هلا بالغالي محترف التوقعات، تشجعت إني أشارك في الموضوع بعد ما قرأت ردودك.

عندي سؤال! سؤال غريب! لكن يهمني استشفاء الإجابة منك شخصيا لأن ردودك أعجبتني كثيرا ..

السؤال هو: لو كنتَ طالبا في كلية الحاسب الآلي، و أردت عمل "مشروع تخرٌّج" في الحاسب الآلي ، ماهو المشروع الذي تعتقد بأن مجتمعاتنا بحاجة له ؟! أتمنى معرفة رأيك حتى وإن كان الموضوع لا يندرج ضمن تخصصاتك..
تحياتي لك

اخوي الغالي: هلال رحيمه

إقتباس انا ولد عم عارف ودائما يتكلم عنك وعن ابداعاتك .

والله وسبعة انعام فيك ..ولي الشرف يابعدددددي..

إقتباس رايك بمن يدخل بأسم بنت وهو ولد والعكس ؟

نقصان عقل...وفاقد الشي لايعطيه..!!

إقتباس اتمنى منك ان تعطيني رايك في كلا من :

نجمةالابداع: قلم نسائي متميز.....وصاحبة جهد خرافي...تعشق لغة الحرف بشكل ملفت...اتمنى لها الاستمرار..والنجاح دائما وابدا.

عارف الهلالي: قلم رائع...يجبرك على احترامه...متمنيا له التوفيق في حياته الجديده يارب.

المملكه: قلم متالق....وتكتب بلغة<اللبيب بالاشارة يفهم>..وهي لغة ملفته...كثيرا..اتمنى لها التوفيق.

نجم الصبح: قلم كبير جدا....ولكن يعيبه عدم التواصل كثيرا مع لغة الحرف..وهي مشنقه بالتاكيد اتمنى ان يلتفت لها...ان اراد الاستمرار.

شذى الهلال: قلم جميل...وان كانت ايضا غير متواصله بشكل جدي....اتمنى لها التوفيق.

إقتباس اخي الفاضل اذا كان هناك انسان او شخص عزيز عليك ولم تقابله من فتره طويله ماهي كلمتك له ؟

ماهي كلمه لا راح تكون فعل....


بالعكس لا ازعاج ولاشي..وسعيد بتشرفك وانا تحت امرررك.


اخوي الغالي: القلب الأزرق

إقتباس أعذرني على تأخري .. لكن والله مو بيدي

معذور وانت عزيز وغالي....

إقتباس <1> شيء يثير غضبك ؟.. وآخر يبررررررد على قلبك ؟؟..

اللي يثير غضبي: غطرست امريكا..والسفاح شارون.
واللي يبرد قلبي: اطفال الحجارة...والعمليات الاستشهاديه.

إقتباس <2> أقــــــــرب لاعب كرة قدم إلى قلب محترف التوقعات ..؟؟

سامي الجابر
نواف التمياط.

إقتباس <3> يا محترف التوقعات بالنسبة لكأس العالم الغريب العجيب .. من تتوقع سيتقابلان في النهائي ولمن الكأس ؟؟

بعد اتضاح الصورة اعتقد وبدون جدال
البرازيل- والمانيا...
والكاس برازيليه..
;) ;)

إقتباس <4> ما رأيك في النجم الخلوق الكابتن نواف التمياط ؟؟ ومارأيك في الحاقدين على هذا النجم ؟؟

نواف لاعب كبير...وكبير جدا..وهو افضل من يتعامل مع لغة الاحتراف حتى الان.. اما الحاقدون: فيكفيهم التمتع بفنه واخلاقه.

إقتباس <5> من الأكثر في المشاركات .. أبو سليمان وإلا الغانم .. ؟؟

اثنينهم عينان برأس...

إقتباس <6> كتابك المرتقب .. متى ستنتهي منه ان شاء الله ؟؟ وكيف نتحصل عليه ؟؟

باذن الله حيب ماهو مخطط بشهر رمضان القادم...والحصول عليه سهل راح يكون بالاسواق باذن الله.

إقتباس وتحياتي لك يا بعددددددددي ( ودي أعرف ليه معلقه معك )

ملاحظه في محلها...
بصراحه ماكنت استخدمها ابدا...بس سمعتها من الاخ الغالي جدا على قلبي:
سلمان 99999
واصبحت ارددها...

تسلم ياغالي..ويا بعددددددي.. والله لايحرمنى منك....وباذن الله يكون هناك لقاء قريب بيننا...
تحياتي لك.

عاش مشوووت يامحترف


افا بس افا تجحدني وترد على البنات ماهقيتها منك <===يبي يوهقك هع هع هع


اقووول لايكون انا فنجال قهوة ولا صينية بقلاوة ههههههههه


رد علي تسمع ولا تقراء اكيد تقرا طيب رد ..



بعدين هاذي المملكة وش فيها تضحك اكيد اكيد انها معجبه فيني ههههههههههههههههه


يالله سي يووووووو

هلا ومرحبابكأخوي محترف توقعات.

عندي لك كم سؤال واتمنى أن لا اثقل عليك بهن

أولا:ماهي حكمتك في هذه الحياة؟!!

ثانيا:النفاق كلمه كثيرا مايرددهااصحاب النفاق لكي يوهموننا بانهم لاينافقوا وبما انك (محترف توقعات)كيف نكشف هؤلاء من وجهة نظرك؟!!


ثالثا: هل تؤيد وجود القلم النسائي الرياضي في الصحف والمنتديات ؟!! وما السبب؟!!

يا هلا والله بمحترف توقعات

سؤالي
* كيف بدأت موهبة الكتابة لديك ؟ وهل تذكر أول موضوع كتبته ؟
* كيف ترى دور الأنترنت في حياة الشباب ؟

محترف توقعات قلم مميز لايختلف عليه اثنان .


سؤالي ياغالي :-

هنالك اقلام مميزة بمنتدانا الرائع ولكنها تختفي ثم تعود مرة اخرى ... والبعض اختفى ولم يعود ...؟

فمن هم اللذين تتمنى ان يستمرو بدون انقطاع .
ومن تتمنى عودتة للمنتدى مرة أخرى .

______________________

سؤالي الثاني :-

قلم أو اقلام لاحظتها بمنتديات أخرى تتمنى بأن يتواجدون معنا ... للأستفاده منهم ومن خبراتهم .


تحياتي المخلصة

أخوك JAJ

هلا ومسهلا محترف توقعات ..

@ كيف تعرفت على شبكة الزعيم ؟؟
@ ظاهره تتمنى زوالها ؟؟
@ رأيك بشركة الاتصالات ؟
@ ماهو نصيب المواضيع السياسيه من وقتك ؟

ولك تحياتي

اخوي الغالي: الحكم..

ya malahk ant whasatk


اخوي الغالي: السام دائما

إقتباس أولا:ماهي حكمتك في هذه الحياة؟!!

مخافة الله.

إقتباس ثانيا:النفاق كلمه كثيرا مايرددهااصحاب النفاق لكي يوهموننا بانهم لاينافقوا وبما انك (محترف توقعات)كيف نكشف هؤلاء من وجهة نظرك؟!!

ليس هناك من طريقه افضل من حديث رسولنا محمد صلى الله عليه وسلم<<اية المنافق ثلاث: اذا حدث كذب..واذا وعد اخلف..واذا اتؤمن خان..>>

إقتباس ثالثا: هل تؤيد وجود القلم النسائي الرياضي في الصحف والمنتديات ؟!! وما السبب؟!!

نعم بكل تأكيد.
لمانشهده من اتزان وعقليه متفهمة..لاتغلب عليها اوجه التعصب..والمدرك لحقيقة هذا الامر..يعرف مدى ماوصل اليه القلم النسائي..حتى استطاع الان وبلاجدال مركز ثقل في وسط الساحه الاعلاميه.

مع تقديري لك ولتفاعلك.....

اخوي الغالي: الشـلال الأزرق

إقتباس * كيف بدأت موهبة الكتابة لديك ؟ وهل تذكر أول موضوع كتبته ؟

منذ الصغر...منذ ان كنت ابن التاسعه..
اول موضوع: هو قصه للاطفال من 20 جزء...ومايقارب من 200 صفحه..

إقتباس * كيف ترى دور الأنترنت في حياة الشباب ؟

هام وهام جدا..اذا تم استغلاله بشكل مفيد..
فمن خلاله ..تعلمنا لغة الحريه..ولكن للاسف اسئنا استخدامها.
.!!

اخوي الغالي: J.A.J

هلا فيك يابعدي...وتشرفت بتفاعلك...وانا سعيد جدا بتواجدك...

إقتباس هنالك اقلام مميزة بمنتدانا الرائع ولكنها تختفي ثم تعود مرة اخرى ... والبعض اختفى ولم يعود ...؟

بالتاكيد ياغالي..واوافقك تماما..
ولكن باعتقادي ان المساله احيانا تخضع للمزاجيه..واحيانا اخرى..ملل وتغيير..واخرى تهاجر لمجرد الاكتفاء فقط..!

إقتباس فمن هم اللذين تتمنى ان يستمرو بدون انقطاع .

والله اذا الامور بالاماني..
فانا اتمنى بقاء هذا العدد حتى هذه اللحظه: عدد الأعضاء » 17,229

إقتباس ومن تتمنى عودتة للمنتدى مرة أخرى .

والله كثيرين بصراحه...ولكن اذا مصر:
اتمنى عودة الاخ الغالي:
جمجمة الهلال<ضروف زواجه>..
عارف الهلالى< ضروف زواجه>..
صدي الامس
عاشقة الهلال
صدى الوجدان
ابو رشا
الاعصار< لانقطاعه المتواصل ومشاغله>..
سلمان99999<شهر العسل>..
الاسير الهلالي
الحبحر الحار
ومجموعه كبيرة لاتحظرني اسمائهم الان...ومعذرة من لم اذكرهم...
فيبدو ان الذاكرة لدي قد هرمت...

إقتباس قلم أو اقلام لاحظتها بمنتديات أخرى تتمنى بأن يتواجدون معنا ... للأستفاده منهم ومن خبراتهم .

باعتقادي بان المنتديات الاخرى هي التي في حاجه الى اقلام اعضاء شبكة الزعيم وليس العكس.....

مع تقديري لك..مرة اخرى..وتقبل تحياتي يابعدي.. ;)

هلا بالغانم..ياجعل دربك غانم دوم....

إقتباس - وش ردك على من قال عن نواف بأنه كان يبحث عن عقد في كأس العالم على حساب المنتخب!!

اي منتخب تقصد...!!

إقتباس - هل ترى مستقبل الكرة السعودية مشرقا بعد الدرزن ؟؟

نعم وقد ازداد اشراقا...

إقتباس 3- الى اين يريد ان يصل محترف توقعات؟ طموحاتك وامنياتك؟

الى المبارة النهائيه...

والله شوف الطموحات كبيره..والاماني اكبر...
ولكن يبقى الايمان بالله..كبير..وهو الطريق الموصل لتحقيقها...

إقتباس - رسالة قصيرة الى من توجهها وماذا تقول فيها؟

الى والدي العزيز ووالدتي الكريمه..
واقول فيها: دعائي الخالص اليكما..بان يطيل الله في عمريكما..فبفضل من الله ثم بتوجيهاتكم السديدة...لم اكن اصل الى ماوصلت اليه..من قناعة خاصه لهذه الحياة..ورضى بالقضاء والقدر...فلله الحمد والشكر..والمنه..

إقتباس - انطباعاتك عن بطولة السوبر؟ وهل الهلال مستعد لها الاستعداد الامثل؟

وين تبي تاصل له.......;) ;)

تسلم يالغانم..وانت غانم..انشاء الله باجاباتي...

هلا بالغالي: كايدهم..

إقتباس @ كيف تعرفت على شبكة الزعيم ؟؟

عن طريق خبر بجريدة الرياض...بمناسبة افتتاحها..

إقتباس @ ظاهره تتمنى زوالها ؟؟

هي ضاهرة..اختفت..
ولكنها عادت وبشكل ادق...واشمل...
وهي المعاكسات الانترنتيه....!!

إقتباس رأيك بشركة الاتصالات

تبيع اوهام مع الاحلام...
وكل الشعب تعظيم سلام

إقتباس @ ماهو نصيب المواضيع السياسيه من وقتك ؟

متابع بشغف...ولست محلالا... ;)

مع تقديرلك..ولحرصك وتفاعلك....

سلام الى القلم الرااااااااائع محترف توقعات

سؤالي :-

تخيل معي لو انك واعدت واحد من الشباب انكم تطلعون تتمشون وانت اول مره تطلع معه ويوم ركب معك من اول ماجلس وهو ماغير يمدح في نفسه يقول أنا جذاب أنا وسيم أنا البنات اذا دخلت بالسوق يناظروني أنا البنات يبشكون مع خواتي عشاني أنا مو عشان خواتي أنا أنا أنا أنا ..... الخ من الأنات علما ان شكله زي القرد ( استغفر الله ) والقرد يمكن يطلع املح منه !! وش تسوي انت في هذي اللحظه علما انك مواعده انكم تسهرون الى نص الليل !! ابغا اجابتك اذا كان هذا الشخص اول مره تطلع معه وابغا اجابتك نفس الشي بس اذا صار الشخص تعرفه زين وتمون عليه شوي !! بس الله يخليك ابي اجابتك بكل صراحه وبعيد عن الدبلوماسيه .

أدري اني حست مخك لكن الشكوى لله اسلوبي تحت الصفر .

تحياتي لك

هلا ومرحبا بك ..
..يا محترف التوقعات ..

بصراحه الحق يقال انك مبدع وشخص متألق دائما ,وانا من اشد المعجبين بكتاباتك ومشاركاتك الراااائعه والمحترمه لما تطرحه من فن واحساس ..
وانا أتشرف كثيرا بردك على اسئلتي البسيطه ..

1/ ماهي نظرتك المستقبليه في قضيه العطاله لدى الشباب والبنات ؟؟

2/هل انت من المؤيدين لسياحه الداخليه او الخارجيه ؟مع ذكر السبب ؟

3/عرف كل من /
الفراغ _الامير الانساني سلمان بن عبد العزيز _الموهبه ..

4/سؤال شخصي ماهي الخاطره او شعر كتبته من اشعارك مقرب اليك شخصيا؟

ارجواان لا اكون ثقلت عليك بالاسئله ..

وشكرا ..

..تحياتي لك يا صاحب القلم الراااائع ..

اخوي الغالي: اللهلوب

إقتباس السؤال هو: لو كنتَ طالبا في كلية الحاسب الآلي، و أردت عمل "مشروع تخرٌّج" في الحاسب الآلي ، ماهو المشروع الذي تعتقد بأن مجتمعاتنا بحاجة له ؟! أتمنى معرفة رأيك حتى وإن كان الموضوع لا يندرج ضمن تخصصاتك..

والله اعتقد المشروع...راح يكون<صنع في السعوديه>..
وهو مشروع استثمارى واقتصادي ناجح....


اخوي الغالي: أيــــــمــــــن

هلا فيك يابعدي..واتشرف فيك...

إقتباس تخيل معي لو انك واعدت واحد من الشباب انكم تطلعون تتمشون وانت اول مره تطلع معه ويوم ركب معك من اول ماجلس وهو ماغير يمدح في نفسه يقول أنا جذاب أنا وسيم أنا البنات اذا دخلت بالسوق يناظروني أنا البنات يبشكون مع خواتي عشاني أنا مو عشان خواتي أنا أنا أنا أنا ..... الخ من الأنات علما ان شكله زي القرد ( استغفر الله ) والقرد يمكن يطلع املح منه !! وش تسوي انت في هذي اللحظه علما انك مواعده انكم تسهرون الى نص الليل !! ابغا اجابتك اذا كان هذا الشخص اول مره تطلع معه وابغا اجابتك نفس الشي بس اذا صار الشخص تعرفه زين وتمون عليه شوي !! بس الله يخليك ابي اجابتك بكل صراحه وبعيد عن الدبلوماسيه

الحاله الولى: دام انا ابتلشت فيه.. طبعا راح اكمل اليوم معه..
ولكن راح اتشارك معه في الحديث..وتنبيه عن ذلك بشكل ادبي ودون ان يشعر...لكن بعدها...ما اعتقد راح يشوف وجهى معه...

الحاله الثانيه: اذا كنت اعرفه زين...هذي ما اعتقد راح اعرف شخص بهالمواصفات...لذلك اعتذر عن الاجابه....


الاخت الغاليه: سراب الايام
هلا فيك..وسعيد بمشاركتك....

إقتباس 1/ ماهي نظرتك المستقبليه في قضيه العطاله لدى الشباب والبنات ؟؟

قضيه ايله للسقوط..اكثر....

إقتباس 2/هل انت من المؤيدين لسياحه الداخليه او الخارجيه ؟مع ذكر السبب ؟

انا مع السياحه الداخليه...اذا كان هناك سياحه حقيقيه..ولكن مانشاهده الان..هي سياحه اعلاميه فقط..!!
نحتاج للكثير من الوقت والجهد والى تكاتف المسؤلين القائمين على النهوض بالسياحه الداخليه...
فلكي ان تتخيل بان بلد مثل الامارات مثلا..بامكانك السياحه بها وباقل التكاليف..رغم مصاريف السفر وخلافه....
وعندما ياتي العكس..والمفترض ان يكون الاقل...نجد بان التكاليف الداخليه اكبر..وباضعاف مضاعفه...!!
لذلك...انصح بالسياحه البيتوتيه...وهي الانسب..من لايرغب بهذه او تلك...

إقتباس 3/عرف كل من /

الفراغ: الموت البطىء..!!

الامير سلمان: شريان الرياض.

الموهبه: فن فطري...يجب احتوائها.والتعامل معهابشكل مستمر..حتى لاتطمس معالمها.

إقتباس 4/سؤال شخصي ماهي الخاطره او شعر كتبته من اشعارك مقرب اليك شخصيا؟

هي قصيد شعريه...والسموحه بعدم انزالها كامله...:

طبعا كتبتها قبل عشر سنوات.....

العفو اخت: سراب الايام..وهلا فيك.