|
إقتباس:
الواحد يبغى يروح الملعب في الاجواء اللي تجمد الاطراف وحتى الشاهي مايقدر يدخله معه, قال ايش ممنوع!!! بعدين عندك عساكر مريضة نفسيا ويكلمك من طرف خشمه ويطالعك بنص عين ويعاملونك زي البنغلاديشين اللي ماسكينهم الجوازات بدون اقامة, لا وعلى كذا والله اني اجي على نفسي واقول لعيون الزعيم باحضر واخرها مبارة النصر اللي في عز البرد ويوم جمعه... وفي الاخير يجيلك بزر ولا اثنين في المنتدى ويقول جمهور الرياض يسود الوجه.... .... الله يصبرنا على جمهور الطعش..... ما حصلنا منكم الا الطقاق والمواضيع الداجه... مشكور يا غالي على الموضوع الاكثر من رائع واللي صراحة جاء في وقته.. بالتوفيق للزعيم |
السلام عليكم ورحمة الله وبركاته بما ان الموضوع انفتح قلت خلنا نوضح بعض الحقائق التي تخفى على كثير من جماهير الزعيم خارج الرياض ياخوي علشان احضر مبارة تبدا الساعه 8 لازم اسنتر في الملعب من الساعه 5 وبعد كذا تجي تدور كرسي محجوز محجوز قال ايش يقارني بالدوري الانقليزي قال ياحبيبي الجمهور الانقليزي مايجي الاقبل المبارة بربع ساعه عارف كرسيه وماحد جالس عليه امن ملاعب زي الناس مو زي اللي عندنا يعاملك كنك عبد عند ابوه ولاتنسى ممنوع الشال ياخي يمكن تذبح واحد فيه من يدري ممنوع تشرب مويه داخل الملعب ممنوع تاكل ممنوع شاهي حتى الفصصص ممنوع تدخله بكيس لازم تفضيه بجيوبك ولاتنسى الكراسي اللي ماعمري شفتها نظيفه مليانه من..... يبوي رايح استانس انا ولارايح سجن ابو غريب وم ذلك نتحامل على انفسنا ونحضر لعيون الزعيم وبعدين اذا جيت تبي تقارن بجماهير المناطق الثانيه ابيك تاخذ في عين الاعتبار شيئين الاول: استاذ الملك فهد كم يشيل مقارنه بالملاعب الثانيه الثاني :جماهير المناطق الثانيه مايجيهم الهلال الا مبارة والا مبارتين واذا ماحضروها متى تبيهم يحضرون وبعدين الاخ اللي يقول الاختبارات مهب عذر بكره لاقدر الله وسقطت وش بيفدني الهلال بيدروسني بيوظفوني خلنا من الكلام الفاضي |
تـــوقــع !! نص اللي في المنتدى يحسوبن جمهور الهلال في الرياض ما عندهم اختبارات ولا ضروف |
اقووووول احنا جمهورنا ماهم بزران تبغى تفهمني ان جمهور الهلال كلهم طلاب مدارس...! الشعب كله عاااطل ياحبيبي وحسن اسلوبك في الكلام ياااخي تكتب لي اللي موعاجبه كلامي وماني عارف ايش بدل ماتكتب هذي وجهة نظر ان اصبت فمن الله وان أخطأت فمن نفسي والشيطان والله عالم جلست على كيبورد فكرت نفسك كاتب |
ياجماعه انا مو من الرياض لكن خلونا واقعيين شوي 1- الملعب كبييييييييير من الصعب انه يمتلى 2- اختبارات ياخي ماني مضيع مستقبلي علشان مباراه |
إقتباس:
اخوي ماتفهم قلنالك اختبارات + اختبارات = مستقبلك انا مادري ليه الهلال مبارياته في نصف الاسبوع اما غيرنا يوم الاربعاء وليه ما تخليها الاربعاء والخميس |
اقسم بالله العلي العظيم اني لو كنت في الرياض راح احظر اي مباراة للهلال ضد اي فريق حتى لو من الدرجة الثالثة ولو كان عند اختبار رياضيات وانجليزي فيزياء واللي يعارض كلامي يروح يدور له اي منتدى ثاني بصراحة فشلتونا يا اهل الرياض آه ياليتني ساكن في الرياض وبعدين اللي منكم يطلع الدكتوراه يدق علي ويعلمني انا ما اقلل من شأن الدراسة لأنها والله اهم من الكورة لكن ما تقدر تعير ناديك المفضل (الهلال ) بعض الوقت الله يشفي قلوب بعض الناس واعذروني اذا انا غلطت على احد عواااااافــــــــــــــــي |
يابن الحلال هم لقو شي وانبسطو عليه وماعندهم الا هالموضوع....! |
ترى كاس فيصل يا عالم عندي ان الهلال يجيب دوري الناشئين اهم من ذا البطولة والله :naughty::naughty::naughty::naughty::naughty::naughty::naughty: والعاقل خصيم نفسه اللي يقول جمهور الرياض ترى الاستاد 80000 من يعبيه |
جمهور الرياض صفر على الشمال... مع أحترامي الشديد لهم وجودهم زي عدمهم حتى لو حضرة ساكتين ويفصفصون !!!!!!!!!!! |
أفضل تعليق جماهير الهلال بالرياض جمااااااااااااااااهير مزاااااااااااااااااااااج |
ياهوووه اختبارات ومستقبل افهموو تحياااتي |
بالرغم من حبي للزعيم :) , إلا أن كرامتي ما تسمح لي أجلس أتفتش بطريقة استفزازية وهمجية إلى أقصى حد هذا من الناحية الأولى ومن الناحية الثانية :) , بالله شايفين كراسي ملعب الملك فهد كيف تجيب الهم ! ولا كيف الجماهير اللي يوقفون فوق الكراسي ولما تقوله بكل أدب اجلس خل نناظر المباراة يقولك انت وقف ! وأوقف وين بعد ! على الكرسي يعني لا سمح الله يصير تعثر بسيط قد تروح في خبر كان ! ومن الناحية الثالثة :) , أنا لما أتابع كورة علشان أوسع صدري وكنوع من أنواع الترفيه والتسلية , يعني لازم يكون فيه بالملعب كافة الخدمات والأمور اللي تساعد , اذا قزازة الموية ما تدخل يا ناس :( ! ومن الناحية الرابعة :) الملاعب ما هي آمنة ولا يسلم على نفسه الواحد ولا على سيارته وخصوصاً لما تكون مباراة تنافسية , ولا عاد شف التنظيم لا بغيت تطلع من الملعب وكيف تنطق بالساعات علشان توصل بيتكم ! يقولك أهل مكة أدرى بشعابها , وعلى هالوزن لا تلومون أهل الرياض قبل ما تعرفون ظروفهم , والزمن تغير وصار فيه وعي واللي يقبلونه مشجعين أول ما صاروا يقبلونه مشجعين هالوقت , وقد يكون الآن صار فيه تشديد زيادة عن اللزوم , وعني مقاطع الملاعب حتى يتعدلون اللي فيها , وآخر مباراة حضرتها لعيون سامي حقة اعتزاله ولا راح أحضر غيرها حتى يكون الحضور باحترامي وكرامتي بدون ما يجلس يحط منها واحد ما معه شهادة ثانوي أو حتى متوسط !! وغير كذا يتوفر لي فيه مميزات ما تقل أو على الأقل تنخفض بنسبة ضئيلة عن مميزات المتابعة بالبيت :) , وهالأمر ما يكلف الرئاسة شي ولكن دامهم يبونها كذا وش بيدنا نسوي :) واذا إدارة الهلال تبي الحضور تهتم بهالنواحي وتناقش الرئاسة فيها ويبشرون بسعدهم وشرط ان يلقون جماهير برى تبغى تدخل وما تحصل لها مكان :) , مو أروح للملعب من الساعة 5 ولا أدخل بيتنا إلا الساعة 12 بالليل :( ! ما كنت أبي أنزل موضوع بهالخصوص ولكن موضوعك خلاني كني سطل موية واندلق بكل ما فيه لأني من أهل الرياض واشوف باستمرار ما يكتب بالمنتدى عننا :) , ونسوا كيف كنا نسوي ولكن للصبر حد من الملاعب واللي فيها وصبرنا فاض :d :rose: |
اي والله صدقت اخوي... انتم وش دخلكم يحضرون ولا مايحضرون كل واحد وحر... ياخي واحد عنده دوام عنده امتحانت جامعه تحسب الناس أقصى همها الهلال.. ترى الكوره تشجيع وحماس وحب بس ماتصير هي الكل بالكل بحياتنا يعني فيه أشياء وأشياء أهم من الهلال بحياتك الشخصيه... |
ليه التفرقه بين جماهير الهلال ياناس جماهير الرياض وجماهير الشرقيه وجماهير الغربيه مابقى الا نسوي تذاكر خاصه لجماهير الهلال ونقسمها للمناطق يعني اذا فيه مباراه للهلال بالرياض نكتب تذاكر خاصه باهل الرياضواذا مباراه للهلال بالشرقيه نكتب بالتذاكر خاصه لاهل الشرقيه وومنوع دخول باقي المناطق استحووو على وجيهكم والله عيب الي قاعج يصير كلنا نعشق الهلال من كل مناطق المملكه ليه خليتو فيه حساسيه بين الجماهير |
| الوقت المعتمد في المنتدى بتوقيت جرينتش +3.
الوقت الان » 02:40 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd