|
جمهور الرياض كيـف تطالبون بالفوز وحضوركم فقط بالمنتدى !!!! الحمد الله على كل حال ./ بحاول الخص كل ماعندي بنقاط تبقى وجهه نظر وبصيغه عاميه أرجوا تتقبلونها بكل صدر رحب . • مدري كيف جماهير الزعيم بالرياض يفكرون ؟! مباراااة مهمه محتااااج الزعيم وقفتكم للفوز والتأهل للنهاائي وحضور مؤسف للأمانة وكأن المباراة وديه ، شلون نطلب من اللاعبين عبر المنتديات بمستوى ونتيجه والجمهور ضعيف بالمؤازره !! وياكثر ماتكلمنا بحضور الجمهور في المنتدى لكن لاحيااااة لمن تناادي جمهور الزعيم في مباراة الاهلي بالاسبوع الماضي انا حضرتها قبل ماتبدأ المباراة بساعه وجماهير الزعيم ممتلئه وبالجانب الاهلي حضور بسيط واللي يشوف هالجمهور الكبير يفكر ان الهلال يلعب على ارضه وبين جماهيره . هالمبارااة خسرناها وخسرنا اول بطولة ولا نبي نخسر الدوري و اغلبيه المباريات القادمه نلعبها على ارضنا فـ رجاااااااااااااااءي للجمهور الزعيم بالرياض الحضور والمؤازره ونقف يد وحده خلف الفريق لكي يعطي كل ماعنده ، الهلال لعب اليوم 120 دقيقه لو شاهدنا الملعب ممتلئ بالجمهور راح نحسم المباراة في 90 دقيقـه والفضل يرجع بعد الله هو اللاعب الاول الجمهور . • في الفترة الاخيره المنتدى يتكلم عن رحيل البرنس الليبي ، ولا أدري الجمهور كيف يفكرون !! يعني ما اشوف احد كفو يغطي خانه التائب وكلنا نعرف تأثير طارق التائب واذا خسرنا خدماته راح نعض اصابع الندم مثل مافعلنا مع كماتشو , اللي فاهم كوره ويعرف مصلحه فريقه مايفكر بالاساس ان يتخلى عن التائب ! ونعرف الاحصائيات في الموسم الماضي لطارق التائب مع الهلال كيف كانت ايجابيه وأسكتت جميع نقاااااااااده ، التااااائب تأثيره كبير على الفرررررريق لاعب يخدم الفريق كااامل وهذي عمله نادره في اللاعبين من لمسه وحده يصنع لك هدف , لاعب يلعب باخلااص للتي شيرت الازرق كيف يخطر على بالنا التفريط بهاللاعب؟ انا استغرب كثير من بعض الاعضاء يقولون استعراضي ولاجل يركب كوبري نطالب به ؟ طيب هو يستعرض ويحط كباري بس فائدته كبيره ويصنع اهداف من فرص صعبه لا يجيد هالتمريرات الا طارق , واكبر مثال محمد العنبر وبروزه بالتسجيل عندما يلعب طارق التائب ! وكثير يقارنون التائب بـ ويلي ؟ وكأن ويلي صانع العاب في اختلاف بالمراكز و دور طارق بالهلال محد ينكره وانا أطالب باستمراريته لأنه يخدم الفريق و الهلال بحاجه ماااااااسه لطااارق . • محمد نامي وسعد ذياب ابجديات الكوره لايتقنونها !! وكلنا نشوف اخطاء نامي ونقول معليش مجتهد وراح يتعلم بس الواقع العكس . نامي مستواه مع احترامي الشديد مو نادي الهلال ،، الخاانه اليمنى شبه معطله وكل الحمل على ويلي يسااند الهجمه ويرجع احيانا يغطي مكانه . ضروري الادارة الهلاليه تبحث عن ظهير ايمن لأن المجاملات في هالاوقات لاتفيد واااااااضح وضوح الشمس ان نامي امكانياته محدوده ولا تخدم اطلاقا والسلام خير الختام . |
فعلا اتفق معاك في كثير مما قلت ......... والجمهور الصراحه لازم يكون له حل يعني قبل كل مباراه نصف مواضيع المنتدى حمله للحظور وآخر شي المنظر اللي اليوم بالمدررج |
ياخي طيب الحاضرين وش ذنبهم .. حضروا تبي نطللع العيال من بيوتهم ونقولهم يالله اركبوا الملعب ..! ! انا سويت الي علي وحضرت .. |
يعني شلون لو حضرو جمهور الرياض تهقى بيفوزون والا المدرب بيتحمس وبيطبب اطيب واحد فيهم بدال سيول والا يمسكهم العوارض جمب الدعيع طيب اذا ماتو جمهور الرياض من تتوقع المدرب بيطبب جمهور جده والا الشرقيه |
يخوي الحضور مب عاجبك انت ؟ ما تشوف الجو ؟ ما تشوف الاختبارات ؟ ما تشوف ان المباراة ما فيها نجوم الزعيم ولا دوليين ؟ ما تشوف ان الحضور كان جيد جداً ؟ انا عني حضرت وكان معي 10 نفر :d , والحضور كان جيد جداً وفقاً للظروف طبعاً :) |
لاحياااااااااااااااه لمن تنادي وانا من الدمام والله اقترح من قلبي ان كل مبايات الزعيم في القصيم قسم ان لو نلعب مع الجبلين تشوفون المدرجات فلللللللللللللللللللللللل |
لاااااااااااااا تعليق .. جمهوووووووووووور الريااااااااااااااااااااض.. ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
انت تتكلم عن نفسك ليش ما جيت انت للملعب وبعدين اقوول للجمهوور الهلالي اي مباارة من غير الدوليين لا تحضروونهاا الان اللي في الملعب اشبااه لعيبه بس |
جمهور الرياض جمهور نهائيات فقططططططططططططططط |
شوي شوي على الجمهور ياخوي جمهور الهلال مايحتاج دعوة بس توقيت المباراة في اختبارات نهائية لجميع الطلاب وغير كذا بيوم دوام انا استغرب وش يفرق لو حطو المباراة بكرة على الأقل الحضور الجماهيري بيكون اكثر نسبيا وبالنسبة للتايب ماننكر ان التايب لاعب فنان وكبير بس بسئلك التايب هالموسم وش استفاد منه الهلال ؟؟ وقف شهرين ثم اصابة ثم الموسم الجاي يستكمل الإيقاف ياخوي التايب لا هو اول ولا اخر لاعب فنان يجي الهلال بس ادارة الهلال تشوف ان استفادة الهلال من التايب محدودة مرررة بحكم ظروف الإصابة والإيقاف عشان كذا ادارة الهلال تفاوض نيفيز البرازيلي يكون المحترف الرابع واتمنى هالكوري يلغون عقده ويجيبون لاعب اسيوي مفيد للفريق تحياتي للجميع |
جمهور الرياض جمهور نهائيات ومقاهي فقط،، وموضوع ::clapping::clapping::clapping::clapping: |
اخواني اعتقد كلام الاخ بردقا صحيح 100% لماذا لم يحضر الجماهير المباراة مهمة واعتقد وجود الجماهير يحفز اللاعبين اكثر على الآداء الجيد لكن فعلا لا حياة لمن تنادي اين جمهور الرياض ؟ وبعدين لا تتعذروا بالجو ما اعتقد ان الجو بارد لهذي الدرجه , ولا تتعذروا بالاختبارات فالاختبارات لم تبدأ بعد الا في الجامعات , وغير كدا هل كل سكان الرياض ومشجعي الهلال خاصة طلاب ؟؟؟؟؟؟؟؟؟؟!!!!!!! مافي موظفين ؟؟؟ اذن اين هم ؟ مافي ناس فاضيه تحضر ؟؟؟؟ يا ليت يسمحوا للنساء دخول الملعب كان شاهدتم المدرجات ممتلئة واخيرا اتركوكم من الاعذار الواهيه التي لا تقدم ولا تأخر واللي ما يبي يشجع الزعيم في المدرجات لا يجي ينتقد في المنتدى , لان ليس هذا التشجيع الحق , التشجيع هو مؤازرة الفريق في مدرجات الملعب . وشكرا |
| الوقت المعتمد في المنتدى بتوقيت جرينتش +3.
الوقت الان » 06:57 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd