|
دعونا نتحدث بصراحة السلام عليكم ورحمة الله وبركاتة 00000 اما بعد بالطبع هذي اول بطولة وراحت علينا الرجاء ثم الرجاء ثم الرجاء تعديل ماينقصنا في البيت الهلالي الكبير والذي نتمنى ان يبقى كبير دوماً دعونا نتحدث بصراحة عما حدث هذه الليلة وبدون اي مجاملات : بعد تسجيل الهدف الهلالي تراجع الهلال بصورة واضحة مما جعل الشباب يتسيد في الملعب وضغط عالدفاع الهلالي طيب ليش مانكمل ع الاقل الى نهاية الشوط الاول نعزز من جهة اخرى حنا دفاعنا شباب وماقصرو بس مانضغط عليهم كذا خصوصا والذياب قتل نفسه بالكرت الاصفر 00 الحاجة الاهم خلاص ياجمهور الهلال حنا اكبر اكبر من كذا ومهاجمة الحكام طيب صحيح الحكم عنده اخطاء لكن مو الاخطاء الفادحة اللي خسرتنا الليلة من اخطائة الكبيرة عدم انذار اللاعبين الشبابين لخشونتهم ولكن من ناحية ضربة الجزاء فكلنا شفنا ومتاكدين من صحتها 0000 نجي للوسط اللي ماكان فيه الا الرائع ويلي والمقاتل رادوي طبعا شفنا عزيز الليلة ماهو عزيز اللي يربط نور ويكفتة كنا نبية يربط كماتشو لكن للاسف ارتكب اكبر غلطة الليلة ابو عزيز داخل ال18 وهو لاعب محترف والمفروض ماتمر علية حاجة زي كذا طبعا الشلهوب نفس مستواة واللي نتمنى ان الشلهوب يعود الموهوب كما عهدناه 00 نجي للمشكلة الاهم الا وهي خط الهجوم العنبر في وجهة نظري والله ماقصر لكن سوول هنا المشكلة الكبرى انا ابي اقول شي الى متى بنجلس اذا راح ياسر الكاسر للمنتخب او اصيب نعاني من نفس المشكلة لايوجد مهاجم راس حربة طيب انا اذكر بيوم من الايام لما طلع قرار الاتحاد السعودي بالسماح للاعب رابع محترف اسيوي 90% من المنتدى وانا واحد منهم طالبنا بلاعبين يقدرون يغطون مكان ياسر ولو بنسبة 70% امثال اسماعيل مطر وبدر المطوع وغيرهم والله ثم والله ثم والله ان سول من اغرب الصفقات اللي مرت علي كهلالي حتى المحترف البرازيلي اللي كان مع ياسر الموسم اللي فات او اللي قبلة احسن منه وكان يؤتر احيانا ولكني التمس من الادارة الهلالية تجهيز نفسها لباقي البطولات ونسيان تلك البطولة والسعي والاجتهاد للقادم واللي اتمنى يكون احلى والتفكير من الان لبديل سوول بعد ستة اشهر وارجو عدم تكرار مقولة انتظرو سول لم ينسجم مع الفريق صدقوني لم ولن يعطي اكثر مما قدم (وهو اصلا قدم شي ) ياادراتنا الغالية مانبي باقي البطولات تذهب من امام اعيننا هكذا كما حصل الليلة 00 اخواني واخواتي جماهير الزعيم دعونا ننسى ماحدث ونمضي بالتفكير جلياً الى ماهو قادم واهم 00 باقي البطولات مانبي نخسرها 00 وهارد لك لنا جميعا :alzaeem::alzaeem: محبكم ومحب الزعيم وتـــــ هلالـــي ــــر:alzaeem::alzaeem: |
يعني ماشفت احد رد علي فديتكم هل في كلامي خطأ |
ملاحظـه آحب آضيفها وبحكم اني تابعت المباراه على آي آر تي .. نرفزني شوي كلام عيسى الحربين ( اللي ازعجونا بعض الجمهور بكثرة مواضيع تقول انه هلالي ) .. عندما قال في خلال الدقائق مابين ( 50 - 56 ) : وخالد عزيز العائد ... من الآصابه هكذا جاءت الانباء على الآقل <<< وش يقصد بالكلمه هاذي ..؟؟؟؟؟؟!!!! شي يقهر لو انه معلق محايد ع الآقل ماكان اتهم اللاعب وكان صدق البيان اللي خرج من ادارة المنتخب .. بس يحاول يصطاد في الماء العكر ولاحول ولاقوة إلا بالله .. وكنت بنزل موضوع وماقدرت ماادري ليش حسيت اني مو هلالي .. والله يسسسامح من منعنا آو منعني من إيصصال صوتي للجمهور الهلالي .. ولكن بحاول آكتب هالكلام في ىكثر المواضيع لآيصال الكلام لكل هلالي حتى ماينخدع بآي آحد .. وياليت واحد يجيب لنا هالمقطع يوم قال هالكلام عيسى الحربين عشان الشعب الهلالي يتآكد .. آخوكم في الله .. |
إقتباس:
هذي الصرآحـــــه وانآ اخــــوكـ ولآ انآ مآفهم ولآاعرف كورهـ مودتي |
ولايهون فريق الشباب في هالموسم كل مباراة كبيرة يلعبونها تصير مشاكل بسبب لعبهم الخشن الي اثر على ويلي وطبعا عندك نامي وسيول هذول صفر على الشمال |
تسلمون اخواني عالردود الغالية واللي شرفت ونورت موضوعي لكن نتامل الخير ان شاء الله وراح نشوف زعيمنا بالايام الجاية احلى وياليت ننتبة لاخطائنا ونحسن شوي من اختيار لاعبينا وهذا هو اهم شي 0000 ودمتم بود |
يعني مدري ليه العنبر مو موجود في سدوس اليوم اشوف حسن معاذ اتحسر واقول ياليته في الهلال بدل نامي السيء ابعدوا اشباه الاعبين عن النادي |
قمه القهر لاصار لاعب كوري في هجومنا يعني أسيا بكبرها مالقو غير الكوري ولا مايلعب مع فريقه آآساسي ,, والله هذي من غرائب كورهـ القدم <-- بيعرظونها على القناهـ السعوديه الرياضيه ونامي لا تعليق مباراهـ فوق وعشر تحت ,, <-- أقصد المستوى |
أنا وجهة نظري أن نامي قدم مستوى حسن مع ويلي بل كان لا يمسك كورة إلا يسلمها لويلي على طول أما سيول لا تعليق أول قلنا أن ياسر مضيق عليه ولآن لايوجد ياسر ولا شيء الصراحة أحرجنا لا يتابع كورة صح ولا يتحرك بسرعة والله خسارة إذا كان المدرب يفضلة على الشلهوب تمنية أن سيول يخرج مو الشلهوب بعدين الكروت مو معقولة ما فيه كرت على الشباب |
كلامك صحيح اخوي من ناحية اللاعب سيول فهو لن يقدم اكثر مما قدم وانا في اعتقادي ان السيد كوزمين اقترف خطأين : الاول سحب اللاعب محمد الشلهوب واشراك الخثران لتدعيم الدفاع فوضح ضعف منطقة الوسط للهلال وشاهدنا الشلهوب اليوم بمستوى جيد وكان يسبب قلق للشباب. الثاني سحب العنبر واشراك فهد المبارك .. وقد كان من الاجدى اخراج السيئ سيول . ملاحظه : اذا كان الهلال يريد الدوري وباقي البطولات فيجب عدم اشراك سيول. الهلال اليوم كان يلعب بعشرة لاعبين بوجود سيول. |
مشكور اخوي التروبيكالي ولا تزعل نفسك زعيمنا يبقى الزعيم وان شاء الله مانضيع الباقي ولا اذا ضاع الباقي هنا الندم باكمله واشكرك اخوي على هالطلة الحلوة |
اخواني بيني وبينكم انا كنت اقول لو نجيب حسن معاذ لهلال بس بعد ماشفت نذالته وخشونتة اليوم خلاص مانبية سلمولي على الشهيل والله هذا اللي نبية بالايام القادمة ولو ندفع فيه اللي يبي تخيلو الشهيل والزوري |
إقتباس:
|
ياطويل العمر كلامك صحيح ... وانا بصراحة غير راضية عن موضوع الاسيوي .. سيول بصراحة احس انه بطيئ وتحركاته مافيها تركيز يعني تحس انه ماتأقلم مع المجموعة ... ويلهمسون ادى اداء يشكر عليه وهذا لاشك فيه ...الى جانب العنبر والشلهوب .. يعني الهلال بشكل عام اعطى مالديه ولكن ليس كل مالديه لانه على قولتك تراج في نهاية الشوط الاول ولم يحافظ على حصوله للهدف اليتيم الذي كان طريقنا للتاهل لكن قدر الله وماشاء فعل ... وكمان تغييرات المدرب كوزمين قتلت الروح القتالية في روح الهلال للاسف كانت تغييرات في غير محلها ... لكن الحمدالله على كل حال وقدر الله وماشاء فعل ... والجايات افضل ان شاءلله تحياتي لك |
عالعموم اخواني زي ماقلتلكم ننسى الماضي ونفكر بالجاي يعني هكونا متاتا حكمة نغمها لزيز هكونا متاتا ننسى الماضي اللي يغيز 0000 متاثر بكرتون سمبا الاسد الملك لاتلوموني من القهر بس اصبر نفسي 00 وتصبحون على خير واشوفكم جميع بخير وبمناسبة احلى واغلى ان شاء الله 000 |
| الوقت المعتمد في المنتدى بتوقيت جرينتش +3.
الوقت الان » 09:28 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd