|
ارجو من كل الهلاليين الصريحين الصادقين المحبين للنادي الدخول بسم الله الرحمن الرحيم السلام عليكم يااحباب اريد ان ادخل بالموضوع بلا مقدمات ولا رتوش اذا كنا نطمح بالاسيويه يجب تغيير امور كثيره يااخوان انا اقلكم ليه الهلال كم لاعب بالمنتخب الان خمسه الزوري هوساوي المرشدي الفريدي ياسر طيب الشباب وليد عبدالله احمد عطيف عبده عطيف الشمراني شهيل خمسه مثلنا طب اجانبهم كلهم انواع الدمار يعني حنا غايب مننا خمسه وهم خمسه بالمنتخب اذا لابد الاربع اجانب يعملون الفرق بصراحه من يقول ويلي لاعب تكتيكي يضحك على نفسه شباب ماابي احد يزعل نبغ نتناقش طيب اللي يقول انا غلطان ويلي لاعب تكتيكي اقله طيب حلو بس ياخوي معقول مافي لاعب اجنبي اخر تكتيكي افضل منه الدنيا مليانه نبي لاعب بداله حتى لو كان انتم مقتنعين فيه نبي افضل منه ياشباب والكوري سول لابد يتغير يااخوان امس لعبنا ناقصين خمسه والشباب ناقص خمسه وخرجنا مهزومين المفروض الاجانب يعملون الفارق وبالرغم من ان اجانب الشباب انواع الدمار فازوا اذا تبون اسيويه غيرو ويلي و سول رادوي ممتاز التائب الف علامه استفهام ماندري هل هو مصاب او فيه مشاكل لو هو مصاب غيروه واذ مشاكل غيروه نبي لاعب جاهز وياسمو الامير عبدالرحمن يوم تقول عندنا فريقين وين الفريق الثاني بالله عليك ارجو من الاخوان حتى من لايتفق معي ان يرد بمايخدم النادي فقط نبي الفايده فقط والسلام عليكم |
انا معك في سول لو ان الوقت فات مالنا الا الوقوف معهم ودعمهم لاكن السؤال وين روح الهلال اذا حضرت الروح فزنا بأشباه اللاعبين فما بالك بلاعبين مثل التايب وولي ورادوي وعزيز وياسر والدعيع |
عشان انهزمو مباره قلت الفريق كله فاشل اخوي ولي افضل لاعب في الهلال الان واتحداك فيه لاعب في السعوديه نفس او نصف مستوى ولي اقوووووووووول روح نام ال الفريق فاشل ال |
انا اتفق معك في كل شي الا مسالة ولي ولي افضل محترف موجود في الهلال الى الان بعد التايب تقبل مروري |
الفايده سلمك الله , أنك ماتناظر المبارة بمجمل إلأهداف فقط لاغير ؟ ويلي سلمك الله يقوم بأدوار يمكن إنت تجهلها عشان كذا تطآلب بـ تبديله بمحترف أخر سيول . أتفق معك أنه لم يقدم ألمأمول منه ولاكن , مالنا إلا الصبر كمآ قال الامير عبدالرحمن بن مساعد هذولا الاجانب هم ( وقودنا ومحاربيننا ) بالفترة المقبله , اذا إنت يهمك مصلحة الهلال أفعل الي تقدر عليه انت . وأحظر مباريات :) والرئيس قالهااااا ( جلبنا لاعبين بـ قدر أمكآنياتنااااااااااااااا ) < ترى الرجال مآجلس على بنك الله يصبر الهلال وأدارة الهلال على بعض ألأعضاء دتم بود |
هييييييييييه سلامات ويلي افضل لاعب في الهلال |
اخوي جداوي لا مجال للتغيير لان ليس هناك فترة تسجيل ليس امامنا الا الصبر واعطائهم الثقه شكرا لك ولوجهة نظرك |
مدري وشلون يفكر هالشعب .. ! خلاص عشان أنهزموا صار الفريق مايسوى .. ! كلنا نتفق معك سيول ما ظهر بأي مستوى .. طيب ويلي مهب عاجبك .. !؟ إجل مع كآمل إحترآمي لك ماتفهم كورهـ دام ويلهامسون مهب عاجبك .. يعني لازم يجيبون لك كريستيانو عشان يعجبك .. !؟ أو تدري .. رح قل لعبدرحمن بن مساعد يقعد في بيتهم وصر أنت الرئيس .. وجب لاعبين على كيفك .. |
ـأعتقــد من المفروض اعادة النظر في سيــول .. لكن اختــلف معكـ بالنسبــه لولي والتأيب ... ياخي التأيب لو يدخل خمسـ دقايق يصنع هدف محــقق وأمــا وٍلــي فــهوٍ لاعب من طرـأز مميــز يأخي اللاعب طوال 120 دقيـقه وهــو يجوٍل في الملعــب .. اتقـبل وجهــة نظركـ لكن اتمنىآ ان تراجــع نفسكـ قبل ان تكتــب موضوع متل هذـا الموضوع ... |
مع احترامي الشديد لك انت ماتفهم في الكورة اذا انك تقول ويلي مب لاعب تكتيكي ياحبيبي ويلي حارث الارض حرث نشوفة في الوسط والهجوم والدفاع مابقى الا الحراسة ماشالله تبارك الله بعدين امس الهلال كان يلعن ضد الشباب والجروان |
للامانه ويلي امس ما قصر ضرب الجزاء حظ يغيرو ايش فترة التسجل انتهت هاذولي على قلبك الى نهاية الموسم والتائب مصاب يرجع في مباره الوطني |
أشكرك أخوي ع الموضوع الهادف و أشكر لك حرصك ع عشقنا الآزلي لكني أختلف معك في عدة أمور نجاح اللاعب سييول من عدمه ليست مسؤلية الإدارة فالإدارة أجتهدت و أحضرت اللاعب لما لديه من سجل ممتاز و كلي يقين من نجاح اللاعب في الفترة المقبلة و في حالة عدم نجاحة لا سمح الله فلن تقوم الإدارة بتمديد فترة إعارته التي تنتهي بعد 6 شهور وإحضار مهاجم أسيوي بديلا له أما بخصوص اللاعب ويلي أخالفك بكلامك جملة و تفصيلا ولك خالص الإحترام والتقدير فاللاعب ناجح في تطبيق خطط المدرب ولقي الإطراء أكثر من مرة وبشكل ملفت للنظر أكثر من جميع زملائة اللاعبين كما إنه أكثر اللاعبين حركة داخل الملعب وتحسب له التغطية الدفاعية بجوار نامي حتى بدأنا ننسى ضعف الجهة اليمنى أما بما يخص اللاعب طارق التائب والعلم عند الله أتوقع إنهاء عقدة قريبا و تحديدا بعد 6 شهور مع بداية فترة التسجيل الثانية ليحل تياغو نيفيز بديلا له اللاعب رادوي لا يختلف علية أثنان ولكن السؤال المهم أين روح الشلهوب والعنبر و عزيز عن لقاء البارحة ؟؟؟؟؟؟ |
ياخي احنا نفوز من دون مستوى وهذا البلى مره ما نفوز بمستوى واتحدى اي واحد من اللي في المنتدى يجيب مباراه فاز االهلال فيها بمستوى اذا جبنا هدف بدايه الشوط اعرف ان المباراه بتطلع بايخه لان كوزمين بيقفل واتمنى من اداره عبدالرحمن بن مساعد ان تزرع الروح والحماس في المباريات المقبله لان لو تخسر مباراه وحده من المباريات المقلبه خسرت بطوله والله يوفق الهلال في جميع المباريات |
خلااص يابطل خلص وقت التسجيل وسيول طاح بالراس وأمس ترى ماخسرك الا الاستهتار واللامبالاة |
ويلي ما تبيه ؟؟؟؟ وطارق تضع أمامة ألف علامة إستفهام ؟؟؟؟؟ اقول كيف الحال ؟ ويلي الذي جنن الشبابية وهاتك عمليات الضرب ... تقول ما سوى شيء ؟؟ عن جد كيف الحال |
اول شيء اشكرك على فتح مثل هذي المواضيع لكن انت تقول نبغى واحد افضل من ويلي ويلي لعبه افضل من رائع واذا جبنا واحد افضل تبي تقول نبغى واح افضل وهذي مشكله لكن بالنسبة لسيول انا من رايي اذا كان بيبقى على هذا المستوى فانا اقول نسلم عليه قبل لا يمشي لانه لاعب صراحه ما عنده اي مهاره ولاعب ثقيل وبارد وبطيء اما بالنسبة لمباراة امس كان الاستحواذ من نصيبنا لكن بالحظ وبركلة جزاء غير صحيحة اتى الهدف لكن محمد الدعيع على طول خبرته لكن ما عنده مهاره في صد البلنتيات لكن محمد خوجه والله انه محظوظ ودباشة بلاعبينا اكثر ضرباتهم يمين الحارس وكل الي صد خوجه يمينه |
إقتباس:
يالحبيب اقرا الموضوع زين عطني سطر واحد كتبت فيه الفريق فاشل بعض الاعضاء يقرا موضوع ويرد في موضوع ثاني |
اسمح لي يااخوي ولي نسانا التايب والله لاعب يحرق الملعب واقولك احكم على سول بعد 5 مباريات الى 10 مباريات واقولك شكل الكورة من هنا وانت منها |
اخوي انا البارح جالس اشوف المباراه و حولي جمهور من الاتحاد و الاهلي و النصر و الاتفاق كلهم حاسدينك على ويلي و كلهم متخوفين من هذا اللاعب و من نشاطه داخل الملعب و الحيويه الموجوده و تغطيته لجميع ارجاء الملعب بس اللي حصل البارح ان ويلي تعرض لجميع انواع العنف لا يطلع واحد يقول لعب رجولي وين لعب رجولي و انت تضرب بالقدم و من بعدها ضربه خطافية على الوجه اتمنى الجميع يرا هذي اللقطه اللي داخل 18 صراحة امس اشفقت على هذا اللاعب و اتمنى من الجميع الوقوف معه ، وانا عن نفسي يفداك البلنتي يا ويلي اديت و وفيت |
الهلال أفضل من الشباب بكثيــــــــــــــــــر ولكن الاسباب الخساره 1_الحظ 2_الحكم 3_نقص الجمهههههههور 4_غياب الاجنبي الرابع (التائـــــــــــــــــــــــــب) والزعيم قدم مبارة جيده بنسبه للغيا ب والنقص والهزيمه بضربات الجزاء مشكوررررررررررر على الموضوع |
إقتباس:
مين قال الفريق مايسوى اعد قراءه الموضوع لاتقولوني مالم اقل وبخصوص ويلي ياناس فيه افضل منه كثييييييير وسول لاتعليق والتايب مدري بيستمر ولالا يعني ثلاث اجانب يبغالنا اما رادوي فهو فنان |
أخوي مع أحترامي لك ودي يقفلون المنتدى بعد كل مباراة ننهزم فيها عشان ما نشوف زي كذ مواضيع !!! يعني اذا تقول ويلي مو لاعب أجل من في نظرك الاعب ؟؟؟ الله يستر اذا تفكير جمهورنا كذا بعد كل بطوله نطلع منها !!!!!! |
إقتباس:
تتالم لما احد يجحد جهدك وتعبك ولا بتقول قدر الله وماشاء فعل تحياتي ويلي هو الي امس فقط يلعب مع احترامي s13s |
إقتباس:
|
شكرا لك على حماسك الصادق لكن لييش ما نكون إيجابيين خاصة في هذا الوقت من خلال الدعم والموءازة خير لنا من النقد وتقبل مروري |
حبيبي باين عليك ما شفت المباراه ههههههههههههههههههههههههه قال ويلي |
هذا جمهور الزعيم اذا انهزم الفريق قالو كله من هذا الاعب او الفريق فاشل :yes: |
عشان انهزمو مباره قلت الفريق كله فاشل اخوي ولي افضل لاعب في الهلال الان |
الهلال عنده غياابات للاصابات بالاضافه للدوليين المتواجدين مع المنتخب بعكس الشباب فريق كامل لا اصابات ويغيب عنه الدوليين فقط يعني عندك ..طارق التيب.. ..احمد الصويلح.. ..عبدالعزيز الدوسري.. ..عمر الغامدي.. ..عبداللطيف لغنام لاعبي مؤثرين جدا ويغيبون للاصابه بالاضافه الى فهد المفرج ..و.. عبدالعزيز الخثران راجعين من اصابه واول مباراة يلعبونها بعد انقطاع طويل جدا // \\ // وبعدين وليهامسون ..لاعب ممتاز ولاعب تكتيكي ومهارات عاليه ونصف اهداف الدوري صانعها ومتسبب فيها بالعكس هو لاعب مهم في الخارطه الهلاليه اما سيول يجب الصبر عليه مع تحفظي على مستواه في مباراة الامس .. .. .. |
يااخوي انا معاك سيول مو لاعب جيد لاكن ويلي لاعب تكتيكي وطارق مصاب واحتمال يرجع في كاس ولي العهد اتمنى تقبل مروري .. |
رد المشاركة مساء الخير اخوي الفاضل اولاً بالنسبة لسيول يمكن اللاعب ثقيل في الحركة بس تحركه بالكورة مدروس يمكن نادر ما تكون كوراته مقطوعه وعرضياته ممتازة ولدي الدليل اخر كورة مررها للعنبر ولكن مرت بجور القائم الايس للحارس لو تسجلت قلتوا اللاعب قلته المهم اللاعب يحتاج وقت وراح تصفقون له في القريب العاجل . ثانياً بالنسبة لويلي هامسون فهذا اللاعب شهادتي فية مجروحه لاعب تكتيكي من الدرجة الاول يجيد الادوار الهجومية والدفاعية في اناء واحد ويكفي العرضية اللي كانت رايحه لكماتشو كيف غطاها قبل الظهير النايم نامي وهو الان افضل لاعب اجنبي حالياً في الهلال بعد التايب ووجوده مهم لخراطه الفريق وتكتيك المدرب بصراحه معاد حسينا بضعف هذه الجهه بعد أن لاعب في هذه الخانه ثالثاُ بالنسبة لطارق التايب ما يختلف عله اثنين لاعب كبير جداً متى ما حضر حضر بريق الهلال الهجومي ويكيفي نص اهداف العنبر هو اللي صنعها وغيره من اللاعبين ولا يمكن الاستغناء عنه ابدأ فهو روح الجمهور الهلالي متى ما حضر حضر الجمهور معه وهذا يكفي وبطولات العام الماضي شاهده على ذلك . اسف على الاطاله وهاذي وجهه نظري يالحبيب . |
والله شيء غريب جدا !!ّّ الحين عندك ويلي لاعب سيء في مباراة الأمس مع انه نجم المباراة الأول ! بجد بعض الجماهير لهم آراء غريبة وغير منطقية وكأنهم ماشافوا المباراة أبدا ! ويلي أمس قدم كل شيء ساند الهجوم وساند الدفاع وتحرك يمين وشمال وضربوا فيه بيديهم ورجليهم ويلي قدم فواصل مهارية ومراوغات لأكثر من لاعب في بعض الأوقات وبحركات حلوة وممتعة حتى المعلق ناصر الأحمد كان يلمح لسوء مستوى ويلي قبل مباراتنا ضد النصر لكن في أثناء المباراة اعترف بأنه قدم مستوى جيد وأمس قال عنه أكثر لاعب تحرك يعني ويلي بمستواه وحماسه وإخلاصه للهلال أجبر الأحمد انه يغير رأيه ويمتدحه أتوقع أي شخص بيشوف انتقادك لويلي في مباراة الأمس راح يقول الأخ ماشاف المباراة ! |
إقتباس:
ياخوي ترا مو كل هالمواضيع يكتبها هلاليين فيه جماهير من الأندية المنافسة تحاول تحرض الجماهير على نجوم الهلال والا فيه شخص يفهم كورة يقول عن مستوى ويلي أمس انه سيء !! وإذا عرف السبب بطل العجب .. والسبب انهم حاقدين على الهلال ونجومه ومشكلتهم مفكرين ان الإدارة الهلالية غبية وبتاخذ بهالآراء الحاقدة على نجومنا ماأدري يمكن ما تابعوا حوارات الأمير عبدالرحمن والأمير نواف واللي دلت على ذكاءهم وحكمتهم لكن الحمدلله نادينا تقوده إدارة حكيمة ومخلصة تفرق بين النقد البناء وبين الآراء الطائشة أو الحاقدة |
ما ناقصنا الا انت :s انت تحكم على ويلي شكلك ما شفت المباريات الاخيره لويلي [ النصر + الأهلي + الشباب ] اما سول :( الله يخلف علينا بس |
ياحبيبي صعب تلقى فريق ماينهزم .... تبي فوز على طول ... مايصير ... هاردلك ... والاعبين اللي ذكرت ... راح يجي يوم تصفق لهم ... |
انا اتفق معك في كل شي الا مسالة ولي ولي افضل محترف موجود في الهلال الى الان بعد التايب تقبل مروري |
| الوقت المعتمد في المنتدى بتوقيت جرينتش +3.
الوقت الان » 02:34 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd