|
الى متى..!! وسرخات الاستهجان من الجمهور .. بنجمنا الموهوب مساء الخير لاحلى زعماء :ga: اول شي هاردلك وهذي البطوله ميب اكبر همنا قدامنا بطولات اهم منها s13s اعتقد الموضوع واضح من عنوانه ..!! الشلهوب نجمنا الموهوب قدم عطاء حلو اليوم بصناعه قول العنبر :clapping: الى متى والتحطيم للاعب من الجمهور ..!!:no: والمشكله تقولون ليه طايح مستواه وليه ما قدم اليوم المستوى المطلوب ..!! والجمهور يحطم الاعب :no: الشلهوب له انجازات وياما قدم البسمه للجماهير الهلاليه هذا الاعب الي اذا غاب عن اي مبارة يكون مؤثر في الفريق ونحتاجه في جميع الاوقات اثناء المباريات s13s والان اذا لعب نحطمه ونجي وندخل منتدى الهلال ونكتب عنه موضوع ونسب فيه :no: متى ما الجمهور وقف معه وسانده صدقوني بيرجع الموهوب الي نعرفه بإذن الله :clapping: بس حبيت اوجه كلمه للجمهور : صدقوني متى ما لقى الاعب الموازره والمسانده من الجمهور راح يرجع لمستواه ان شاءلله :yes: اتمنى اني اكون ما ثقلت عليكم وما اطلت عليكم با الموضوع :razz: تــحــيــاتي لكم يا زعماء ولنا لقاء في موضوع اخر ان شاءلله :yes: |
معقوووله ولا ررد ......!!!! |
هذولا المبزره اللي مايعرف وش معنى جوانب نفسيه .. بس مع الخيل ياشششقرا ولاحول ولاقوة إلا بالله .. ملاحظـه آحب آضيفها وبحكم اني تابعت المباراه على آي آر تي .. نرفزني شوي كلام عيسى الحربين ( اللي ازعجونا بعض الجمهور بكثرة مواضيع تقول انه هلالي ) .. عندما قال في خلال الدقائق مابين ( 50 - 56 ) : وخالد عزيز العائد ... من الآصابه هكذا جاءت الانباء على الآقل <<< وش يقصد بالكلمه هاذي ..؟؟؟؟؟؟!!!! شي يقهر لو انه معلق محايد ع الآقل ماكان اتهم اللاعب وكان صدق البيان اللي خرج من ادارة المنتخب .. بس يحاول يصطاد في الماء العكر ولاحول ولاقوة إلا بالله .. وكنت بنزل موضوع وماقدرت ماادري ليش حسيت اني مو هلالي .. والله يسسسامح من منعنا آو منعني من إيصصال صوتي للجمهور الهلالي .. ولكن بحاول آكتب هالكلام في ىكثر المواضيع لآيصال الكلام لكل هلالي حتى ماينخدع بآي آحد .. وياليت واحد يجيب لنا هالمقطع يوم قال هالكلام عيسى الحربين عشان الشعب الهلالي يتآكد .. آخوكم في الله .. |
ـهههـ .. ياخي والله الشلهووب لو تشووفه من الملعب .. تنقطع منه الكوره ..!! ولآ يقطع ولآ يستلم .. بس تجيه كوره ماعننده احد .. يناول بس ..!! ياخي والله انتهى .. انا من الجمهور الي حطموا الشلهووب لأنه بصرآحه انتهى .. يعتزل .. عشان يفضيي خانته .. |
Dr.TweeTy ناسخ الكلام ان ترا شفته في كذا موضوع :ap: المهم والله الموهوب الي لعب صح يعني الحمد لله بدا يرجع لمستواه وهو ان شاء اله قدها و بيرجع زي اول و احسن و كلنااااا معاك يالشلهوووب تحياتي :smilie47:هلاليه مرجووجه:smilie47: |
مع احترامي لتاريخ محمد الشلهوب ... الا انه (( انتهـــــــى )) ... ياليت يرووح وياخذ معه نامي والمهرج ولا يهوون الغنام ... |
عزيزي لو انك رايح للملعب لا شفت التشجيع للشلهوب :rose: اما هنا في المنتديات فـ نصهم مندسين صدقني :d , والشلهوب اكب من الكلام ذا كله |
إللي يقول ( الشلهـ:smilie47:ـــوب ) أنتهى << أقلهـ روح ذاكر أحسن لكـ :naughty: واللهـ الموهوب لاعب كبيــــــــــر .. :smilie47: ولايحتاج شهادة أحد مآيفهم بالكورة .. :no: الموهوب كبير كبيـر كبيــــــــــــر .. |
شكراً لك ، نعم البعض يستفزك بــ صرخات الإستهجان الموجه للنجم الشلهوب ..! لازم نعرف اننا نتعامل مع لاعب خدم النادي أكثر من 10 سنوات بشكل رائع .. طبيعي ان يهبط مستواه قليلاً لكن لن يعود بهذه الطريقة ..! |
اعجبتني سرخات :d اليوم محمد قدم مستوى جيد جدا إن شاءالله تكون بداية العودة |
اليوم انا حاضر المباراه والجمهور ماقصر مع الموهوب والشلهوب ماقصر رد لهم التحيه بمستوى جميل من الموهوب لكن كوزمين مدري وش فيه على الموهوب |
حبيبي انت حظرت المبااراه ؟؟ متكيلي ع الكيبوورد و تقوول تحطيم في الشلهووب الشلهووب من الدقيه 30 الى ماطلع وكل الجمهور تشجيع في الشلهووب واهازيج خاصه لشلهووب تحيااتي... |
الشلهوب يحتاج للدعم الاعب راجع لمستواه |
والله لامستوى ولا شي نضحك على انفسنا اوكي نفسيته تعبانه حتى حنا عندنا نفسيات |
هذولا المبزره اللي مايعرف وش معنى جوانب نفسيه .. بس مع الخيل ياشششقرا ولاحول ولاقوة إلا بالله الله معك يامحمد الشلهوب الموهوب الكبير الفنان |
| الوقت المعتمد في المنتدى بتوقيت جرينتش +3.
الوقت الان » 02:52 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd