نادي الهلال السعودي - شبكة الزعيم - الموقع الرسمي - تستاهلون الهزيمه يامن تقولون نحب الزعيم ....ولن تحققوا لقب الدوري

((تستـــــــاهلون الهزيمه ولاتطالبون النادي بأي بطوله ))

اذا كانت الادراه بجميع رجالاتها والجهاز الفني والاداري واللاعبين ماقصروا بشي لاتطالبون بأي بطوله وأنتم .....السبب

بعرض بعض النقاط...

1- من افضل اداره نادي لهذا الموسم كأداره احترافيه بحته
في جميع امورها واداره ماديه واداره تعشق ناديها واداره
رجالاتها ليسوا بحاجه ان يدخلوا المجال الرياضي ليعرفوا
بأنفسهم او بالعاميه( داخلين المجال عشان يترزرزون قدام
والا ناقصتهم شهره يبون يصورون مشاهير) واداره تحمي
كيانها من جميع الامور التي توجه اليها امور ؟

2- من اكثر لاعبين في المنتخب لهذا الموسم ؟

3- من اغلى صفقات لهذا الموسم ؟

4- من النادي اللي جلب محترفين على اعلى مستوى من دول
معروفه بثقافتها الكرويه ؟

5- من اكثر نادي انظلم في هذا الموسم في امور كثيره من
من صفقات وايقافات وتحكيم وغيرها ؟

:fd: (((هــــذا سؤالــي الاهــــم والمهـــــــــم )))

:fd: من هو النادي الذي يلعب على ارضه وبين كراسيه ؟

تقدرون تجاوبوني اكيد عارفين ياللي تقولون اننا نحب فريقنا
اكيد الاجابه على هالاسئله كلها ::: ((الهــــــــلال))

ياللي تتدعون الزعامه وتقولون احنا نبي مصلحتك فريقنا وحنا نحب الهلال وحنا نموت في الهلال ونعشق الهلال انا اتوقع اللي تقصدونه الهلال السوداني لاني لو اعرف ان واحد منكم فيه حب وعشق وخوف على الهلال ويبي البطولات كلها نأخذها كان ماجلس في بيتهم وطالع المباراة وقال انا اخاف وانا احب وانا ابي مصلحة النادي ونبي هالاعب الفلاني ونبي ونبي ونبي ونبي وهو جالس في البيت كل ماعليه اما ان يتكلم في المجلس حقه والا حق غيره وينتقد الناس اللي قاعده تتعب وتسهر وطول الايام شايلين هم انهم يرضونك واخرتها عشان ايش عشان تجلس وتتابع المباراة في البيت يااخي انت ياللي تتدعي انك تحب الزعيم ماسألت نفسك وش قدمت لناديك اللي تحبه صدقيني الهلال مو في حاجت فلوسك والا دعمك انت اللي يبغاه منك الزعيم حضورك في الملعب وهذا هو الشي الوحيد اللي تقدر تقدمه ياللي تقول انك تشجع الهلال اذا هو الشي اللي تقدر تقدمه ولا قدمته اجل لو طالبين منك دعم والا انك تسهر في النادي عشان تخاطب النادي الفلاني عشان التعاقد مع لاعب والا انك تسافر تدور لاعب والا انك غيره وغيره وغيره الـــخ... من امور يقوم فيها القائمين على هذا الكيان الكبير من الرئيس الامير/عبدالرحمن بن مساعد الى السكرتي اللي عند بوابة النادي ..... قلي وش قدمت ؟ والا بس شاطرين في ليش جبتوا فلان فلا مايعرف يلعب فلان سوا واشاعات مالها اول ولا اخر في هالمنتديات ... وتبغون بطولات وتبغون تفوزون في كل مباراة وتبغون وتبغون؛؛؛ زي ماتبغون النادي يبغى التعب اللي قاعد يصير من اداره من لا عبين من اعضاء شرف من موظفين النادي عشان مين ؟ اسألوا انفسكم عشان مين ؟
لاتتطالبون الندي من الرئيس الامير/عبدالرحمن بن مساعد الى اخر لاعب في النادي بأي بطوله اذا كنتم كذا والله شي يقهر اللي قاعد يصير تتمصخرون على نادي الشباب وجمهوركم كلهم ثلاث اشخاص وماادري ايش وطلعتوا نفس الحكايه يعني الشباب اكثر مثال قدام عينكم من اقوى الانديه ومن اكثر الانديه انتاج للاعبين الصاعدين على مستوى وخمسه اساسيه في المنتخب من لاعبينه ومع ذلك بطولاته قليله ليش لاني مافيه جمهور تخيل انك تتعب تتعب وماتلقى احد يصفقلك وتجيب هدف وماتلقى احد يصفقلك وغيرك يسحب سحبه بلاعب يسمع تصفيق يهز الملعب انا ماادري ليش تطالبون الندادي بطولات وانتم ماتحضرون يفوز الفريق يفرح مين الكراسي والا الكراسي بتصفق لياسر والا العنبر والا ويلي والا غيره من الاعبين والله حرااام اللي قاعد يصير في الملعب منكم ياللي تدعون الزعامه والله تمنيت ان الكراسي تتكلم وتصفق لانها زرقاء وحاضره كل مباراة يعني افضل منكم اذا انت زعيمي هلالي ليش ماتحضر... اقسم بالله اقسم بالله لونادي الشباب له جمهور يمكن تكون بطولاته اكثر من الهلال يعني الموسم كم باقي عليه ؟ والله قهر ياناس والله اللي قاعد يصير شي مو طبيعي ليش ماتشكرون الاميرواللاعبين والجهاز الفني والاداري وكل القائمين على هذا الكيان الكبير بحضوركم في الملعب قاعدين يتعبون لمين هم مو عشانكم ليش ماتشكرونهم حضورك في الملعب يعتبرشكر يعتبراحترام وتقدير للمجهود اللي قاعدين يقدمونه لكم_ هالرجال ليش ماتتحسسونهم انهم مو قاعدين يتعبون عبث ليش؟؟؟؟؟؟ هل ترضى ان الرئيس يقول بعد هزيمه ليش اتعب نفسي على غير فائده والا اتعب نفسي واسهر عشان مين؟ والا ياسر يقولها والا الدعيع والا غيرهم من اللاعبين ترضى ؟
انا ماراح الومهم لو سووها لان فعلا مافيه احد في المدرجات علشان يرضونه ...
اتمنى ان :alzaeem: يحقق جميع البطولات الباقيه بأذن الله مو عشانكم ياللي تقولون احنا هلاليه بالاسم بس وبالمنتديات وبالانتقادات وبالتجريح وبالسب في اللاعبين لا...

اتمنى انه يأخذها علشان الناس اللي قاعده تتعب الناس اللي قاعده تسهر الناس اللي قاعده تشتري وتتعاقد مع هذا وتدور على اللاعب هذا وتعطي راتب هذا وتصلح جواز هذا وتحجز لهذا وغيره جميع العاملين في النادي من الرئيس صاحب السمو الملكي الامير/عبدالرحمن بن مساعد الله يحفظه ويعطيه على قد نيته واخلاصه لهذا الكيان الى اخر موظف في النادي وعشان الناس اللي قاعده تحضر وتشجع وتحب من كل قلبها وتقدر وتشكر التعب اللي قاعد يصير عشانهم وتقدم اللي هي تقدر عليه اللي هو حضورها في الملعب وتشجعيها لناديها الكبير والعريق ((( نادي الهلال)))

بأختصار علشان(( الهلالي:smilie47: الحقيقي))

اتمنى اني اكون ماطولت عليكم بس سامحوني من شي شاهده بعنيني وضيق صدري:cry::cry::cry::cry::cry::cry::cry::cry::cry::cry::cry::cry::cry::confusedw::confusedw::confused w::confusedw::confusedw::no::no::no::no::no::no::cry::cry::cry::cry::cry::cry::cry::cry::cry:

:smilie47: احب الزعيم :smilie47:ياناس لاتلوموني:smilie47: