السلام عليكم ورحمة الله وبركاته

كيفكم يازعماء

أنا من زمان وأنا أراهن على اللاعب ويلي وأول ما جاء للزعيم وأنا أقول هو مستقبل الزعيم القادم وهو.... إلخ


هذا كلام بعض الأعضاء اللي يحبون الهياط والكذب<<<<<<<<<<<<<< أعذروني على كلمة الكذب لكن وش أسوي هي الحقيقة


يجي يقول أنا كنت أراهن على اللاعب وأنا من زمان أقولكم ويلي لاعب تكتيكي

وهو أصلاً كان يقول والله لو يجي أخوي الصغير ويلعب والله ان يكون أحسن منه

يعني للهدرجة صار الحلف عند بعضهم زي السلام عليكم


ياناس أرحمو عقولنا شوي


أنا توني داخل على أحد المواضيع اللي تمجد اللاعب ويلي ووجدت واحد من الاعضاء يقول نفس الكلام أنا كنت أراهن عليه.......إلخ


وهو والله العضيم انه كان في أحد المواضيع اللي قبل كان أحد الأعضاء كاتب موضوع وش رايكم بمستوى ويلي في المباراة

قال العضو هذا أخوي الصغير لو يجي ويلعب بداله كان صار أحسن منه

يعني ياشباب وش المانع من انك تقول والله أنا كنت غير مقتنع باللاعب لكن الحين تغيرت نظرتي له

يعني لازم الهياط ولازم تقول كنت أراهن عليه يعني بتعلمنا انك فاهم كوره والله الكوره يمين وأنت شمال

وأنا اللي بصير مدرب الهلال القادم على كلامك هذا اللي يشوفك يقول خلاص مدرب على الكلام اللي جالس تكتبه

وماشاء الله فيه بعض الأعضاء عنده نظريه والنظريه هي:


أنا أعرف اللاعب يعرف يلعب ولالا من خلال مشيته والله فيه بمنتدى الزعيم نيوتنون (ون) الواو والنون للجمع يعني جمع كلمة نيوتن


وخلونا واقعيين أول ماجاء ويلي كان لعبه أقل من عادي وكان في مباراة النصر أول مباراة يلعبها على ماأذكر وكانت كل تمريراته خطأ

ما عدا تمريته لياسر اللي جا منها الهدف الثاني ( الكوبري بالخوجلي )


يعني بلاش نشوف نظريات نيوتن اللي مدري وش تبي من بعض الأعضاء وأرحمو عقولنا شوي


وش فيها لو قلت والله اللاعب أول ماجاء لعبه مش ولابد لكن الحين ماشاء الله إبداع

وفيه بعض الأعضاء من بوم جاء ويلي وهم يقولو اصبرو عليه شوي

وفيه بعضهم يقول والله لعبه ماعليه فيه شوي من المهارة لكن يبيله وقت

وفيه ناس يتصفون بصفة الهياط وهم اللي يقولو من أول مره يلعب اللاعب يحكم عليه بالفشل بعدين بعد كم مباراة يلعبها

ويبدع يجيك نفس العضو اللي حكم عليه بالفشل يقول والله أن كنت أراهن عليه من أول ماجاء

وين على مين هذي والله لو هو أخوي الصغير كان ماصدق<<<<<<<<<<<< حلوه أخوي الصغير وحده بوحده

المهم هذا ماحبيت أقوله في موضوعي هذا فإن كان من صواب فمن الله وإن كان من خطأ فمن نفسي والشيطان


والـــــســــــلاام مـــــســــك الــــخــــتــــام