هل رفض ياسر التدرب مع نادي تشلسي ام الإدارة رافضة؟؟!! - نادي الهلال السعودي - شبكة الزعيم

مع الهلال مافيه محال · #1 03/02/2009, 03:21 PM

السلام عليكم

اخباركم

انا زعيم جديد(عضو جديد),انا بصراحه ماني جديد من زمان مسجل,بس كثرة المواضيع الي بالمنتدى بصراحه ما اقدر ادخل على واحد واخلي البقيه.

انا ودي اسأل سؤال..

ياسر القحطاني أخذ جائزة أفصل لاعب بالعالم عام 2007,متى يتدرب ما نادي تشلسي الانجليزي؟؟

انا ما ادري يعني الإدارة رافضة ولا الاتحاد الآسيوي,مع العلم إنه من ضمن الجائزة الي أخذها ياسر أحقية التدرب مع نادي تشلسي إذا ما وافقت الإدارة الهلالية.

ونتمنى كلنا أكيد نشوف ياسر بلندن وعقبال ما ياخذونه إعاره.

عاد تفرح قناة شوتايم مره لان نسبة المشترين راح تزداد

هذا سؤالي واتمنى الإجابه.

وعقبال الفريدي والعنبر و((الصويلح)) والمرشدي وباقي الزعماء.

شكرا لتواجدكم.

عاشق البرنس الليبي · #2 03/02/2009, 03:23 PM

اخوي حط موضوعك في منتدى الاستفسارات تفاديا للانذار

مشكلتي أبيك · #3 03/02/2009, 03:46 PM

شف ياسر لاعب ماشاء الله عليه لاعب غير وافضل لاعب بالدوري السعودي وحصل على افضل لاعب باسيا ....
بس لو جينا للحق مافيه لاعب سعودي يستحق اللعب بالدوري الانجليزي ولا تشلسي مره وحده قويه ...

man909 · #4 03/02/2009, 03:52 PM

إقتباس

الرسالة الأصلية كتبت بواسطة مشكلتي أبيك


	شف ياسر لاعب ماشاء الله عليه لاعب غير وافضل لاعب بالدوري السعودي وحصل على افضل لاعب باسيا .... بس لو جينا للحق مافيه لاعب سعودي يستحق اللعب بالدوري الانجليزي ولا تشلسي مره وحده قويه ...

عللى اي اساس قاعد تتفلسف

اقول يازينك ساكت

لو ابو سعيد يروح لاي نادي اوروبي كبير
اتوقع ان شاء الله انه راح يبدع

ولله الحمد عندنا من النجوم الذين يتوقع لهم الكثير

ميشوووو20 · #5 03/02/2009, 03:48 PM

إقتباس

الرسالة الأصلية كتبت بواسطة مع الهلال مافيه محال


	ياسر القحطاني أخذ جائزة أفصل لاعب بالعالم عام 2007,متى يتدرب ما نادي تشلسي الانجليزي؟؟

هههههههههههههههههههههههههههه

تستتههههههههبل ولا تحااااااااول ؟؟؟؟؟؟؟؟؟؟؟

بآآآسيا يالأخووو مو العااااااالم

إقتباس


	وعقبال الفريدي والعنبر و((الصويلح)) والمرشدي وباقي الزعماء.

يصيييير خيييير إن شاااااء اللهـ

تــحــيااااااااتي

زعيم المحامه · #6 03/02/2009, 04:00 PM

ههههههههههههههههههههههههههههههه

ذاكر بابا السبت اختبارات نهائيه

عليك حديث ووطنيه

RASHED6 · #7 03/02/2009, 04:07 PM

الصمت حكمه !!!!!!!!!!!!!!

الجوكر14 · #8 03/02/2009, 04:15 PM

.

يازين الطماط.؟.....؟

..

Webmaster · #9 03/02/2009, 04:24 PM

من زين تشلسي عاد؟ أقل نسبة استحواذ شفتها بحياتي كانت له في المباراة الأخيرة مع ليفربول، 21%.

مشكلة الناس أنها ما تعترف بنجاح أي لاعب إلا إذا نجح هناك، يعني بشكل أوضح، بارك جي سونغ أساساً فشل في بدايته يلعب في الدوري الكوري، وبدأ من دوري الدرجة الثانية في اليابان، لو وقتها تقول للعالم كلهم أن هاللاعب يستحق اللعب في الدوري الإنجليزي قالوا لا، لكن فجأة لما راح هناك قالوا ايه والله ذا من أفضل لعيبة آسيا!

نفس الشيء ينطبق على لعيبة رشحوا لجائزة أفضل لاعب في العالم، إيتو وأونري كانت بداياتهم جداً سيئة، ولو تسأل وقتها "هل يستحقون الاحتراف في الدوري الإنجليزي والإسباني" قالوا لك العالم لا.

تخيل تقول لواحد قبل لا يدخل الامتحان "ليه تحاول من الأساس وأنت راسب أصلاً؟"، لو الناس بس يعطون هالبشرية فرصة كان شفت العالم تبدع، وزين أن عقلية مدربي الدوري الإنجليزي مو مثل عقلية جماهيره، اللي لو تقول لهم "شرايكم نجيب هاللاعب؟" (بغض النظر عن مركزه، حتى لو كان حارس) سألوك "كم هدف يقدر يسجل؟".

Xx 8lb JE xX · #10 03/02/2009, 04:26 PM

خيييييييييير وش فيكم عـ الرجال سأل بس ياسر من ضمن جائزته الي حصلها انه يتدرب مع تشلسي وش السبب انه ما راح

ليش الردود الي مالها داعي

الي داخل يدقق عـ الاخطاء والي يقول اختبارات ومدري ايش

كبروا عقولكم يا جماعه

>> اما بالنسبه لياسر يا (( مع الهلال مافي محال )) << ما ادري ليش ما راح اصلا نسيت ام الموضوع

ان شالله حد يعرف يفيدنا

ضربة البداية · #11 03/02/2009, 04:29 PM

مع الهلال مافي محال

أشكرك يالغالي على طرحك ، لكن يبدو إن الأعضاء ما فهموا طرحك

الاعب الفائز بأفضل لاعب في آسيا يذهب على نفقة الإتحاد الآسيوي للتدريب في تشلسي

وهذا حسب الإتفاقية بين الإتحاد الآسيوي ونادي تشلسي الإنجليزي

إقتباس


	رحب نادي تشيلسي وعبر موقعه الرسمي باللاعب ياسر القحطاني أفضل لاعب في آسيا لعام 2007 م بالإنضمام لتدريبات الفريق كجزء من إتفاقية الإتحاد الاسيوي ونادي تشيلسي ...

المهم إن أخونا الغالي

مع الهلال مافي محال

يتسائل لماذا لم يذهب ياسر القحطاني ليتدرب بنادي تشلسي مع أنه فائز بجائزة

أفضل لاعب في آسيا ؟

الزقروتي · #12 03/02/2009, 04:36 PM

والله انا ما عندي خلفية عن الموضوع ..

لكن في احد الردود اعطانا الخبر الوافي ...

وفي ردود ما لها داعي بصراحة ...

الرجال موضوعة واقعي ليش تغلطون عليه ..

مشكلة اللي مو فاهم ويقعد يتفلسف ؟؟