04/02/2009, 02:57 PM
|
| زعيــم جديــد | | تاريخ التسجيل: 04/03/2006 المكان: الخبر
مشاركات: 5
| |
جمهور الهلال في الرياض ( اص ولا كلمه )
بسم الله الرحمن الرحيم ثبت لي بما لايدع مجالاً للشك بإنكم ما تستحقون أن يكون نادينا في مدينتكم ,
من بدايه هذا الموسم وأنتم تتعالون وتكابرون على نادينا , وما لقينا منكم إلا التجريح بالمسؤولين واللاعبين , والحين موعد تجريحكم والقسوه عليكم ,
ليه كل هالجحود للنادي , وين الغلط , وش الي يمنعكم من الحضور ,
من بداية الموسم وحنا نقدم لكم الإعذار مره الجو حار ومره اختبارات وأخرها مباراتنا مع فريق النصر قلنا الجو بارد على شان كذا مافيه حضور جماهير , لكن امس كل الضروف مناسبه لإقامه مباراه بهذا الحجم من الأهميه ومع كذا مافيه حضور جماهير
عيب , عيب , عيب
عيب عليكم يامشجعين نادينا في الرياض ؟؟؟؟؟؟؟؟
أنا وبصفتي مشجع لنادي الهلال وأفتخر بإني لست مثلكم من مدينه الرياض الكئيبه بجمهور نادينا
أوجه الإتهام للإطراف التاليه وهي السبب في المسخره الي نشوفها من جمهور نادينا في الرياض :
1) إداراه نادينا السابقه والي في يوم من الإيام قالت أننا بننقل جميع مبارايات الهلال للمنطقه الشرقيه بعد الجحود والنكران الي واجهته من جمهور النادي في الرياض , ولا نفذت هذا الكلام .
2) المشرفين على هذا الموقع لأنهم ممن يشاركون بتمجيد اللاعبين فأصبح الجمهور بالرياض جمهور لاعبين وليس جمهور نادي .
3) للعقليات الي تدير الجمهور بالرياض ( جمهور الأعراس ) وأنا مسؤول عن هذي الكلمه , أكثر من مره احضر مبارايات للهلال بالرياض والله كأني جالس بعرس ,
في نص المدرجات كم خال على كم طار والباقي يقشمون حب ويصفقون .
أتمنى أن أردنا التصحيح وإعاده توجيه الجمهور بالرياض من جمهور لاعبين إلى جمهور نادي وكيان وليس لاعب يجي كم سنه ويروح وياخذ الجمهور وياه أننا نتبع الخطوات القادمه مع الي راح يذكره اخواني الاعضاء الي من خارج مدينه الرياض :
1) محاولة نقل الثلاث مباريات ( بإستثناء مباراه الوحده بما أنها في مكه المكرمه ) المتبقيه للفريق بالدوري إلى المدينه إلي يستحق الهلال إن يكون فيها لوفاء جمهور النادي سواءً عندنا بالشرقيه أو القصيم أو الشمال أو الغربيه .
2) حذف كل المواضيع إلي يكتبها أي عضو من الرياض ويكون فيها إنتقاد لمسؤولين النادي او اللاعبين لعدم أحقيتهم لإنتقاد من يقدم ماله وجهده وصحته للنادي بينما هو لايريد العناء بالذهاب للملعب مع أنها أكبر متعه بالنسبه لنا .
3) حذف جميع المواضيع المتعلقه بتمجيد لاعب او إبرازه على اللاعبين الآخرين
( مع العلم أن أكثر لاعبين نادي الهلال عندهم مواقع خاصه فيهم , على شان كذا يقدر يروح يطبل للاعبه الي يحبه بعيد عن موقع نادينا الرسمي )
في النهايه
أقدم إعتذاري لجمهور نادي الهلال الوفي مع قلته إلى حضر مباريات الفريق بالرياض هذا الموسم , وبصراحه أنا ماتكلمت بالهطريقه الا بعد ماوصل السيل الزبى على قولتهم ,
يامشجع الهلال في الرياض
ماتشوف ان شي يقهر ويفشل لما يكون الملعب يبعد عنك عشر او عشرين كيلومتر وانت جالس بالبيت او بالقهوه وماتبي تروح الملعب , وبعد المباراه تجي تجلس ورا الكيبورد وتسل سيفك وتجلس تقطع بلحم الناس الي تعبت وبذلت وارتفع ضغطها .
كأني أشوفك أستحيت على وجهك
تتوقعون ياجمهور النادي بالرياض لو حضرتوا وبكثافه وبفعاليه بعيد عن الي ذكرتهم قبل شوي ( جمهور الاعراس ) بتصير الاشياء الي تحت
( عرض أهداف الإتحاد في مباراتنا مع الاهلي , الخشونه المتعمده من لاعبين الانديه الآخرى مع لاعبينا , أخطاء الحكام المبتدئه ( يعني متعمده ) , قوه الإستهزاء بنادينا ووصفه بأقبح الأوصاف في المدرجات )
شكراً جمهور الهلال بــ ( الشرقيه , القصيم , الشمال , الغربيه , الجنوب )
أص ولا كلمه ياجمهور الهلال بـ ( الرياض )
|
الوضع المتطور
