راعـي التسعــاوي نـاوي عـلى كوزميـن وويليهامسون.. هو اللي بيـسفرهم
حيــــــــاكم
خخخخخخخخخخخخ
والله عندنا ناس رهيبين من جد 
عليهم اسلووووووووب 
تحس ابوالشباب هو الـ BOSS الكبير ومسوّي أزحف واحد 
تلقاه متكي في الاستراحة هو الشباب وسمعهم يسولفون ويقولون :
ياخي ذا الكمخه ويلهامسون مدري وش في راس امّه ليش ما يقلب وجهه ويروح ياكل نقانق هناك بديرته عاد يجيك خوينا الـ BOSS مدرعم ويتواسى من قعدته ويقول :
بس كذا ؟؟ ماطلبتوا شي يا سنايدي... وين اللاب توب وياخذ اللاب توب ويدخل منتدى الزعيم وبدون تفكير يضغط ( موضوع جديد )
ويصكنا بذاك العنوان
هيــه يابن مساعد ... انت يبوووو ... تراك هقّيتنا مع ذا الكمخه قسم بالله اسلوب واحد منسدح في ابوهيثم وينادي الهندي حق الجمر وعاد خذ ياموضوووووع انواع المطرسة والكلمات اللي تذكرنا بشارع الوزير منوّل من يذكرهم اذا صاروا متكّين قدّام الكابرس التسعاوي 
لا والمصيبة تلقاه كل كلمه والثانيه ( ياحسافة الفلوس والخمسين مليون ) اللي يسمعه يقول حرام لاتلومونه تراه دافع نصّها
واذا خلص ونزّل الموضوع إلتفت على الشباب وهو فاق الكشره 
خلاص ماعليكم بكرى تشوفونه يقرشع لديرته يجيك واحد ثاني يقول له :
ياخي ليتك بعد قلت له يشوف لنا حل مع ذا الهدر كوزمين هو وبلعومه ماغير يصارخ وهو مافي راس أمّه الـ BOSS :
ماطلبت شي يا ذيبان الحين اوريك فيه.. عطني زقارة بس تكفى 
ويرجع ابو الزحفان كلّه ويسجل دخول للمنتدى
ويضرب له ذاك العنوان :
كوزمين يالـ كابون ... والله انّك من جنبها وبقوووه ويالله... دوووس طووول الليل
هات ياموضوع ... و رد ياموضوع ولا يهون اللي يجيك كانس وصافط الطبلون
وعــــــــاجل جدا بسررررعة خبر طاااااازج تدخل موضوعه وانت مرتبش وركبك يتصافقن تلقاه يستخف دمّه :
بعرصي تزوج فيل وش جابوا جابوا فيل يمشي على الجدار ههههههههههههه يالله ردودكم يازعماء 
والمساكين هلالي ثنياني وهلالي توب وشاكر والقحماني وباقي الشباب عيونهم تنفّصت من الحذف والانذارات هههههههههههههه ياجماعة والله العظيم شي يجيب الضغط
الى متى طيب ؟؟
متى نشوف المنتدى يتخلص من مواضيع ابو سطر وسطرين ؟؟
هاللي كنّها سرى ابو رفسه متى نتخلص من العناوين المثيره والمخالفة لمحتوى الموضوع ؟؟
متى نتخلص من المواضيع اللي مالها دخل في الكورة ولا الهلال ؟؟
ترى على فكره
مو شرط اننا نكتب بالعربيه الفصحى ونقدّم اطروحة جامعية 
لا لا ابدا
نكتب بالعامية وباللهجة البسيطة والمحببة لكن نكتب شي ينفع... ويفيد... ويحترم العقول
وقبل أي شي
نكتب شي يدل على حبّنا للهلال 
.
.
قبل الختام
مشهد رائع ... رائع جدا في مدرجات الدرجة الثانية بعد مباراة الهلال والشباب
مشهد لا نراه الا في الملاعب الاوروبيه
عند مغادرة اللاعبين ارض الملعب بعد نهاية المباراة وخسارة ركلات الترجيح
وقف الجمهور وقابلهم بعاصفة مدوية من التصفيق
فبادله اللاعبون التحية في مشهد اكاد اجزم أنّه لايتكرر الا نادرا
الوضع المتطور
