هاردلك .. قصتي قصه اليوم في الملعب .. اخر مبارة احضرها الا ان كان هناك تحرك .. - نادي الهلال السعودي - شبكة الزعيم

رووووح الهلال · #1 04/02/2009, 02:11 AM

السلام عليكم
هاردلك الخساره والخروج
اشكر جمهور الرياض الي حاضر وهم جمهور الهلال الحقيقي
والبقيه مجرد ميول للهلال الامن كان عنده عذر

اليوم رحت الملعب الساعه 6 قصيت لي تذكره
توني شاري شال بـ10 ريال ويجيك العسكري قال جب شاالك قلت ليش قام ينافخ
علي وكااني اخوه الصغير قال بتجيبه ولا اركب الربع المهم عطيته الشال ودخلت
جلست في الوجهه بعدين رحت للرابطة
ولد عمي كان لابس شماخ الشتوي الي يجيك ملون قالوا جبه ممنوع
وزقت مع ولد عمي وطلع وقال برووح البيت وبعد محاولات مني رجع ودخل
ماعليه شي

يارئيس الهلال لان احضر وغير لان يحضر اذا استمر الوضع هكذا

ويلي شكرا
الشلهوب شكرا
سيول

الزعيم زعيم حتى لو خسر يكبر غلاه ويكبر دلاله

يالهلال احبك حب ماحبه مثلي احد

شي ثاني
للمره الرابعه اشووف وواحد في المدرجات شفته في اعتزال سامي
مبارة الهلال والنصر والهلال والرائد والهلال والشباب اليوم
ولا بعد من نفس حينا
يااخي حفظت اشكال الي يجون من جمهور الرياض والله قهر
الي يقول الملعب 70 الف اقول ترا سكان الرياض 6 مليون
والقصيم مايجون 2مليون وعبوا مدرجات 40 الف
لاتتعذرون وتهذرون انتم ميولكم هلاليه لكن لستم مشجعين للهلال
الا من كان له عذر
تعرف المشجع الهلالي: هو المساند للهلال في كل مبارة وفي اي حال
تعريف الميول/ هو الي يترزز بالفريق قدام الناس لكن لايعرف الحضور الا
في المبارة الكبيره وهذا لايسمى مشجع

وشكرا

..سهم ياسر.. · #2 04/02/2009, 02:16 AM

انا حضرت قبل موسمين و تكسر قزاز السياره وانسرق البوك بمافيه واعتزل سامي وبعدها حلفت ما اروح للملعب

من بياخذ حقنا ؟

sm9sm · #3 04/02/2009, 02:18 AM

لكل مباراة ظروفها ولكل شخص ظروفه

واتوقع الاختبارات وغياب الدوليين أهم سببين

هلال الشرق الأوسط · #4 04/02/2009, 02:19 AM

ياخي اختبارات هالايام زين الي حضرو

المصدر الرسمي · #5 04/02/2009, 02:19 AM

من لم يحضر فلا عذر له

الادارة قدمت كل شيء

واللاعبون يتشجعون في وجود الجمهور الحي

فالحي يحييك والميت يزيدك غبن

ليت الهلال عندنا في الغربية

موادع T3 · #6 04/02/2009, 02:19 AM

والله ما حد قالك تحط بوكك بالسياره ..

....... عموما ً الف شكر عالموضوع ..

بس..

اللي حضر الف شكر..الف شكر من القلب الى القلب..

اللي ماحضر ..اقووووووول يااااشن الهايط بس..

البدائع بلاد الروائع · #7 04/02/2009, 02:23 AM

مشكور اخوي وماقصرت على الحضور والمساندة وهذي هي روح الزعامة
ولكن
انا حضرت للرياض مره واحده هذه السنة كانت في مباراة الهلال والنصر وحضرتها بالملعب
وعلمت بان اي شال عليه كتابه وشعارات ممنوع00اي شماغ ملون ممنوع
وبذلك اكون في المره القادمه اخذ حذري وما ارتكب اي خطا0حتى لايتم معاقبتي بالرفض
هذه تعليمات 000الرئاسة العامة واعرف انها تخلف في تخلف في تخلف00ولكن
رئيس الهلال وش بيسوي لنا بيقول للعسكر اسمحوا لهم بالدخول لايستطيع
بيقول للرئاسة غيروا الانظمه مايقدر00

تحاتي لك عزيزي

رووووح الهلال · #8 04/02/2009, 02:27 AM

إقتباس

الرسالة الأصلية كتبت بواسطة اسيرالاسطورة بصير


	مشكور اخوي وماقصرت على الحضور والمساندة وهذي هي روح الزعامة ولكن انا حضرت للرياض مره واحده هذه السنة كانت في مباراة الهلال والنصر وحضرتها بالملعب وعلمت بان اي شال عليه كتابه وشعارات ممنوع00اي شماغ ملون ممنوع وبذلك اكون في المره القادمه اخذ حذري وما ارتكب اي خطا0حتى لايتم معاقبتي بالرفض هذه تعليمات 000الرئاسة العامة واعرف انها تخلف في تخلف في تخلف00ولكن رئيس الهلال وش بيسوي لنا بيقول للعسكر اسمحوا لهم بالدخول لايستطيع بيقول للرئاسة غيروا الانظمه مايقدر00 تحاتي لك عزيزي

في نفس مبارة النصر

انا داخل بالشماغ التشوي ومعنا شالاتنا

بس مبارة الشباب اليوم اغلب الجمهور مامعه شال والله صعب تلقاء واحد معه شال

ياااخي قهر في قهر ويوم سالنا عسكري عاقل

انظمه من النمشان

لا ابوهم لا ابو ابوهم

دوري المتحرفين

زي الشباب · #9 04/02/2009, 02:24 AM

اي اختبااارات يررحم امك جمهووورنا موب جمهور طلاب 15 سنه ؟؟
والل خذلنا الجمهور ولو اني بالرياض اول الحاضرين

أبوإلهام 15 · #10 04/02/2009, 02:27 AM

تعبنا مع الامن !!!!!!!!!!!!!!!!!!!!!!!!!!!!!!!!!!!!!!!!!!!!!!!

كل ما حظرت مباراه للهلال اشوف هلالي و يقولون له ابو عتب

يالبىا قلبه بغيابه

rayan0099 · #11 04/02/2009, 02:28 AM

اناا والله زيك
من ناحيه الشاال قالي شاالك يدخل بس الشاال حق الصغير مايدخل
قلت ليه قال عليه كلام !! ضحكت ناا قلت خلاص بقلبه << من ورىآ بدون كلام
ضحك قالي شف الشالات كلهم منزلينهاا .. قال أخوي مشناا عااد
عااد كاان سميحاان ومشانا :p

ومن ناحيه الجمهوور
فا والله ماقصر لو هالجمهور تحطه بـ جده ولا الشرقيه كان غطىآ مدرجاتهم
جمهوور و جمهوور طيب عطوناا مستوىآ .. والله مافيه
الشباب طوول المباراه معه الكوره ..

هلاليه زي القمر · #12 04/02/2009, 02:29 AM

والشالات ليش ياخذونها متخلفين واشك انهم يجمعونها ويرجعون يبيعونها ومكسب لهم الله يقلعهم

ومافي مشكله تحملوا لاجل الزعيم لان هذا اللي يبونه انكم ماتحظرون وتساندون ناديكم

يعطيك العافيه على الحظور

سعود البرشلوني · #13 04/02/2009, 02:34 AM

يعطيك العافيه

والله ما قصرت لاكن وش نسوي

هلاليهـ 100% · #14 04/02/2009, 02:35 AM

إقتباس


	واتوقع الاختبارات وغياب الدوليين أهم سببين

آلآختبآرآت .. ممكن .. بس غيآب آلدوليين ليه .. هم يشجعون آلهلآل .. ولآ آلآعبين .. وآلله حآله ..

جدعان · #15 04/02/2009, 02:37 AM

عندنا قوانين متخلفه وغبيه العالم تطورت وهم لاتجيب شال ولاتجيب علم كبير وزيادة تخلف !!