بين الاعضاء وخاصة حنا أولا واخير اخوان بالأسلام والفتنة أشد من

القتل وأستدل بكلامي بقول الله تعالى قال تعالى { واقتلوهم حيث ثقفتموهم و أخرجوهم من حيث أخرجوكم والفتنة أشد من القتل } ( 191) البقرة
قال تعالى {يسئلونك عن الشهر الحرام قتال فيه قل قتال فيه كبير وصد عن سبيل الله وكفر به و المسجد الحرام و إخراج أهله منه أكبر عند الله والفتنة أكبر من القتل } ( 217) البقرة .


ويا أخوان بدال ما نتهم جمهور الهلال بالرياض خلونا نتناقش بعقلانية ونحاول نجد الأسباب الي تمنع الحضور

ونعالج المشكلة ونتاقش بفكر راقي بعيد عن التعصب والشتم الي صاير بين الشباب هل يومين.

اتمنى من أي شخص يدخل من جمهور الرياض يكتب الأسباب التي تمنعه من الحضور للملعب.

وراح أبدا أول واحد

1- اول سبب الاسلوب الي يستعملونه الأمن ضدنا كجماهير اتذكر مره من المرات وانا راجع من الملعب

وقفني عسكري وبعدها قالي امش اول ماجيت امشي الى ويجي عسكري ثاني ويصفق السياره بحيل

قوته بعصا كانت معه وقعد يسب ويغلط واقوله خويك قالي امش قالي اسكت بس كأننا عبيد عنده وش بتسويله

بتتكلم معه بيتبلاك ويجرجرك السجن رجال طول بعرض يجي طفسه زي هل أشكال يغلط علي وش الي

حادني اروح للملعب عني ماشفت كورة اهم ماعلي كرامتي ويوم مباراة الهلال والنصر يوم هدف

طلال المشعل التسلل ذاك اليوم فيه ناس من جمهور الهلال جاهم ظرب من جمهور النصر وغير الحجر

الي كان ينجدع علينا ولا كان فيه ولاشرطي يفك المهاوشات هذا أول سبب .

والحل ان كل ملعب يكون له أمن خاص فيه الشرطة مالها دخل فيه ويكون بأعداد كبيره وعليهم مشرف

وعندهم قوانين واضحة يعرفها الجمهور وانتهينا.

2- السبب الثاني العطش ممنوع تدخل ماء معاك عند الكراسي احيانا احضر المباراة من الساعة 3 العصر وأجلس

داخل اموت من العطش والخوف اذا رحت اشرب ماء يروح مكاني يعني تخيل من الساعه 3 الى الساعة10 بدون

ماء وقاعد تشجع يعني 7 ساعات بدون أكل ولا شرب اقعد بعد المباراة اسبوع الصوت رايح وهم مانعين الماء

علشان مافي أحد يجدع على الثاني قوارير الماء.

الحل من وجهة نظري يكون عند شراء أي مشجع تذكرة لازم يبرز اثباته علشان يتم تسجيل اسمه واذا احد مسك

الماء وبدأ يرجم على أحد من الجمهور يتم مسكه ومنعه من دخول الملعب مدى الحياة علشان أي واحد يفكر

يرجم الماء او يدخل المستطيل الأخضر يفكر ألف مرة قبل مايسويها وهذي الطريقة تطبق بالدوريات الأوروبية.


الأسباب كثيره بس هذا السببان الرئيسيان الي عندي ويليت تكتبون مشاكلكم.

والله صدقت اخوي وياليت اظفت بموضوعك سالفة التايب الي من جد احس انها حركه من مندسين لاشغال الهلال عن استحقاقاته القادمه وقلب الجمهور على الاداره وهذا الي صاير . وشاكر لك موضوعك الي فعلا عالجرح

الله يجزاك خير على المعلومة يالغالي

اعتقد المشكلة هو سبب تنظيمي بالدرجة الاولى فالمباراة بعد صلاة العشاء وش يجيب الجمهور من العصر والجمهور الاوروبي يحضر قبل المباراة بربع ساعة لانه بموجب التذكرة الي معه محجوز مكانه وهذا ما نفتقده . بعدين تجلس تسمع كلمات نابية وسب وشتم . كيف تبيني احضر ومعي اخواني او اولادي .
اعتقد ان الاعلام الرياضي مقصر في توعية الجماهير من هذه الناحية والاساهم في جعل الحضور لاي مباراة عبارة عن نزهة وتجمع حضاري .
وسلامتكم .

زين انك فتحت الموضوع

ومع احترامي لكل الاسباب
والاعذار اللي قلتوها
الا انها ماتمنعكم عن الحضور
ومؤازرة الفريق:no:


لو نهائي كان حضرتوا :naughty:


يعني بالمختصر المفيد
جمهور الرياض
قاعد بالبيت وينتظر الهلال يتاهل
عشان يحضر:bigeek:
كثر الله خيركم
ماتقصروون


وانا مازلت اقوول
اي واحد من الرياض ومايحضر المباريات
ياليته يكرمنا بسكووته
وماينقد الفريق اذا خسر:confusedw:

مشككككككككككككككووووووووووووووررررررررررررررررررررررررررررررررررر حبيب قلبي وكل شي معقول

أكره شي عندي ان تجي بنت وتتفلس عن الكوره اختي حدكي المطبخ

وخلي الكوره لأهلها

العفو يابــــــــــــطل على ردك

اشكرك عالطرح المنطقي
اميرة الذوق كلك ذوق ولا يهونون الاخوه
هدئي اللعب الوضع مايستاهل ربي يوفق الجميع