الجمهور غير مطالب بالحضور ... ليش ؟؟؟؟
 

بسم الله الرحمن الرحيم

الصراحة اقولكم لا تلوموننا اذا ماحضرنا لهالاسباب

غياب المتعة الكروية :
بصراحة مباريات الهلال في الفترة الاخيرة غير ممتعة اطلاقاً
يعني حنا نحب الكورة ونعشق الكورة عشان نستمتع
صحيح نتمتى فوز الهلال لكن نبي نستمتع ولا وش الفائدة اصلاً من لعبة كرة القدم ؟؟؟

عك كروي من قبل اللاعبين وعدم احترافية :
مع احترامي للاعبين لكن اللي شفته بصراحة شيء غريب يعني لا كنترول ولا باصات ولا تسديدات حتى المهاجمين اذا جته الكورة رجعها ورى ليش كل هذا خوف وعدم ثقة (( آآآآآآآآآه يابرودك يالعنبر )
يعني وش فائدة الاحتراف والرواتب والمكافآت اذا اللاعب مايعرف يثبت كورة ولا يعرف يباصي ولا يشوت يعني هذي اساسيات لازم تكون متقنها ولا وش فرق اللاعب المحترف عن المشجع العادي ؟؟؟

بطولات كثيرة وهذي اضعفها :
صراحة مع احترامي للاتحاد السعودي لكن اللي نشوفه من خربطة بالجدول وغير وعدل ورجع وزين .
يعني من 10 سنين ماصار فيه استقرار على بطولات .

نأخذ مثلاً بطولة كأس الامير فيصل بن فهد (رحمه الله )
ياما خلوها للشباب وبعدين قالو تحت 23 ماعدا ثلاث
وبعدين قالو ماعدا 3 والاجانب يعني حوسه طيب يااتحادنا الموقر بين لي البطولات القوية من الضعيفة عشان انا كنادي ارتب نفسي ولا وهالموسم مخلين كأس ولي العهد بدون ذهاب واياب والموسم اللي راح ذهاب واياب ياخي اثبت على شيء وريحنا.

تطور الشعب السعودي له دور في الحضور :
متابعة الشباب السعودي للدوري الاوربي وتطور فكره
يعني الواحد صار يقول ليش اضيع وقتي على مباريات ضعيفة المستوى بينما يترك المباريات الاقوى منها في الدوري الاوربي.

نقاط على مباريات اليوم

ويلهامسون ابدع في المباراة ويشكر على عطائه وكذلك رادوي والشلهوب

كوزمين بالغ في تحفظه

وضح عدم الخبرة على قلبي الدفاع

وفي النهاية اشكركم على وقتكم الثمين واتمنى ابداء وجهة النظر بدون المساس باحد

ياليتني ماحضرت بس


اول مره انهزم في حضوري في مباريات الهلال جميعا

أبي أعرف شي واحد الحين مباريات نصف النهائي ليه ما صارت الأربعاء والخميس ..؟؟

ترى طلاب الجامعات يعذرون اختبارات وبحوث .. خاصة إن اختبارات الجامعة تعتبر نهائية كل ترم

أما طلاب الثانوي يميدهم يعوضون في الترم الثاني لو حصل رسوب لاسمح الله

الله يكتب اللي فيه خير للهلال