بـثوب دوبليـن.. وغتـرة ملمـل.. وشطفـه.. ( بترجع ذيك الايام ياهلال ) - صفحة رقم 5 - نادي الهلال السعودي - شبكة الزعيم

Fahad Al Sudais · #61 03/02/2009, 09:16 AM

إقتباس

الرسالة الأصلية كتبت بواسطة T U R K I _ 15


	لا يكثر بس جمهور منول 5 ريال دخول الملاعب الحين 20 ريال <<<< يقاله حجرلك ما عندهم منتدى او مكان او مساحه ينتقدون فيها واعلام مثل اعلامنا هاليوم الحين الجمهور اصبح واعي ومثقف بدرجه انك تكتب موضوع مثل هذا رح للمعيقليه واشتر درزن زين وش دخلنا فيك بتروح باكر انا بروح باتسر لا تقعد تزعجنا مستانس انك كبير يعني رح الله لا يحفظك ياجروج بن بوش

والـ 5 ريال منوّل تسوى 50 ريال الحين << الله اعلم من حجّر للثاني

وحقّون جده كانو يجتمعون بالمركاز... اطلق من اطلق منتدى

وكان فيه إعلام مايطق له إعلامك الحين باصبع... واسأل عن اذاعة طامي

وعلى طاري اني كبير... شربت حليبك ولا مشّيتها سيرلاك اليوم

رح الله لايوفقك اقصد جمال تونسي

The Big Blue · #62 03/02/2009, 09:26 AM

من خلال متابعتي للمباريات القديمه على اشرطة الفديو

وخاصه بالفتره الي قلت عنها

ما اشوف حماس جماهيري الا بمباريات النصر والبطولات الخارجية

وبعدين اللعب كان يحوم التسبد صراحة طقها والحقها

عموما لك كل الشكر

السراب F16 · #63 03/02/2009, 09:49 AM

الله يعطيك العافيه على الموضوع اللي بلاشك راح يكون دافع للحضور والمسانده

وانا اذكر ذيك المباراة كنت في بطن امي بس كنت مشترك في جوال الزعيم
وجاتني نتيجة المباراة وقتها هههههههه << مسوي ظريف هاه.

الهـــــــــــــــــــــــــــــــــمـــــــــــــــه ياجمهور الزعيم
والله الله بالحضور .

الــســـلـــمـــي · #64 03/02/2009, 09:54 AM

و بالأخير مافاز الهلال بذيك البطولة صح !
لو ان الجماهير تنتقد كان فزنا

وعلى العموم لو أنه بطولة مهمة كان والله أنا أول من يحضر بس بصراحة كأس فيصل مهيب طموحنا .

Ghosty · #65 03/02/2009, 10:10 AM

وش ذا الكلام يالصخرة

ياخي وانا اقراء موضوعك حسيت اخنقتني العبرة من شيئين
اولهما : ==> (حبة عربي فصيح) يوم جلست تروي الذكريات والله انها إلى الحين ناشبة في راسي خصوصا شوتات يوسف جازع الي دايم يسطحها ببيوت الجيران الي بالملز.
وثانيهما: ردود بعض الجيال التالي .. جيل الدش والبلي ستيشن .. خلتني احس اني صدق شايب .. بس ترى القلب شباب

ياليتي معكم بس يالله عسى الله يردنا من غربتنا سالمين

الله يوفقك يالصخرة ويوفق هلالنا قدام الشباب.

P.S. تتذكر ذيك الأيام ماتشوف إلا شمغ بالملعب ... اما الحين قصات ويلبسون ذات الرفارف ( قبعات) بس عادي البسوا الي تبون بس احظروا

الزعيمـ الاسيوي · #66 03/02/2009, 10:14 AM

جمهور الهلال سابقاً كان هو اللاعب رقم 1 ..
جمهور يحمسك ولا اخفيك ان جمهور الهلال (وشوفتي له من خلف الشاشات) ايام الصغر
هي سبب عشقي لهالنادي .. وعشق كثيرين !!

لكن جمهور الهلال الآن .. هل يقوم بكل ادوارهـ!؟
هل كل مشجع هلالي وأنا اولهم نؤمن أن دورناً الأول هو تحفيز الفريق ونحاول نقوم بهالدور !!

ومثل مانلوم بعضناّ .. او نحاول اننا نحسن من حضورناّ ..
لابد يتجه جزء كبير من اللوم للـ الجهات المسئولة عن الجمهور .. لانها هي (الوقود) وهي (المحُرك) .. وهي من يملك الكثير من الحلول ّ لزيادة الحماس او حتى (التثبيط من المعنويات) !! !

salom3007 · #67 03/02/2009, 10:21 AM

طرح موفق واتمنى ان يستفيد الجميع ويتحقق الهدف الاساسي للموضوع

وبالتوفق يالهلااااااااال

القبطان الأزرق · #68 03/02/2009, 10:23 AM

هلا والله أخوي الصخرة

دايــم مواضــيعك ممتعــة وأنــا أســـتغرب عدم وضعها بالتــثبـــيت

المهم

والله يابانوا الشيبان وبانت الاعمــار وبانــوا الكتاكيت والصغار

خخخخخخخخخخ

أجل ثوب دوبلين وغترة ململ وشطفه هههههههههههههههههه

أضحك الله ضرسك يارجــل

مشكور على الموضوع التحفــيزي لجمهــو رالزعــيم

الازووووري66 · #69 03/02/2009, 10:27 AM

ههههههه أحس وانت تتكـلم فاتـح بؤكـ شبرين < مزحهـ يا أخـوي .

ابشـر يا غالي هـا حنـا بنمشـي مـع الباصاتـ المغـادرة من الأحساء .

لاحظـ أختباراتـ وبقطـع مسافـة 400 كـم لمعشوقي الهـلال .

هـذا وقـت شرح الصـدر مـع الزعمـاء قبل معركة الكتب هـع

شاكـر لكـ عزيزي

Fahad Al Sudais · #70 03/02/2009, 10:47 AM

إقتباس

الرسالة الأصلية كتبت بواسطة قصيمي&&رايداوي


	ياخي تحس انه من القهر وده يتشعمط ( ينط/لغير الناطقين باللهجه القصيميه )

قصدك يتمعقط

يتشعمط --> مصرية

يتمعقط --> قصمنجية

لك -- >

+

Fahad Al Sudais · #71 03/02/2009, 11:10 AM

الف شكر لكل من مر ولبس معي ثوب الدوبلين وغترة الململ والشطفة

وتستاهلون تكشخون بالدقلــه

7

7

Fahad Al Sudais · #72 03/02/2009, 04:36 PM

إقتباس

الرسالة الأصلية كتبت بواسطة Madrid Wolf


	شل الرابطة وتشوف الجمهور ......................................

هلا بالغالي

ياخي ماعليك من الرابطة... خلها تولّي

انا مثلك والله اني اتضايق من وجودها... لكن ماهي اكبر همي

وما اظن ان الرابطة سبب كافي لعدم الحضور

المفروض يكون ولائنا اكبر من كذا يالغالي

الف شكر لك

بحـــر · #73 03/02/2009, 04:50 PM

بيض الله وجهك اخوي الصخره. وان شاءالله كلنا بالملعب حضووووووور نبيها اليوم اثبات من هو الزعيييييييييييم

احمد التيماوي · #74 03/02/2009, 05:06 PM

الف شكر عالطرح الشيق اهنيك عالاسترسال المفيد
وان شاء الله جمهور الرياض يبيض الوجه
ويبقى زعيمنا زعيما لاسيا باسرها

.z.o.z.o · #75 03/02/2009, 05:41 PM

الله يرحم ايام اول بس

مع اننا مالحقنا كثير بس اذكرر يوم اني كنت صغيركان اخوي يروح الملعب

وانا محسب اخوي بيلعب معاهم فأقول للوالدة وين اخوي >>>>>خخخخخخخخخخ

مكشور عالموضوع