• قصّة : منَ الصعبِ أن أبتكرَ صيفاً - نادي الهلال السعودي - شبكة الزعيم

الـمـشـاغـب · #11 07/02/2009, 02:38 AM

أهلين ميادة ..
آسف .. كنت أمزح طبعاً وما أقصد أني كنت مستغرب من إبداعك .. بالعكس
أسلوبك المميز واضح وما يحتاج شهادة من أحد .. يمكن اللي استغربته جد هو
بخلك المدري شسمه .. يعني ما تكتبين كثير وهيك شي يعني ..

تعليقي على الفصول الخمسة ( واعذرينا على الفلسفة )

..

الفصل الأول :
بداية موفقة في سرد القصة وتهيئة أكثر من رائعة للشسمه << قسم اني ما أستهبل بس جد مالقيت كلمة مناسبة

أعجبني فهد

حسيت انه رهيب وتريقته حلوة

الفصل الثاني :
وصف لحال الأسرة المكونة من الأب المثقف والأم ومنى المتزوجة بالإضافة إلى بطلة الرواية ..
كان ودي يكون فيه حوار في هذا الفصل .. لأن الحوار ممتع للقارئ ويغير جو .. لكن مع هذا حلو هالفصل وعطانا تصوّر عن الأسرة وعلاقة الأم مع بنتها منى ..!

الفصل الثالث :
أحلى فصل حتى الآن .. لأن فهد رجع

في هالفصل عرفنا عن فهد عدة تناقضات .. مشاكس ولكنه مجتهد .. يرفع الضغط ولكنه محبوب ..

وسالفته مع البريد والإضافة والهدوء الغريب ؟؟ وش السبب ؟؟

بالنسبة للجزء الثاني تكملة للفصل الثاني عن الأسرة .. ولكن وش سبب حزن بطلة القصة
اللي للحين ما عرفنا اسمها؟؟

الفصل الرابع :
تطور عجيب في علاقة بطلة القصة اللي مالها اسم وبين المهندس فهد

للحين ما حصلنا على الأجوبة .. وش اللي غيّر فهد؟ وش سبب هدوءه؟
ممكن مشاكساته مع اللي مالها اسم بسبب اعجابه بها .. لكن سر الهدوء والتغير في الطباع وشو؟

الفصل هذا كالعادة مشهدين .. مشهد العمل ومشهد البيت .. محد يطلع الكوفي شوب؟ والا حياة مول؟ اطلعوا شموا هواء الله يصلحكم

الفصل الخامس :
فصل محزن ..!

للأسف هذا واقع مشاهد يحصل كثير .. الأجداد هم اللي يتحكمون في مصير أحفادهم ويصير شي إلزامي يجب تنفيذه ..!
أقل ما يقال عن تحديد مصير الغير بأنه " تخلّف " ..!

أعتذر على الإطالة .. ولكن استغليت فرصة توفر الوقت فقرأت باقي الفصول وعلقت عليها

برا الموضوع : الله يذكر أبوريمان بالخير والله أنه فقيدة

أرسلت له على جواله أعلمه بروايتك قلت يمكن يرجع له الحنين لكتابة الروايات .. لكنه رد علي بأنه اعتزل الكتابة

موضوعك وربي كل ما دخلته تذكرت أبوريمان ورواياته .. مع أن أسلوبكم يختلف لكنكم تجبرون اللي ما يحب قراءة الروايات انه يحبها ويتابعكم