|
لماذا لا نقتدي بجماهير روما بسم الله الرحمن الرحيم احبتي جماهير الزعيم اسعد الله اوقاتكم بكل الحب :smilie47::smilie47::smilie47::smilie47: فعلا لماذا لانقتدي بجماهير فريق روما الايطالي من حيث المسانده والحضور والتشجيع والمؤازره قرأت تقرير عن هذا الفريق ووجدت بأنه الوحيد الذي يملك جماهير تسانده عند الفوز حتى عند الخساره تجدهم يشدون من ازرهم ولا يحبطون اللاعبين ويقفون مع ادارةالنادي في كل ماتذهب اليه من تعاقداتها ... فالإختلاف بيننا وبين روما اننا متواجدين في منصات التتويج موسميا ولله الحمد والمنه اللهم لاحسد:smilie47::smilie47: دعونا جميعا نترك الانتقاد جانبا ونقف خلف الفريق لأننا الأن في وقت الحصاد:rose::rose: ((((( أخوكم مصداري تؤكد ))))) |
والله اقتراحك جيد يا اخوي لكن ؟؟ لكن بصراحة يعني عندنا عينات جمهور ما تعرف غير ثقافة الانتصار فقط لا غير ؟؟ يعني اذا ما فزت يا ويلك بالويل ... وهذا الشيء لا يمكن تصورة اطلاقا وليس من المنطق اصلا .. ياخي مثل ما نادينا يتعب ويشتغل الاندية الثانية تشتغل مثلنا و تبي يكون لها بصمة في الدوري .. اتصور متى ما ادرك الجمهور هذي النقطة ممكن نطبق اللي يطبقة جمهور روما .. |
إيه هين مع جمهور الرياض حبيبي تبغى الكلام هذا يطبق أنقل مباريات الهلال الدمام أو القصيم وأنا أضمن لك أن الشيء هذا يصير |
بس مصادرك ما تؤكد اختلاف الوجيه في المدرجات ؟ |
يا ليت ، بس يقولون يا ليت ما تعمر بيت ليش تروح بعيد انت شفت الحمهور العماني كيف شجع منتخب بلده 120 دقيقة متواصلة التشجيع حافز مهم للاعبين ولا بد |
يارجال لا تروح بعيد رح لجمهور النصر شف وشلون يساندون لاعبينهم هم و؟؟؟؟؟؟؟؟ (بس المدرجات) |
جمهور الهلال في الرياض كيف الحال !!! اتمنى ان الهلال ينقل بعض المباريات خارج الرياض ... مثلا امام الاتفاق في بريدة وامام الشباب في الدمام !!! خلوا الرياض للنهائيات !!! جمهور الرياض سيئ ولا يبيض الوجه !!! فريق متصدر وعلى وجه نهائي وشوفوا اليوم الجمهور !!! الصراحة اللي يقتدون بجمهور روما هم جمهور الفقر ولو يلعب معهم دجاجة لقبوه بأحسن الالقاب حتى يتحسم مستواه !!! |
ياخي خانت نكون صريحين مع بعض الكل وده يرووح للمدرج بس مو المشكله هناك المشكله انك ترووح تعسكر من الساعه 4 العصر بهالشمس وتحجز اماكن وتوقف اشغالك وكل هذا تسويه ماقلنا شي بس انت شف الجمهور الي برا انت تعرف ليش موجووده الارقام الي على الكرسي ؟؟لان الرقم هذا هو رقم خاص فيك تجي باي وقت تقعد محجووز لك مستحيل احد يجي مكانك مو زي هنا وبعدين مافي حتى ترتيب امني وانووااع المشاكل غير ان مافي اي خدمات مقدمه لك وماتقدر لوتشرب مويه والحمام الله يعزك ويعز الي يقروون زي الزفت الواحد لو كان حشران ودخل الحمام يهون ترووح حشرته من قوة سدة النفس ياخي خلنا صريحين شوي كل شي يهوون لاجل الزعيم ماقلنا شي بس لاتنسى ان في ناس مريضين لازم كل شوي يرووحون الحمام ويشربوون ويتغذون وانا واحد منهم الواحد الحين صار يتحاشى المدرجات بسبة هالشي اول كان يدورون علينا باكل وشرب والحين وطبعا بفضل عبدالهادي المخرب اقصد الامين طفشوا الجماهير ونزحوا معليش قدملي خدمات الي باوروبا وانا اول من بيعسكر تقبل المروور |
نقتدي بكفااار هذا اللي نااااقص |
اول شي الحمدالله ان الموضوع فيه شوي تغير لان كل المنتدى طارق ونيفيز .. اخوي لا تروح بعيد شف جمهور النصر اذا انهزم زادو... .؟ رغم اننا نتفوق عليهم بالاحصائيات والكل يشهد .. بعدين اذا بنصير مثل روما ... جبلي امن مثل روما موب واحد يقعد يطردك بر ا الملعب وانت ما سويت شي .. ولا تجي من العصر وتروح تصلي وترجع تلقى مكانك ماخوذ واذا دخلنا لا مويه ولا شي يدخلونه حتى الاعلام ياخذونها الي فيها صور .. والله من تروح تحس انك ضب ... موب انسان جاي يشجع فريقه .. بعدين مع احترامي لرئيس رابطه الهلال محمد غندر لا يوجد شي جديد كله مقلد وكلها عارفينها .. عكس حقوي الي كل مبارات يطلع شي جديد ... لكن مع كل الصعوبات الي قلتها ما زلت احضر واساند الزعيم ... في امان الله |
الامير نواف يطالبكم بالحضووور ياجمهور الهلال |
كلآم رائع وانآ والله وآحد من اللي يحيـــون الزعيم حتى بحــآلة الخســآرهـ واكيد فيه الكثير اللي زي كذآ لكــن الآهم هو الحضور الحضـــور يعطيك العافيه اخوي مودتـــــي |
ايه والله وش أقول بس:smilie47::smilie47::smilie47: الفريق في هذا الموسم مهزوم أربعة من الانتر والجماهير وقفت تشجع لآخر دقيقة في المباراة :roma::roma::roma::roma: |
شدني كلام الاخوين الظريفين .. الأخ الحبيب من جدة تراك تحضر مباراتين بالسنة اوكي؟ بموسم واحد مشجع الرياض يحضر مثل ما انت تحضر في خمس سنين عالاقل يعني رجاءا بيتك من زجاج لاترمي بيوت الناس بحجر :) والأخ الجبل الثلجي أقول ندري ان العالمي حقك اطلق فريق بالعالم ليش تقارن العالمي العظيم بفريق زي فريقنا؟ موب ذنبنا مانعرف نزور بطولات مثلكم وبين اسبوعين صرتوا 33 بطولة :( جمهور الرياض لايقيمه رجاءا ابو مباراتين بالموسم ترانا نحضر اكثر منكم يعني ارجوكم ارحموا عقولنا :) على فكرة جمهور روما وجمهور دورتموند تحضر للفريق بس .. عارفة ان فرقها ماهي فرق بطولات وماهي الفرق الاكبر في بلدها علشان كذا تشجع بكل مباراة لان طموحهم مركز للبطولات الخارجية واللعب على الكؤوس ومع هالدفعات المعنوية يجيبون الدوري احيانا .. غير انهم يشترون التذكرة وكراسيهم مايقعدون عليها الا لما يدخل الفريقين ولا احد ياخذ مكانه .. وجيه سمحة من رجال الامن رغم ان جمهور روما جمهور حرش وحق طقاق وشغب لكن مايتعرضون لهم رجال الامن الا لما يغلطون .. وبأسلوب راقي يمسكه ويمنعون دخوله الملعب مرة ثانية بحياته .. مهوب يشوته بلا اي احترام لشخصه ولا انسانيته ..!! غير الصبات تبعنا وقلة الحياء برجال الامن البواسل اللي فالحين يغثونا اما في البوابات انواع السرقات ولا تلقاهم حسبي الله عليهم .. الهلال فريق بطل .. جمهوره يحاسبه على تعادل ويمكن مايحضر لين يصحح الفريق وضعه .. هذا شيء تاريخي بالهلال مايعرفه صغار السن لكن الجمهور يضبط أداء الفريق خاصة جمهور الرياض .. ترا حتى برا كثير نلقى اليوفي يحضر بلا جمهور تقريبا .. ميلان بالكوبا جمهوره ضعيف .. روما هالسنة شفتهم ولا عبوا ثلث الملعب حتى ..!! عيب تقارنون ملاعب برا بملاعبنا .. برا يجون يستمتعون واحنا نجي بس تلبية لواجب الهلال ولا ترا قسم بالله مانطب ملاعب الخياس ذي .. كالعادة تصايحون وجمهور الرياض ياوعين ماتحضرون ولما نعبي الملعب كل واحد يحوّل غير متصل لكن بكل سعة وجه نلقاه ينقز المباراة اللي بعدها بالرياض يتطنز خخخخخخخخخخخخ ما احب التفرقة بين الجمهور كلنا جمهور هلالي على قلب واحد لكن احقاقا للحق ترانا نحضر اكثر منكم ولاهو انتم تقيمون حضورنا مع كل الحب والاحترام لكم ومثل مايكون الملعب فاضي بكاس فيصل بالرياض .. تراه يفضى بالدمام وبالرس وبجدة وبكل مكان بالمملكة وترانا نشوف المباريات عالتلفزيون قسم بالله محنب أغبياء أو عميان مانشوف :) لا للزرف وأكل الحق بالباطل |
إقتباس:
ترانا ماقتدينا بدينهم ولا بمعتقداتهم وخرابيطهم ؟ |
| الوقت المعتمد في المنتدى بتوقيت جرينتش +3.
الوقت الان » 11:26 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd