المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إضافة رد
   
 
LinkBack أدوات الموضوع طريقة عرض الموضوع
  #1  
قديم 04/02/2009, 06:09 AM
زعيــم متألــق
تاريخ التسجيل: 15/02/2008
المكان: مانشستر - بريطانيا
مشاركات: 1,223
مصــــــــــــــــــــــادري الخاصه تؤكــــد ..؟؟

بسم الله الرحمن الرحيم

اهلا وسهلاً بالشعب الهلالي العظيم

هاردلك على الخساره.., راحت بطوله وباقي اربع بطولات ان شاء الله انها للزعيم

لا تزعل وتكدر خاطرك, خذ الامور ببسااطه .

كاس الامير فيصل بطوله تنشيطيه , اعداد للفريق , فرصه للوجوه الجديده , استعادة مستوى اللاعب ...


بإختصاار : كسبنا الكثير من هذي البطوله وخسرنا القليل ..

كسبنا وجوه شابه جديده ستكون دعامه قويه للفريق الأول في المستقبل , كسبنا خيرات , فلااته , شافي , مؤشر , الدوسري , البيشي , وغيرهم ...


كسبنا عودة محبوبنا الشلهوب لقليل من مستواهـ..

كسبنا تجانس الصف الاحتياطي للفريق ..

كسبنا جيل المستقبل ...

بالمقابل .. خسرنا الكأس فقط ..


خلي البطولات التنشيطيه لأهلها ..


لاحظت بالفتره الاخيره بالمنتدى كثرة المواضيع الغير هادفه وكثرة المصادر الخاصه وكثرة الانتقادات ..

اتعبتوا المشرفين بصرااحه ..

اغلب الموضيع يتم اغلاقها والسبب موضوع مو فمحله ..

وأيضاً كثرة المصااادر الخاصه .. طيب يالغالي عندك مصدر إذكره ما أعتقد إن في شي يخوف .. يعني عيسى المحياني طُرح بالمنتدى 1000 موضوع وكلهم مصادرهم خاصه .. يعني نفتح منتدى خاااااااص بالمصادر الخاااصه ..؟


اللاعبين الأجانب بالفريق ..:

أدهشنا طويل العمر ابو فيصل بالصفقات الجديده الي انا شخصيا أعتبرها قمه بالدهاء من هذا الرجل المحنكـ .

بالفتره الاولى لتسجيل اللاعبين فوجئنا بالتعاقد مع اللاعب السويدي (( ويلهامسون ))
الكثير راهن على فشل الصفقه .. والكثير قال انه فاشل ومع مرور الوقت واكتمال الفريق والتجانس لاحظنا كيف (( ولهامسون )) صنع الفرق الي كان (يذمه ) صار يمدحه وبقوووه .. عبدالرحمن بن مساعد ما تعاقد معاه عبث اللاعب لديه إمكانيات راااائعه وحلت مشااكل بالفريق منها :

مشكلة الظهير الأيمن : كل اللوم كان على محمد نامي ومن قبله العنقري ومن قبله العبدالسلام وغيرهم .. لكن محد فكر قليلاً بالمشكله..؟
المشكله بالوسط الأيمن وليست بالظهير الأيمن .. الفريق ما كان فيه وسط ايمن يدعم الظهير الايمن .. تعاقدنا مع ويلهامسون وأصبح نامي يتقدم ويساند الهجوم وأيضاً ويلي يساند الدفاع .. وانحلت المشكله ..!



التعاقد مع الكوري الجنوبي ( سيؤل ) :

نفس الكلام الي صار مع ولهامسون ينطبق على سيؤل .. هجوم عنيف ونقد غير هادف ..؟ وبالأخير راح نصفقله وونمدحه ..!! الصبر .. عطوه فرصته ..!


التعاقد مع الروماني (رادوي ) :

لاعب اكثر من رائع بوجهة نظري ننتظر منه الكثير .. محور دفااعي رائع .. ويساند الهجوم .. وقدم قويه .. صرااحه دعامه قويه للفريق مع كثرة مشاركات خالد عزيز بالمنتخب .. لكن تراه الى الآن ما أخذ فرصته << هذا كلام أغلب الأعضاء يعني مقتنعين فيه < الحمد لله ..؟


اخيراً : سيؤل لازم ياخذ فرصته وبعدين نحكم عليه ..



عذراً على الإطاله ..


اضافة رد مع اقتباس
  #2  
قديم 04/02/2009, 06:29 AM
زعيــم فعــال
تاريخ التسجيل: 27/03/2007
مشاركات: 364
اتمنى ان ادارة الهلال تبيع سيول لأقرب فرع هرفي وتفكنا

وبصراحه مدري وش اقول لكن ثقتنا في الاداره كبيره ...


اخر تعديل كان بواسطة » أبـو راشـد في يوم » 04/02/2009 عند الساعة » 08:27 AM
اضافة رد مع اقتباس
  #3  
قديم 04/02/2009, 08:34 AM
زعيــم متواصــل
تاريخ التسجيل: 29/02/2008
مشاركات: 116
إقتباس
الرسالة الأصلية كتبت بواسطة AmOoT - Ana
اتمنى ان ادارة الهلال تبيع سيول لأقرب فرع هرفي وتفكنا

وبصراحه مدري وش اقول لكن ثقتنا في الاداره كبيره ...


ههههههههههههههههههههههههههههه

والله هذا الاعب ماعتقد ان في راسه كوره بااااااااارد مرررررره

وماعنده اللمسه الي تحسسك بانه يمكن يخدم الفريق في المستقبل
اضافة رد مع اقتباس
  #4  
قديم 04/02/2009, 07:25 AM
زعيــم مميــز
تاريخ التسجيل: 29/10/2006
المكان: الـوســطـــى
مشاركات: 4,444
إقتباس
التعاقد مع الكوري الجنوبي ( سيؤل ) :


نفس الكلام الي صار مع ولهامسون ينطبق على سيؤل .. هجوم عنيف ونقد غير هادف ..؟ وبالأخير راح نصفقله وونمدحه ..!! الصبر .. عطوه فرصته ..!

والله كلامك صحيح ما انسى الهجوم على ولهامسون للأسف بعض الجماهير مافيها صبر

حتى اذكر طارق التايب اول ما لعب مع الفريق الكثير انتقده والان كسب محبة جميع المشجعين

بفنه ولعبه الله يرجعه .... اخير مشكور يالغالي على موضوعك الرائع
اضافة رد مع اقتباس
  #5  
قديم 04/02/2009, 07:28 AM
زعيــم فعــال
تاريخ التسجيل: 03/09/2007
مشاركات: 428
والله موضوع مفروض يكتب ماء الذهب
وصاحب الموضوع يستاهل بوسة على راسه

الف شكر يا غالي على الموضوع الرائع ...
وتسلم يمينك ...
الله يحفظك ويوفقك
اضافة رد مع اقتباس
  #6  
قديم 04/02/2009, 07:31 AM
موقوف
تاريخ التسجيل: 23/08/2007
مشاركات: 3,091
إقتباس
التعاقد مع الكوري الجنوبي ( سيؤل ) :

نفس الكلام الي صار مع ولهامسون ينطبق على سيؤل .. هجوم عنيف ونقد غير هادف ..؟ وبالأخير راح نصفقله وونمدحه ..!! الصبر .. عطوه فرصته ..!

اخـوي اللاعب يبـين من لمـساته

الحيـن الواحد اذا صـارت الكـورة معـه بخـط الوسـط يبي يتـقدم للهجـوم

يركـض ثم يجـي اول لاعـب يقطعهـا <<< وش دخل الفرصة والتجانس بالركض

تجيه منـاولة يثبتها بـوز ( بقوة ) ثم تطلع بـرا <<< وش دخل الفرصة والتجانس بالتثبيت

و الكثير لو ابي اذكر ما خلصت الا بكره

اضافة رد مع اقتباس
  #7  
قديم 04/02/2009, 08:11 AM
الصورة الرمزية الخاصة بـ مغرم بعشق الزعيم
زعيــم فعــال
تاريخ التسجيل: 19/05/2008
المكان: الــريــآض
مشاركات: 224
إقتباس
اتمنى ان ادارة الهلال تبيع سيول لأقرب فرع هرفي وتفكنا

وبصراحه مدري وش اقول لكن ثقتنا في الاداره كبيره ...


هههههههههههههههههههه


* الموضوع جميل بس من يفهم هو الموضوع الأهـم ..

والجمهور صعب يقتنع أنا كنت بالملعب البارح اللي قدامي ماسك سب للعنبر واللي ورا ماسك على نامي والثالث على سيول حتى قال طرفة يقول ذا جفاف ماهو سيول >>> صراحة ضحكت هههههه من كلمتة ..

كلنــا نأمــل أن يكون سيول بمستوى التطلعات ويكون بمستوى الهلال ..

شكرا ً جزيلا ً لك ..

محبتي ..

اخر تعديل كان بواسطة » أبـو راشـد في يوم » 04/02/2009 عند الساعة » 10:47 AM
اضافة رد مع اقتباس
  #8  
قديم 04/02/2009, 08:19 AM
زعيــم فعــال
تاريخ التسجيل: 18/08/2008
المكان: قلب الزعيم
مشاركات: 297
الف شكر يا غالي على الموضوع الرائع
وتسلم يمينك
الله يحفظك ويوفقك
اضافة رد مع اقتباس
  #9  
قديم 04/02/2009, 08:22 AM
زعيــم جديــد
تاريخ التسجيل: 19/08/2007
مشاركات: 39
سول مقلب يا عالم


وينه وين ويلي الله يرضى عليك

ويلي من اول مباراه بانت لمساته وبين ان اللي ينقصه هو التأقلم


أما سول والله يالكوره في وادي وهو بوادي الدواسر


واذا على البطوله .. دوام الحال من المحال يا زعيم

والتعويض بالدوري والآسيويه .. وخل التنشيطيه لأهلها
اضافة رد مع اقتباس
  #10  
قديم 04/02/2009, 08:40 AM
زعيــم نشيــط
تاريخ التسجيل: 29/08/2006
مشاركات: 583
يارجال نلعب علي بعض اي شباب واي مستقبل
امس عدلي الاعبين الشباب اللي كانوا يلعبون
مايجون 4 الا اذا كان قصدك شباب النادي اللي من خبرت عمري وهم صغار ولاكبروا
المبارك الذياب
والا يمكن قصدك نامي والمفرج والا الخثران والا الشلهوب
كلهم شيبان ولاكن لالاسف ماعندنا مهاجم يخلص الهجمه العنبر حط الكوره قدام الباب ويمكن يجيبها ويمكن يظيعها
نبي مهاجم عليه الكلام مع ياسر ااااه يامحياني والا كانت هذي مباراتك
سول اااه ياسول انا من يوم شفته لابس الجزمه الحمرا وانا غاسل يدي منه
طااااارق ماقول الا كلمه وحده سنخسرك سنخسرك والوسط من دونك في ظيااااااع
اضافة رد مع اقتباس
  #11  
قديم 04/02/2009, 08:56 AM
زعيــم مميــز
تاريخ التسجيل: 09/07/2007
المكان: TEXAS
مشاركات: 7,274
اتمنى ان ادارة الهلال تبيع سيول لأقرب فرع هرفي وتفكنا

وبصراحه مدري وش اقول لكن ثقتنا في الاداره كبيره ...
اضافة رد مع اقتباس
  #12  
قديم 04/02/2009, 09:00 AM
الصورة الرمزية الخاصة بـ A7mad_AlSul6an
زعيــم مميــز
تاريخ التسجيل: 24/11/2008
المكان: مع الهلال ومدريد والإنتر
مشاركات: 2,106
اتمنى ان ادارة الهلال تبيع سيول لأقرب فرع هرفي وتفكنا
اضافة رد مع اقتباس
  #13  
قديم 04/02/2009, 09:01 AM
زعيــم متألــق
تاريخ التسجيل: 25/10/2008
مشاركات: 1,162
ياجماعه الخير


راااااااااح نصبر وراح نصبر


لعيون ابو فيصل شبيه الريح


تدرون ليش لأنه يقول ماعاد يمدينا نعدل هؤلاء اللاعبين هم سلاحنا


والله أني معك يابو فيصل على الحلوه والمره


ومشكور أخو ي على موضوعك الرائع


تحياتي وتشكراتي لك
اضافة رد مع اقتباس
  #14  
قديم 04/02/2009, 09:07 AM
زعيــم نشيــط
تاريخ التسجيل: 30/01/2008
مشاركات: 785
والله يا سول شكل ما في راسة كورة ...

يا ناس والله اللاعب لا يعرف يسلم كورة ولا يعرف يحضن على الكورة صح ......... الخ

والدليل امس اللي عكسها للعنبر باخر الوقت بالله هذي لعبة واحد يلعب بالدوري الانجليزي...
اضافة رد مع اقتباس
  #15  
قديم 04/02/2009, 10:03 AM
زعيــم متواصــل
تاريخ التسجيل: 16/09/2008
مشاركات: 92
التعاقد مع الكوري الجنوبي ( سيؤل ) :


نفس الكلام الي صار مع ولهامسون ينطبق على سيؤل .. هجوم عنيف ونقد غير هادف ..؟ وبالأخير راح نصفقله وونمدحه ..!! الصبر .. عطوه فرصته ..!


أقول أبشر بالذبيحه إن نجح هالكوري
اضافة رد مع اقتباس
   


إضافة رد


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:54 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube