الأسطوره ( سول ) أرحل غير مأسوف عليك
 

مساكم الله بالخير

بدخل بالموضوع دوغري ( على قولة اخواننا المصريين )

ياجماعة الخير اللاعب الكوري جاي يتمرن عندنا ويكتسب خبرات فقط ومو جاي عشان يفيد الفريق ابدا

أنا لاحظته اول مباراه كان متعالي شوي ، بس بعدها قام يتحرك ويحاول يثبت نفسه بس للأسف اللاعب من جنبها ولا عنده ماعند جدتي .

انا ماني متحامل على اللاعب بالعكس اول شي قلت يمكن اللاعب متوقف فتره وماعنده لياقه وهي اللي تمنعه من تقديم ماعنده بس بعد كم مباراه صار عندي قناعة ان هاللاعب فقير فنياً .

لاحد يجي ويقول لي ان اللاعب مابعد يتأقلم مع الفريق وماني عارف ايش

اللاعب ماعنده الأساسيات اللي المفترض تكون عند لاعب كرة قدم فضلاً عن أنه يكوون مهاجم .

استلام وتسليم الكره سئ ، المحافظه على الكره معدوم حيث انه من السهل قطع الكره منه ،ولايقدر يحافظ أساساً على كورته ، أضف الى ذلك أن اللاعب مايدل الباب ولايدري وينه ، اول مره اشوف مهاجم تمر عليه اكثر من مباراه حتى ولا يحاول يسدد على المرمى ماغير يدربي راسه بالارض الين تنقطع منه الكوره

والله مااقول هالكلام الا اني محترق على نادي زي الهلال ملايين تصرف عليه وبالنهاية يغيب لاعب او لاعبين ويتأثر الفريق كله بهالشكل يعني يغيب ياسر تغيب الفاعليه الهجوميه لدى الفريق .

واسمحولي لاتجيبون لي طاري العنبر اللي لولا الله ثم دعاء والدته ماطق كوره في نادي كبير زي الهلال .

شبيه الريح او اي أحد كان له يد في هالصفقه نقول له يفداك الف لاعب تراك اجتهدت وماقصرت وليس لكل مجتهد نصيب .

بصراحة اخاف الهلال يتعاقد في الفتره القادمه مع حارس مرمى ، ياعالم الهلال محتاج مهاجم بمعنى الكلمه يكون مع ياسر واذا غاب ياسر يكون مكانه ويشيل الهجوم بنفسه بالاضافه الى مهاجم محلي كدعم للخط اللي الواحد يرتجي يجيب اهداف من خلاله ، ساعات الهلال يلعب بعدم وجود ياسر وتحس انه ماسك اللعب بس لو عطيته اضعاف الوقت اللي يلعب فيه ممكن تظل النتيجه كما هي عليه بدون اهداف !

اعذروني على النقد المباشر بس وربي ماغير حب في الهلال فقط .

أنا مسجل لي فتره بس للأسف لسه جايني التفعيل من كم يوم و مشجع للهلال منذ أكثر من 25 سنه يعني لاحد يقول مندس ومن هالكلام بس عشاني انتقد

تحيتي لجميع العقلاء :)

صح لسسسسسسسسسانك أرحل فلن تفيد الزعيم بمثقال ذرة

خلاص تسبون الاعب وش الفايده الاعب مهب رايح الا بعد ستة اشهر يعني خلاص ما عندكم حل الا تدعمه والا بدال ما يصير سي يصير اكثر من سيء

اما كلامك عن العنبر فأنك لا تعرف شيء عن الكوره يعني الحين مافي طارق جيبتو شي ثاني تقول دعاء امه اقول العنبر على الاقل حسم لك ثلاث بطولات ولا تنسى كالدروين مدرب الاتحاد قال جيبو العنبر بس ابو فيصل قال لا

صح لسانك والله انا معك سيول مايصلح لاعب يصلح من ذولا اللي يلقطون الكور بجنب الملعب وتخب عليه بعد
وشكرااخوي على هالنقد البناء

سلمني ع العقلاء اللي مشكلة ان كانك منهم

اجل لاعب احترف في انجلترا كم سنة وتقول ما عنده اساسيات كورة ؟ :ap:

ابحترم رأيك بشرط تحترم رأيي انك ما عندك اساسيات فهم الكورة :bx:

يا ناس اصبروا ع اللعيبة

صدقتوا نفسكم انكم جمهور لا يرحم

روقونا بس

لاعب يرفض ينفذ ضربة جزاء وش ترجي منه ؟؟؟؟؟؟؟؟؟

طالبينك يافيرجسون ..
خلاص المفروض يشاورونك قبل التعاقد مع اي لاعب
شرط اول مايسجل هدف لنشوفك تناقز هنا وتخليه افضل لاعب ..!!!

الصبر زين

كاسر الهموم ومدمن غرام وفهد العنزي

مشكورين على الردود

أما البقية أقولهم :

كل أناء ينضح بمافيه واتمنى دخول وتعليق العقلاء فقط أما العالم اللي توهم يتفرجون على كوره وكل كلامهم تطبيل كأنهم جالسين بمدرج فوجودهم غير ضروري على الأقل في موضوعي هذا

تحيتي

عيب عليك جالس تتمسخر وتمثلني بواحد كافر مايسوى وطية رجولي ولارجولك بعد

على الأقل ناقشني في نقدي بأدب اذا عندك اعتراض وخل عنك أسلوب الأطفال هذا

الله يصلحك ياأبني :)