|
بعض الاقتراحات لنجعل مدرجات الهلال في الرياض ممتلئة @ ارجوا التفاعل @ السلام عليكم لايسرنا حال مدرجنا في الرياض وانا كنت في وقت سابق الوم الجمهور وانا اليوم لاالوم الجمهور خلوني اعطيكم كم اقتراح من اراد ان يزود حياه الله اقتراحات توفير باصات من داخل مدية الرياض مثلا الاحياء الشمال يكون لها تجمع يوفر مجلس الجمهور الهلالي بدعم من اعضاء الشرف ب 4 باصات في شمال الرياض واربع في جنوب واربع في شرق واربع في غرب الرياض وبهكذا يكون عدد الباصات 16 ونقول ان كل باص ياخذ 30 شخص 480 مشجع ينقولون من الرياض نااتي لمن خارج الرياض مثلا توفر 5 باصات في بريده وعنيزة في القصيم و5 في المجمعه وسدير والوشم والمحمل والزلفي و5 باصات الى الخرج و5 باصات الشرقيه والاحساء اصبح عندنا 20 باص 320 مشجع نحتاج الى توفير 40 باص للجماهير الهلالية تقريبا تقريبا ننقل من 700 مشجع الى 1000 مشجع :smilie47: شي جيد اقتراح اخر بدعم من اعضاء الشرف شراء 5 الاف تذكره مجانيه في كل مبارة لدعم وحث الجماهير للحضور :smilie47: اقتراح اخر دعوة الجماهير عبر الاعلام مثلا من خلال قناة الزعيم تجعل برامج لتحفيز المشجع للحضور وكذالك موبايلي باارسال رسايل قبل المبارة ودعوتهم :naughty: اقتراح اخر الاعبين والاداره يكونوا متاوصلين في المنتديات وكتابة مواضيع للجماهير وحث الجماهير للحضور فهاذي اعتبارها مهمة جدا جدا :smilie47: من كان لديه اقتراح فيطرحه اتمنى من كل قلبي ان الاداره تقرا الموضوع او يوصل احد المشرفين او احد القائمين على المنتدى الموضوع للاداره شكرا |
لسلام عليكم الكل شايل حمله على اهل الرياض وانتو لا تعلمون السبب اين في غيابهم عن المباريات انا اقول لك انت تحضر مباراة الهلال وتدفع تذكره 20 ريال فقط لكن جمهور الهلال في الرياض يعانون من البعد وكبر مدينة الرياض وانتو شفتو الجمهور الي حضر في مبارة الاهلي الوديه كان كثير وغير متوقع لانه في حي بعيد عن ملعب الملك فهد ولم يكونو يحضرون المباريات في الاستاد بعد هذا كله اعطيكم السبب "الداء" 1:لو انت ساكن في العريجاء او الدخل او البديعه او الشفاء او في العزيزيه او في العلياء او في الصحافه اوفي الملز وبتحضر مباره في استاد الملك فهد وما معك سياره يلزمك 100 ريال للحضور عليك تامين 30 ريال لتاكسي رايح و30 ريال جايو20 ريال تذكرة المبارة و20 ريال مشروبات وما كولات من يصدق ان هذا الي صاير في الرياض 2: اذا انت في شرق الرياض او غربه او جنوبه او شماله وبتحضر المباره والمباراه في استاد الامير فيصل في الملزوما معك سياره يلزمك 80ريال للحضور عليك تامين 20 ريال لتاكسي رايح و20 ريال جاي و20 ريال تذكرة المبارة و20 ريال مشروبات وما كولات من يصدق ان هذا الي صاير في الرياض ويمكن ان تجد لموزين ويمكن ما تجد من يصدق هذا الشي "الدواء" 1:لماذا لا يؤمن باصات لنقل الجماهير اوقات المباريات ونستفيد من دخل نقل الجماهير لو افترضنا ان هناللك 200 حافله وكل حافله بها 40 مقعد وناخذ تذكرة ركوب للحافله ب10 ريال ذهابا وعوده نجد انفسنا امام جمهور كبير و مبلغاااا كبير في مبارة واحده وتخيل 8000 مشجع و80000 ريال وهذه الطريقه متخذه في اغلب الفرق الاوربيه الكبيره اتمنى اعطاءارئكم لتصل للاداره وتكون افكارنا عين الصواب في مخططاتهم |
إقتباس:
|
مووضوعك جااء بالوقت المناسب ولعل الاداااره تقراااء المووووضووع وتنفذذذذه وان شاء الله مااااتقصررررر ===اقترااااح=== نحن نؤؤيد فكررة توفير باااصاات من المناااطق المجاااوره مثلا 4 او 5 باااصات وهذي فكرررره تجعل الملعب ممتلئ تماما عن بكرة ابيهااااا========على العمووم مشكور اخوووي ماقصرت ويليت تكون كل مواضيعك كذا تحفيييز للجماااهير وغيرها بس مو كل يوم تحفيزززز خخخخ شكرا لك بالتوووفيق للزعييييم |
اولا مشكور يااخوي ( روح الهلال ) على الموضوع المميز ويعطيك العافية .. وانا متفق معآك في كل كلمة قلتها انت والاخ ( قلب < الزعيم > ) ومااقدر ازيد على كلامكم الرائع .. والاقتراحات ممتازة والافكار ايضا ممتازة ولاكن اين الذي سينفذ :confusedw: والمرحلة القادمة مهمة على مستوى جميع البطولات فلنقف مع زعيمنا ونتكاتف ونحضر ونساند زعيمنا فالادارة ماقصرت بآ احضار لعيبة محترفين على اعلى مستوى :smilie47: وطورت الفريق ويعطيهم ربي الف عافية ولاكن الباقي علينا نحن :yes: واكرر شكري لك يالغالي .. وتقبل تحياتي وودي لك :rose::rose: |
إقتباس:
لكن الفرق انهم يخلصون في حبهم للفريق..وانتم للأسف اثبتم عكس ذلك،،،، ياليتني من اهل الرياض ،، والله لأحضر كل مباراة يلعبها الزعيم.... |
كلام سليم .... وانشاء الله الأدارة تلتفت للموضوع وتلقيله اهتمام لانه موضوع مهم جدا .. |
اقتراحي كالتالي اتمنى من الشركه الراعيه موبايلي تدعم الجماهير مثل اللي يشحن جواله بعشره يحصل على تذكره مجانا لحضور المباراه القادمه للزعيم ..... |
إقتباس:
جمهور الفقراويه خخخخخخ رح شف الباصات في حي الفيصليه وحي الحله والشميسي :d واذا صرت من اهل الرياض بتجي ومعك 80 الف متفرج :to: والله ثم والله لو انك من اهل الرياض ما تحضر الا 50 % من المباريات هذا اذا حضرتا 50 % خل عنك الكلام الفاضي .. الرئيس اللي هو الرئيس يغيب عن المباريات فما بالك بالجمهور :to: تحسب الناس فاضين للهلال :d |
اقترح أيضا أن تقوم الإدارة المشرفة على الاستادات الرياضية بإراحة الجماهير داخل المدرجات وذلك بجعل بوفيهات توزع الشاي والقهوة على الجماهير بسعر رمزي لتستمتع الجمااهير بالمشاهدة,,, (لاتضحكون على اقتراحي) |
يا بعد قلبي يا قلب الزعيييم :d والله ورب البيت حبيتك هههههههههههههههههههههههههههههه الا والله اقتراحك صح وفكرتك صح :d ليش خايف نضحك عليك :d |
تبون الصراحه ولا احد يزعل علي شباب الرياض شباب مقاهي وبس .المبارات ماتحلالهم الا بالمقهى انا امس يوم شفت جماهير النصر وشلون هزوا الملعب من بعد هدف ايلتون قلت هذا سبب خسارتنا .تخيل الواجهه مليانه وكل ماسوا الجروان خطأ بتصارخ عليه الجماهير شف وشلون بيتأثر بس الشكوى لله .. |
[QUOTE=نوسه16;11000261]تبون الصراحه ولا احد يزعل علي شباب الرياض شباب مقاهي وبس .المبارات ماتحلالهم الا بالمقهى انا امس يوم شفت جماهير النصر وشلون هزوا الملعب من بعد هدف ايلتون قلت هذا سبب خسارتنا .تخيل الواجهه مليانه وكل ماسوا الجروان خطأ بتصارخ عليه الجماهير شف وشلون بيتأثر بس الشكوى لله ..[/QUOT الواااجه ملياانه و ين ملياانه تراا ما متلت طيب مبااراة يوزم اجاازه و دعم فو ق 5000 تذكرة مجاانا لااا و بااصاات من اكثر المدن جاايبن و تقولى الواجه ملياانه يالحبيب لو مبااراتهم الثلوث او السيت مثلناا عز بالله تطلع الفضاايح جمهو ر الهلال الوحيد اللي تتكلم عنه يعبي الملعب مو الوااجهه |
تبون الصراحة انا لي تسع سنوات ماحضرت مباريات... طبعا لي اسبابي ومنها المسافة والتنظيم وقصة حصلت لي مأساوية ماراح اذكرها لانها طويلة وهي السبب الرئيسي .. المهم ان اقتراحك الاول ياروح الهلال حلو توفير باصات حتى لو في الرياض بس اعتقد انها فكرة موفقة وعندي اقتراح ياليت نسوي حملة للجضور المباريات في الرياض مثل حملة خليها تصدي وانا اول واحد احضر ونسميها حملة ( خليهم يوسعونها ) قصدي المدرجات .. اتوقع انها تنجح وش رايكم بس تحتاج لتفاعل من الاعضاء ونشرها بكل الوسائل وانا اتوقع ان الرابطة من اسباب عدم حضور الجماهير للملعب والسبب ان البعض يقولك ليش اروح مدام ان الرابطة قايمه بالدور تشجع من اول المباراة الى اخرها .. وحتى اللي حضرون للملعب تلاقيهم مالهم اي دور لان الرابطة قايمة بالدور .. ما ادري يمكن اكون مخطى واذا كنت صادق اتمنى الغاء الرابطة وخل كل اللي يحضرون يشجعون وبصوت واحد هلال هلال هوهو وياهلال عزك عزنا طبعا انا مجرب هذا الشعور لان قبل تسع سنوات ماكان فيه رابطة كنا مشجعين مو متفرجين.. وسلامتك وتقبل مروري |
موضوعك جميل لأن بعض الأعضاء يقوم بلوم مشجعي الرياض اتركوا اللوم وابحثوا عن الحلول واقتراحك ممتاز اتمنى من الادارة التنبه لهذه النقطة وشكرا |
| الوقت المعتمد في المنتدى بتوقيت جرينتش +3.
الوقت الان » 12:38 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd