|
بخصوص طارق والذين طالبو برحيله السلام عليكم صباح الخير والله هذا الموضوع كان في خاطري من زمان وحبيت انزله لاني والله ماقدرت كل ماقلت بعدين تحسفت وقلت الحين المهم ارجو ثم ارجو ثم ارجو من المشرفين عدم حذف الموضوع لاني والله ابي اشوف راي الشباب اوكيه اتفقنا؟ ندخل الموضوع . . . كثرت في هذي الايام كتابات في المنتدى عن رحيل طارق وفيه ناس مؤيده وناس معارضه انا من الناس المعارضين وبشده ليش اسئلوني ليش؟ لان لو تخلينا عن طارق والله كارثه خلاص التايب مانتعود الهلال من دونه التايب لاعب مهم في الهلال بل هو اهم لاعب بعد محمد الدعيع صح وبعدين الي يقولون مايفيدنا ونحن نشجع الكيان ولانشجع الاعبين طيب شجع الكيان بس كيف تشجع الكيان بدون لاعبين يعني ماذا يفيدك الكيان بلا النجوم ؟ ونحن عارفين ان الزعيم ما اعتمد على لاعب معين ولاكن لاعب مثل طارق لو يروح تصير مصيبه وكارثه لانه لاعب مهاري وعالمي بمعنا الكلمه يذكرنا بطيب الذكر الاسطوره النمر يوسف الثنيان وصح رحلت نجوم من الهلال امثال الثنيان والنعيمه والجابر ...الخ بس مارحلت الا خلاص استهلكت كل طاقاتها يعني بالمعنى العامي صارو شيبان ماينفعون قل مستواهم ولاكن الكارثه ان يذهب نجم وعاده في قمه عطائه فهاذي الكارثه وانتم عارفين زين ياجمهور الهلال وتذكرون الدوخي يوم راح وهو في قمه رووعته ومستواه ولذالك ندم الهلال على ذالك الا يومك هذا وظل الهلال يعاني من مركز الظهير الايمن الا الان صح ولا لا؟ وحتى الدعيع في العام الماضي يوم قال ابي اعتزل وقلتو لا كلكم ليش؟ لانه مازال يقدم مستويات رائعه والان دور ابو نادين لو يروح والله ان الهلال لا يعاني من مركز صناعه اللعب لاتقولون ويلي شلهوب فريدي مدري ويش انتو كلكم تعرفون من التايب ومن ويلي والشلهوب والفريدي والي يقول مصلحة الفريق والتايب كل يوم اصابات وايقاف في كاس اسيا طيب الاصابات من رب العالمين والايقاف شهرين ونص اذا خلصت والله ان التايب لايعوضكم كلكم ياجماهير الزعيم بابداعه وفنه وكاس اسيا اذا الله كاتب لكم فيه نصيب بتاخذونه حتى لو لعب المفرج هجوم واذا الله مهوب كاتب نصيب لو تجيبون ميسي وكريستيانو والله ماتاخذونه لو خسرنا التايب تعرفون ايش نخسر ؟ نخسر المتعه والروعه والاثاره والجماهير الي تحظر في الملعب واذا تقولون نيفيز بيجي وبينسينا ابو التايب والله ماينسيكم وباذكركم واذا تبون لاعب يروح لاجل نيفيز امامكم رادوي وويلي احداهم يروح اما التايب فلن يذهب باذن الله لان التايب ظحى لاجل الهلال اعتزل من منتخب بلاده لاجل الزعيم ولاجل جماهيره وحتى نفيز لن يخلص للهلال مثل التايب لان التايب عمله نادره جدا وفي الاخير تقولون وبكل بساطه التايب لاينفع الفريق كلمه تجيب المرض يعني طارق لاينفع الفريق اذا طارق ياستاذ انت وياه ماينفع الفريق اجل مين ينفع الفريق؟ بتشوفون التايب لمن يرجع يلعب والله كلكم تعودون وتتحسفون وتقولون خلاص اتركوا الفريق كله الا التايب خلوه نبيه وبعدين التايب رجع لنا المهاره التي فقدت من بعد ابو يعقوب ورجع الرهبه للفريق المنافس وحاجه حطوها في راسكم جيدا لو الهلال ترك التايب على طول البلوي ياخذ التايب لو بدبل القيمه اهم شيء يقهر الهلاليين وبذالك لو ذهب التايب للاتحاد قابلوني اذا اخذ الهلال الدوري وكل واحد عقله في راسه والي مندس احسن انه لايرد على الموضوع اسف على الاطاله ولاكن فضيت الي في خاطري وارجو من المشرفين عدم الحذف تحياتي . . . زعيم البلانكو |
كلامك جدآ روعه ونت ماطلعت الي في قلبك الي في قلوبنا اتمى ان لايرحل وصدقني والله العظيم ان تفضه المدرجات وشف الان الجمهو مايحظر مباريات الهلال اتمى من الاداره اذا كان في مشكله ان تنحل بأسرع وقت وتايب لا يعوض |
أخووي يقول المثل عصفور بيدك أحسن من عشره علا الشجره طارق نعرف مستواه ونعرف إمكانياته لكن نيفيز هل تتوقعون أنه سوف يتأقلم مع المجموعه مثل طارق لا أتوقع وأقرب مثال جيوفاني وبورجيتي اللي بالاتحاد هداف منتخب بلاده المكسيك أنا أتمنى من الجميع الأنتظار إلى نهايه الموسم ونشوف الاداره ماذا سوف تفعل دمتم بود |
طارررررررررررررررررررررررررررررررررررررررررررررررررررررررررررررررررررررررررررررررررررررررررررررررررر رررررررررررررررررررررررررررررررررق لا لا لا لا |
لالالالالالالالالالالالالالالالالالالالالالايا حبيبي الهلال مايوقف على لاعب بابا اجل ابي ابوفيصل بكره يرجع الثنيان وسامي والله انا مع الادارة بيرحل التائب السنه القادمه الله يوافقه في كل مكان لاعب من بداية الموسم شهرين بيتوقف وغيره الاصابات بتوقفه بيروح الموسم وهو على الحال لالالالالالاياحبيبي العاطفه يمكن ما ثئره عليك |
يا شبــاب ترى للحين مافي شيء يقول ان التايب بيمشي...بتقولو المعطيات تقول كذا... لا و العلم عند الله وحده..بإذن الله التايب قاعد مع الهلال لين يعتزل(هذا إحساسي) و يمكن البعض بيقول التاب بيمشي... هذا إساسه,, تفائلو بالخير تجدوه..........إذا راح التايب لا سمح الله..السيء الوحيد إللي رح يشفع للإداره هو الآسيوة...زميسي و كرستيانو و إبراهيموافيتش و الأسيوي يكون بارك جي سونج...يعني بالعربي مافي شيء رح يشفع للإداره.....كلامك أكثر من رائع |
| الوقت المعتمد في المنتدى بتوقيت جرينتش +3.
الوقت الان » 01:01 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd