اقسم بالله ان من يضع الجمهور ( جمهور الرياض ) شماعة الخسارة انه انسان مدري وش اقول ..!!!
ياناس حضرنا ونحضر .. و سنحضر باذن الله ..
ولكن ..
وشتبوني اسوي .. امسك جيراني و زملائي ..واطقهم علشان يحضرون ..
اجرجر اللي عندهم امتحانات يحضرون ؟
اقول لهم امشوا ترى الشرطي مهوب قايل لك شي ..
و أقوله ترى الحكم حبوب و عادل جدا ..
و ترى تقدر تدخل بالشال و لو تبغى بطانية .. ويمكن يصرفون لكم داخل الملعب ..!!
و ترى على سلم الهرم الرياضي انسان رائع بمعنى الكلمة .. ولا تخاف انت من الجمهور ماراح يتصل عليك احد .. ويقول ابربيك .. ( وبعدين .. يقول عطني اللي جنبك ) ..

يا اخي الكريم .. يامن تضعنا شماعة للهزيمة ..
في الرياض المباريات اغلبها وسط الاسبوع ..
في الرياض الكثير مرتبط بدوامين .. و الكثير ايضا ماعنده قيمة التذكرة ..
في الرياض اكبر جامعتين ومئات الثانويات .. وكل ذولا عندهم امتحانات ..
في الرياض ملعبين .. واحد بقلع ودران .. اللي لعبوا فيه اليوم .. وملعب بوسط الرياض .. ابغى افهم ليش يخلوننا نضرب مشوار لهناك ؟ علشان الرومانيين يدرون ان عندنا استاد الملك فهد ؟؟ ونقعد نجخ فيه ؟
بعدين انا ابسألك سؤال صريح .. واتمنى اجابة صريحة ..
هل تضعنا سببا للفوز لو فاز الهلال .. والا بعد تقول ( الجمهور حضوره متوسط ) !!
يا اخي ابغى اسألك سؤال ثاني ..لو ان فريق الناشئين او الشباب حق الهلال لعب مباراة بغير مدينة الرياض بتحضرونها يا معشر جماهير غير الرياض .. ؟
فقط سؤال واتمنى الاجابة .. بكل صراحة ..

ثم يامن تقولون ان الادارة فعلت وفعلت ..
اسألك سؤال .. واتمنى ان لاينزعج احد منه ..
لماذا في اعتقادك يريد الانسان ان يكون على رأس هرم مملكة الهلال؟
دعونا من المجاملات .. ولنضع النقاط على الحروف ..
من يخدم الاخر ؟ الهلال الكيان ام الادارة .. مع احترامي لكل من ترأس مجلس الادارة .. وكل اعضاءها ..
زمن شيخ القبيلة ولى ..
وعلى الادارة ان تتعامل مع الوضع كما هو .. لا كما تحب هي ان تكون ..
اليس هذا هو الذكاء الاجتماعي ..
اننا كثيرا مانخلط الاوراق ..
ولكن يبقى الحبر ازرقا ..
........
قبل الختام ..
لست متشائما ..
ولكن لا اتوقع ان يحقق الهلال اي بطولة هذا العام في ظل هذا الاتحاد المهترئ .. و القوانين و الانظمة المفصلة ..
لخدمة الاصفرين ..
اذا اردنا ان نظفر ببطولة .. فان اول سبيل لتحقيقها هو ابعاد سلطان الرياضة .. وسمو نائبه صاحب الوسادة .. التي يبكي عليها ..
اعنبوا شيطانك اذا انت تصيح على الوسادة .. فحنا وش نسوي ؟؟

تحياتي لكل من ينتسب اللى مملكة المارد الازرق ..

والله كلامك سليم

اني ابي يضمنون لي حقي وكرامتي
والله لاكون اول الحاضرين في كل مباراة

إقتباس الرسالة الأصلية كتبت بواسطة ..سهم ياسر.. والله كلامك سليم اني ابي يضمنون لي حقي وكرامتي والله لاكون اول الحاضرين في كل مباراة

من يضمن لك يا اخوي سهم ياسر ؟؟
هذا كلام مرفوض مرفوض مرفوض ..
احضر المباراة .. و خل كرامتك تنداس ..لكي يرضى عنك جماهير المناطق الاخرى ..
تحيتي لك

قريت الموضوع بس ومن القهر اللي جابه لي سيول ما لااح احضر ولا مباراة للهلال الا اذا شفته في الاحتياط

إقتباس الرسالة الأصلية كتبت بواسطة عبدالعزيز الخرعان قريت الموضوع بس ومن القهر اللي جابه لي سيول ما لااح احضر ولا مباراة للهلال الا اذا شفته في الاحتياط

عط الحر فرصة وانا اخوك ..
وش نسوي خشمك خشمك لو هو عوج ..

بيض الله وجهك أخوي على الطرح

ولــيتنا نفتك شوي من سالفة الجمهور ونشوف الاهم ..

تقبل مروري

∂ƒαнα

إقتباس الرسالة الأصلية كتبت بواسطة F.C.H بيض الله وجهك أخوي على الطرح ولــيتنا نفتك شوي من سالفة الجمهور ونشوف الاهم .. تقبل مروري ∂ƒαнα

و وجهك ابيض طال عمرك ..
بس ياليت ندري وش الأهم الحين؟
حنا الجمهور وهذا اللي بيدينا سويناه ..
الدوري .. اغسل ايدك ..
الاسيوية شرحه ..
ولي العهد يمكن .. ولو اني اشك فيها ..
قل لي لو تكرمت .. الشباب مالعب بكامل نجومه .. وصكه الشباب باربعة !!
الا تستغرب ؟؟
ياخي ماتستغرب .. قال المحياني ما ابي العب الا بالهلال ..وقال النصر الا يجي ويلعب معنا .. غصب هي ؟؟
وقال اتحاد الكرة .. البطولة ماتبغاكم غصب هي ؟؟
وش الاهم .. ياعزيزي ؟؟
اتحاد كرة مايمشي الا بدهن السير .. وشد لي واقطع لك .. واهم شي لاياخذ الهلال بطولة ..
وش الاهم ..؟؟
الاسيوية .. و حكام ألعن من حكامنا هنا ..
وش بقى يا اخوي !!

شاكر لك مرورك ..

أخوووووي اوكي نخسر الجمهور ماله شغل

بــس كيف مباره للهلال ما قبل النهائي ويكون الجمهور بعدد اصابع يدك

ولا حد يقول اختبارات وبرد والاعذار هذه
الحين كل جمهور الهلال الي بالرياض باكر راح يختبروووون
ياخي اتمنى تكون هذه قرصه أذن
والله انتم في نعمه الهلال كله كله عندكم

إقتباس الرسالة الأصلية كتبت بواسطة هلالي غيوورر أخوووووي اوكي نخسر الجمهور ماله شغل بــس كيف مباره للهلال ما قبل النهائي ويكون الجمهور بعدد اصابع يدك ولا حد يقول اختبارات وبرد والاعذار هذه الحين كل جمهور الهلال الي بالرياض باكر راح يختبروووون ياخي اتمنى تكون هذه قرصه أذن والله انتم في نعمه الهلال كله كله عندكم

الحمدلله على النعمة اخوي هلالي غيور ..
و انا ولله الحمد مارفست النعمة .. وحضرت المباراة بالملعب ..
بس حاولت اشرح لك وضع جمهور الرياض ..
ولا كل جمهور الرياض عندهم اختبارات .. ولكن جمهور الرياض مثله مثلك يا اخي الكريم ..
جمهور محبط تماما من كل شي ..
اتمنى انك تجي تحضر مباراة هنا في الرياض وخصوصا في استاد الملك فهد .. و تراك محفول مكفول ..
والله ان تعاف المباريات وحضورها ..
تبي تدري ليش ؟ تعال احضر وتدري ..

إقتباس الرسالة الأصلية كتبت بواسطة هلالي غيوورر أخوووووي اوكي نخسر الجمهور ماله شغل بــس كيف مباره للهلال ما قبل النهائي ويكون الجمهور بعدد اصابع يدك ولا حد يقول اختبارات وبرد والاعذار هذه الحين كل جمهور الهلال الي بالرياض باكر راح يختبروووون ياخي اتمنى تكون هذه قرصه أذن والله انتم في نعمه الهلال كله كله عندكم

انــــــــــــــــــــت يالي قاعد تسب بجمهووووور الريااض

شوووووووف اذا ضمنت لي اجيب نسبه زينه

حظرت مباريات الهلال والنصر بعد واجيب عياال الجيراان

وعياال عمي . . . الخ

بعدين والله انك متاثر بمقولة ((بلا اختبارات بلا هم الهلال هو الاهم ))

تدري كم بين البيت والملعب بعض الناااس 40 كيلو وبعضهم 25

وارض فاضيه

يعني برد على كيفك

وانتم ترمي حجر وصل نص الملعب

بعدين لو صار مباراة ديربي او مباراه قويه

صار فيها تكسير قزااز سيارات

ومضاربات

والله اذكر مباراه دخل حوالي 25 واحد المستشفى

يعني كيف تبغى الناس يجوون ؟؟

وانتم اشادو بكم الصحف

وطلع لكم ريش

ولا اول ما كنتو تقولو كذاا

الحمد لله ان الهلال انهزم حتى يتأدب هذا الجمهور البارد!! اللي ماعنده الا انتقادات من خلف الشاشات!!!!!

إقتباس الرسالة الأصلية كتبت بواسطة قلب الزعيييم الحمد لله ان الهلال انهزم حتى يتأدب هذا الجمهور البارد!! اللي ماعنده الا انتقادات من خلف الشاشات!!!!!

تحمد الله ان الهلال انهزم علشان يتادب الجمهور البارد اللي خلف الشاشات ؟؟
طيب والجمهور اللي حضر .. و انقهر ما يهمك امره طال عمرك ؟
تحيتي لك ..

إقتباس الرسالة الأصلية كتبت بواسطة قلب الزعيييم الحمد لله ان الهلال انهزم حتى يتأدب هذا الجمهور البارد!! اللي ماعنده الا انتقادات من خلف الشاشات!!!!!

اقول انطم...

إذا عرف السبب بطل العجب

وعشان تعرف سبب عدم الحضور رح احضر يا حضرة (قلب الزعيم)

للرفع .. لانهم ضغطوا رفعي

مشكلة الجمهور مانبي نكبرها

وانا متاكده بان الجماهير تحب ناديها

وتبي تشوف افضل فريق

لكن ليه مافيه حضور هنا السؤال

نقول مباراة امس صحيح انها وقت اختبارات

لكن في مباراة النصر في الدوري وكانت مهمه

وشفنا الحضور لايمثل حتى ربع الحضور اللي كنا نشاهده

واذا ماوقفنا مع الفريق الا وقت الفوز والبطوله ومع وجود الاعبين الدوليين

فاسمحولي اقول انه هناك خلال او فيه من يحاول يقضي على شعبية الهلال

او انا احنا جماهير الهلال............ بلاش اقول