|
جمهور الرياض وجمهور الرياض ترى غثيتونــا ..! بسم الله الرحمن الرحيم السلام عليكم ورحمة الله وبركاته في البداية هـاردلك لـنا على الخـسارة ومعوضينها الشباب بالدوري وبطولة آسيا إن شاء الله بالنسبة للـموضوعي يـاجماعة الخير الله يرحم لي والديكم ركزوا شوي وبدون " صجة ولجة " انا شفت المباراة في بيتنا وبعد المباراة طلعت قابلت الشباب المهم رجعت البيت وشغلت اللابتوب ودخـلت على منتدى الزعيم لـعلي أطلع بـفائدة وبتحـليل عقلاني للمباراة أو على الاقل اشوف كلمة شاء الله وما قدر فعل . لكن للأسف ثلاث أرباع العالم طـايحة " تسفيل " بـجمهور الرياض يعني خلاص للدرجة هذي اصبحنا ندور اي زلـه عشان " نهرج " ونشرشح أعذروني شباب لكن بديت احس أغلب اللي في المنتدى متعودين على " زيارات الضحى " واللبيب بالإشارة يفهم نسينا نناقش أوضاع فريقنا ونسينا المباريات الجاية ونسينا مين اللى أدى اليوم واللى ما ادى وكل سوالفنا عن الجمهور ترى بيني وبينكم مــصخت السالفة اصبح الجمهور واعي وفاهم اللى بيحضر الله يحيه واللى مو حاضر صدقني لو تكتب من هنا إلى بكره تحفيز وغيره مافي فايدة في ناس عندهم ظروف وأمتحانات ودوامات وعالم حتى موتر ماعنده وبرد وعســاكر بالملعب مثل وجه اللى رازهم يعني موضوع موضوعين ترى نفهم لكن إذا طوت السالفه صارت ماصخه ومسكت عناد ترى.. بالنهاية وفر الجهد والطاقه اللى عند البعض اللى طايحين تسفيل وفروها بأمتحاناتكم ولا بشي ثاني.. كثرة الكلام مامنها فايده .. اللى بيتقبل كلامي بـ صدر رحب أهلا وسهلاً واللى مو عاجبه .. ترى كلها ساعتين وانت بكورنيش الخبر..أقحن الين تشبع دمتم بـ قروشة ∂ƒαнα |
ياليت المفرج لاعب من بدايه المباراه عشان الصجه واللجه تكون عليه :to: على فكره البطوله الاسيويه مستحيل ياخذها الهلال لان ما فيه جمهور هلالي خارج السعوديه :d لاهنت عالموضوع والحمد لله على كل حال على فكره الجمهور اليوم بعد خساره صفق وحيا اللاعبين :yes: ونسيت شي رابطه الهلال في منتصف الشوط الاول قاعده تقول لا لا لاتضايقونه :to: ان شاء الله انها خيره :yes: لاهنت وتقبل مروري :rose: |
ياا لبى قلبكـ. . متى الشعب يفهم انه الحين اختبااااراااات . . خل يصير عندك الساااعة 8 اختباااار ثمن ياللي تتكلم عن الجهووور تعااال هااايط |
إقتباس:
لالا خلي بطولة آسياء تجي وشوف الجمهور اللى بيحضر . الف شكر على مرورك ودك العقلاني . :rose: إقتباس:
في ناس تقدر وفي ناس همها الاول والخير الكلام اللى مامنه سنع ولا فايده .. بالتوفيق لك عزيزي والف شكر على مرورك الكريم :rose: |
|
شوف ربما يكون ردي انفعالي بعض الشي ولكن جمهور الرياض اقل مايقال عنه انه جمهور بعض الاحيان وبين قوسين بعض الاحيان جمهووووووووور يســـــــــــــــــود الوجه |
ياخي خلك واقعي وين الجمهور ؟؟ ياناااااااااس جمهورنا الرقم الصعب يعني ما يأثر عليه شي لكن اليوم شي غريب |
إقتباس:
جمهور الرياض سود وجهك في مباراة انا اعتبرتها شخصيا من سابع المستحيلات احضرها خاصة بالوقت هذا .. واعتبر حر بأختياري لكن هالجمهور يا ما بيض الوجه وبيبيض الوجه دوم .. شكراً لك على مرورك ووجهة نظرك احترمها ..:rose: |
طرح رائع من شخص رائع يرجال للاسف اصبحنا مثل جماهير الجار ندور عله على اي شي للاسف جمهورنا اصبح لايعجبهم العجب ولا صيام رجب طيب انا حضرت ثلاث مباريات للهلال الموسم هذا وباقي المباريات شفتها الدوام حتى مبارة اليوم شفتها في الدوام يعني اغيب كل ماجت مبارة للزعيم واقطع رزقي عشان ارضي الجماهير بس للاسف مايصدقون سالفه ويتكلمون تحيتي لك |
كلامك صحيح بس وين اللي يفهم يجيك واحد مايجيه الهلال في ديرته الا مرتين بالسنه كثير .. ومتفلت يسب في جمهور الرياض بعدين انا صراحه اقعد بالبيت بالدفا .. ومعي زمزمية الشاهي وشاشه 32 بوصه واعاده من كل الجهات ومرتاح ... ولا اروح للملعب ويغثوني العساكر بالتفاتيش لا وممنوع تدخل معك مشروب .. وبرد ؟!! ليش احظر وانغث من معاملة العساكر .؟! ... لو مره وحده ام مرتين اوك نقول فدوه للزعيم بس 11 مباراه بالدوري غير مباريات البطولات الثانيه .. معصي والله ومشكوور جدا على موضوعك |
يالغالي انا متفهم كلامك., انا من سكان الرياض و لي اربع سنين ادرس بالخبر ولا تسمح لي الفرصه احضر للهلال., لكن يالذيب ترا بقية جماهير الهلال من خارج الرياض يقولون هالكلام لان ما عندهم هلال كل اسبوع يحضرون له., و يحسون بمرارة و من حقهم صراحه., مباراة اليوم فعلا فيه اختبارات و غيره., لكن بتقنعني يالغالي ان هذا هو السبب؟ من مباريات الدوري اللي قبلها و حنا نقول جمهور الرياض ما يحضر., وان جيت للحق احيانا اقول ليش يحضرون؟ هلالهم من بطوله لبطوله ما شاء الله,, ولا فيه دافع يخليهم يحضرون., لكن اللي لازم نعرفه ان لو جمهور الهلال موجود اليوم كان صدقني ما شفت اللعيبه بالويل يتحركون في اخر المباراه.,, الجمهور يعطي دافع يالغالي., ومن حقك ما تحضر كـ مشجع لكن لا تطالب الاداره بعدها انها تسوي و تسوي., في المنتدى هذا الاف والاف تكلموا و طالبوا الاداره و كثير منهم من الرياض., ولو تحسب الحضور اليوم ما يوصل 2000.,, بصراحه لازم ندعم زعيمنا.,, همسه :: شفتوا رادوي كيف يتفرج عالمدرجات و هو مستغرب.,!! الرجال قالوا له دور اربعه و قال بس بيمتلي الملعب., وانهبل مسكين يوم شافه فاضي :( عموما انا متأكد ان جمهور الهلال بالرياض بيرد على البقيه في المباريات القادمه باذن الله :) |
خلنا نشوف جمهور النصر بكره ولا يمكن ما يحضرون عشان ما يطقونهم العسكر مثلكم ولا الأختبارات لجمهور الهلال في الرياض فقط اتمنى من كل قلبي نقل جميع مباريات الهلال إلى الشرقيه لكي نعلمكم التشجيع أنت وياه |
قال صجيتونا قال والله ان الهلال مايستاهل يصير في الرياض انا اقول لو ينقلونه للشرقية كان ابرك من جمهور الخكر هذا قال برد قال |
إقتباس:
وين الى يفهم .. انا وانت وغيرنا الكثير عندنا دوامات مو شرط الكل يكون طالب ومتفرغ للكورة .. اسدني كثيراً مرورك الكريم .. بيض الله وجهك ..:rose: |
إقتباس:
إقتباس:
هــذا انت قلتها جمهور الرياض بصراحه قليل اللى يكون مخيب للآمال ولا في حال مباريات الكؤوس والنهائيات ما يبيض الوجه الا جمهور الرياض ولا يهونون باقي المناطق .. شاكر مرورك اخوي :rose: إقتباس:
يا اخوي لا تقارن ابداً جمهور الهلال بـ جمهور المشافيح .. هذول بكره بيحضرون وبيترسون لك الملعب بس تدري وش السبب .. لان هالبطولة الوحيده اللى يقدرون يسوون فيها شي .. ماتهمنا ولا نبيها نفكر بالاهم وهذول شغلهم الشاغل بطولة كاس الاتحاد اللى لو تعد مبارياتها يمكن ما تتعدى 6 بس .. طول بالك ياخوي إقتباس:
عفواًَ أسلوب المراهقه والاطفال ما اقدر عليه .. شد حيلك بس وعدي المتوسطه |
| الوقت المعتمد في المنتدى بتوقيت جرينتش +3.
الوقت الان » 12:01 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd