|
اسمح يا سمو الامير ..... الا جماهير الهلال في مدينة الرياض @@@ خويك في الليالي المعاسير بسم الله الرحمن الرحيم السلام عليكم يازعماء كثر الكلام عن جماهير الهلال في مدينة الرياض وانهم مقصرين بعدم الحضور. ولكن لا ننسى ان جمهور الهلال بمدينة الرياض هو الجمهور الاول الذي شارك النادي في الانجازات وهم اللي قام النادي على اكتافهم. تضايقت وانا اشوف الاتهامات لجمهور الهلال بمدينة الرياض من بعض الجماهير والمسؤلين في النادي. جمهور الرياض ينطبق عليهم قول الشاعر انا خويك في الليالي المعاسير .... ولا الرخا... كلن يسد بمكاني. نعم أيها الزعماء ... جمهور الهلال في الرياض هو جمهور المواقف الصعبة واسألوا الترجي التونسي وناقويا الياباني و شيميزوا .. واسألوا الكويت الكويتي و العربي الكويتي واسألوا البطولات الخليجية والعربية والاسيوية لماذا حققها الهلال. جمهور الهلال في الرياض اغلبه من الموظفين والطلاب ولكن المباريات كثيره علشان كذا صاروا يحضرون المباريات المهمة . عاد من زين هالملاعب اللي تحترم الجماهير .... انواع الاستفزازات من الامن وادارة الملعب والرابطة الغريبة. و تسمح لي الادارة لانها ما تدافع عن جماهيرها اللي يشوفون انواع الاستفزازت من رجال الامن وادارات الملاعب. حتى الرابطة تفشل صارت تخرب علاقاتنا بالانديه وتقول اهازيح تفشل تفشل تفشل تفشل اجل وش تش تش ... هلالي يربش ... بزران حنا ... ؟؟؟ غندر صار اشهر من بروسلي بسبة اهازيج الشتايم بينه وبين حقوي ومن زين الطبايع يخرب علاقاتنا مع الاندية تبون نجي كل مباراة؟ على الاقل يا ادارة النادي تكرموا وشوفوا وش يصير لنا في المدرجات |
تدري عاد،، اكسل واعجز ناس هم احنا يالسعوديين ،، لا تقولي طلاب ولا موظفين يعني ما يقدر يجي الملعب بس يقدر يروح مقهى في قلعه وادرين ويتفرج والله انه احمس انك تشوف المباريات في المقاهي حضور جمماهيري اكثر من الملعب واسئل مقهى الأطلال ويدفعون في المقهى اكثر من الي يدفعونه في الملعب والله يا خوك العيب فينا شف الملاعب التركيه ولا الاسبانيه ولا اليابانيه اقولك لا تروح بعيد المللاعب في سوريا |
كل جماهير الزعيم فيهم الخير |
والله أنك بردت ما في خاطري ياخي صارت سالفه عن البعض .. جمهور الرياض وجمهور الرياض صـرنا مضحكه عند اللى يسوى واللى ما يسوى صار لنا سنتين وكل سوالفنا جمهور الرياض يفــشل .. والله حاله انا واحد من اللى ما يحضر الملاعب لأسباب كثيره أولها الهمج .. ولا يهونون العساكر .. تخيل اربع سااعات بالملعب وربي احيانا ما يطب ثمي لا مويه ولا عصير والسبب عشان الكرسي لا يروح علي والا اللحجي اللى ماسك البوابه ما يدخلني .. وتقولون جمهور الرياض يا زين أول يوم البنغالية يفترون بين الجمهور ويبيعون .. والحين انقرضوا والسبب الــهمج والتــخلف لا تعدل الوضع ذيك الساعه ابشروا بالحضور .. والى مو عاجبه كلها ساعتين والبحر عندك .. تــشاو |
إقتباس:
ليش تروح بعيد شف ملعب جده او الدمام او القصيم كل جمهور الهلال في المملكه يملون الملعب واسعار التذاكر ترتفع وجمهور الهلال في الرياض غير موجود حتى ادارة النادي قامة تشتكي من جمهور الرياض |
انتــــــــــــــــــظر ادارة الهلال يجبون لكم مدرب عالمي يعلمكم طريقة التشجيع وتحفيز لاعبينكم وبطريقهم يحضرون لكم قائد رابطة محترف وبشرط يكون دولي !!! ياخوي العزيز انت تضايقت من الاتهامات لجماهير الهلال ولم تتضايق حين تشوف مدرجات خاااااااوية وكان موقع نادي الهلال الجماهيري الزعيم الاسيوي بقرية عشيره وليس بعاصمة المملكة العربية السعودية اكبر واكثر مدن السعوديه سكااان ! عجــــــــــبي عليك وعلى تضايققك ياخي الكريم لاتجلس تسوي مبررات لعدم حضورمباريات زعيمنا وتشجيعهم على التقاعس وتلقن جماهيرنا الاعذار مسبقا بداعي العمل والدراسة لان هذا هو حال كل الجماهير وبكل المناطق وياليتك لم تكتب موضوعك واحتجاجك على الاتهام حسب كلامك وقبل مبارة مهمه وشبه صعبه ومطلوب الجماهير بها بقووه اخي الكريم نعم معك في بعض المضايقات والمخالفات للجماهير الهلالية ولاكن يعطيك الضوء الاخضر لاعتراض هذا وتضايقك لانه وبكل صدق هذا مايعرفه كل الجماهير بكل المناطق فرجاااا منك عدم التبرير والتشجيع جماهيرنا الوفيه بالرياض لمساندة فريقها وماسمعته من الادارة ومن بعض الجماهير واقع وصحيح والواجب عليك انت اولا الحضور والدعوة لكل الجماهير لحضورهم حتى تثبت كلامك وتبرهنه بالحضور فان حضرت وشجعت باقي الجماهير للحضور فاهلا وسهلا بك والا جلووسك ببيتك لايعي باقي جماهيرنا بشي والسلاااام ختام |
حتى الاداراه تشكتي اخر مباراه بس اكبر دليل قدام النصر في الاستاد كان مدرج النصر فاضي عكس الهلال مباراه في جده والقصيم والشرقيه وعملوو لها الف حساب بكره انتظرك في المدرج يا ابو صلوحي انت وصلوحي حياكم الله واصحاب المقاهي اللي اعرفه حتى من غير مباريات تكون مليانه المقاهي سوى فيه مباراه او ما فيه مباراه |
عزيزي ضحك ولعب وجد ارجوك لاتشكك في هلاليتي او هلالية اي احد اخر. قبل ان تولد انت ، كنا نشيل سطول الموية ونوديها للنادي علشان اللعيبة تشرب بعد التمرين يوم الرياض كل يوم منقطعه فيها الموية كنا نركب في الددسن عشرين شخص في صندوق ونيت نروح للمعب في عز القوايل علشان نزف الهلال لبطولة و مازلنا نروح وبدون دعوة ولا نحتاج دعوة اذا كنت شريت شال بعشرة وسويت صورتين بالفوتوشوب مهوب معناها انت الهلالي وغيرك خاين جمهور الهلال في الرياض هو الاصل والاساس ولايحتاجون توجيه او دعوه او بلبلة من الادارة اذا تبيهم يحضرون تحشمهم مهوب تخليهم بعد كل مباراة يتندحون في المنتدى يشتكون من مضايقات الملعب وهم ساكتين |
والله جمهور الرياض جمهور مقاهي جمهور استراحات اسمحو لي اجل يرضيكم الزعيم الاسيوي وجمهور العاصم كيذا مع احتراماتي جمهور لايحب الفريق |
إقتباس:
الكلام سهل .. اروح المقهى او الاستراحة بكرامتي يعاملوني كعميل .. يحاولون يخلوني مرتاح المفروض الي رايح الملعب جاي للترفيه لا منشئات ولا كوادر عندنا الظاهر ماشفت تعامل عسكرنا مو معقوله اذا ابي اجلس بمكان يساعد اني اتابع المباراة اجي قبل المباراه باكثر من 4 ساعات ملاعبنا تحتاج وقفه |
إقتباس:
لا تتعذرون عشان عسكري ولو عسكري مره غلط عليك موب معناته بيغلطون عليك كل مباراه بأختصار |
انا خويك في الليالي المعاسير .... ولا الرخا... كلن يسد بمكاني. انا اشهد انك ماصدقت ومالكم فضل لان استشهادك كان على نهائيات وبعدين اكسل جمهور جمهور الرياض تبي اذكرك بتهديد عبدالله بن مساعد يوم يقول بينقل مباريات الزعيم الشرقيه وبعدين بتحضرون ولا تنازلنا عن جماهير الرياض لتشجيع الهلال السوداني :ap:والله لو ولد كان خيمت في الملعب |
اللي يقهرنى اللي يتكلم عن جمهور الريااض و يمدح جمهور ناادى مناافس لناا الحين حناا نحظر و نجى داايم و تقعدون تقو لون جمهور الريااض اللي يقهرنى ليه مباارياات الهلال اللي بالريااض يوم السبت الاحد وذاك الفريق اياام الاجاازات على العموم جمااهيرية الهلال لكبيره في الريااض و رااح تحظر و اسال مدرجات الملك قله من اللي خلا المدرجاات فل غير ناادى الهلال |
يا شيخ والله جمهور الرياض يفشل صراحه كيف تقولي جمهور الهلال في الرياض أغلبهم طلاب وموظفين أجل في المدن الثانيه جن ولا وش مافيه إلا أنتم طلاب وموظفين والله كلام غريب ويوم تقولي جمهور الهلال في المواقف الصعبه يا حبيبي في النهائيات تجيك طائرات ماهي باصات من عندنا من الشرقيه وغيرها في جميع مدن المملكه ماهو أنتم بس صراحه والله عليكم كلام عندنا في الشرقيه والله سب وتجريح بعد فيكم ياأخي شوفوا تعلموا من عندنا ذوق التشجيع في الشرقيه ""نحسب حساب متى تجي المباراة مع الأتفاق"" |
تـــــسلم على ماكتبته بس ابيك قبل ماتبداااا المباررره اللي في الرياض تطلع برى المدرجات وتــــــــــشوف الغرابه في الجــــــــمهوررر اللي حـــــاظرر وتسألهم من وين جااااين بعيد تـــشوف منهوو خووويكفي الليالي المعاسيررر مين ومن وين جـــــاي اللي من القصيم واللي من الشرقيه واللي حتى من جـــده |
| الوقت المعتمد في المنتدى بتوقيت جرينتش +3.
الوقت الان » 07:23 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd