كان يصبّح بـ :

سباح الخير رائد براهيييم .... كيف السواويييق اليوم

والحين مع اخونا في الله احمد :

أصعد الله صباحك الرائد ابراهيم ابن ابي شرارة الألمعي رئيس مركز القيادة والتحكم في مرور منطقة الرياض

ماذا في جعبتك اليوم بارك الله فيك

تلقى ابومحمد يقول : لآبو المرور لآآآبو آآآبو جعبتي ياشيييخ

تراي امزح واحب اذاعة القرآن واحب احمد وعبدالرحمن وكل ابو دايم اشارك معهم وارسل لهم حكمة الصباح


الموهيييم


انا ناوي بإذن الله ازور ابومحمد في دوامه

وآخذ له معي هدية حلوة تستاهل ذاك الوجه الادهم

وراح اعقد انا وإيّاه اجتماع مغلق على مستوى القعدة

علشان اعرض عليه مشكلتي اللي جابت لي الصمرقع

وهي باختصار

إنّي ساكن بحي الروابي

ودوامي بالروضة

يعني مافيه بيني وبين دوامي الا هالغثيث اللي مايتسمّاش ( طريق خريص )

الغثاء والقهر إنّي لازم اجي من دوار الاحساء ( عند حقّون الكبدة اللي يفطر عندهم مواصل )

وآخذ لي نص ساعة مشوار حتى اوصل اشارة الحسن بن علي

ثم اسوي يوتيـرن وآخذ لي ربع ساعة حتى اوصل للمخرج اللي يودّي للدوام

انواع القلق والشعور بالغبن يوميا

ما اوصل للدوام الا وانا مثل هذا -->

جميع هذه الامور سوف اطرحها على طاولة النقاش مع الرائد ابراهيم

ويمين بالله ماراح اقوم لييين يلقى لي حل

والا بآخذ هديتي واخرّب جهاز التحكم حقه واطلع..

خل التريلات تدخل بالشاحنات وينعفس طريق الملك الملك فهد للقادمين جنوبا من كوبري عتيقة ههههههههههههههههه
.

.


عاد على الطاري << مسك خط بهذرة ثانية

اذكر قبل سنتين رحت مدينة خليجية كلنا نحبها

صراحة في فرق شاسع بيننا وبينهم في الشوارع والالتزام بأنظمة المرور

اذكر ذاك اليوم قطعت الاشارة

ومادريت الا وذاك الشرطي صافط بجنبي

وانا اطق ذيك الابتسامة العريضة واقول : يالله انّك تحييه يالله انّك تحييه... ياحبّي لكم ياشعب الـ(..........)

الا يوم رد الماخوذ : إيس كلام ؟؟ نهي قرقر.. هات روكصة

طارت عيوني وقلت : ابشر ابشر طال عمرك لكن رخصتي بالفندق

قام ينفّص عيونه وقال : نهي روكصة

واخذ الجهاز حقه وقام يتصل

ثلاث دقايق الا وذيك الدورية جاية

وركبوني وسيييدا للقسم

وعاد الله لايورّيكم... ريحة القسم تفوووح دهن ابوفاس

كان عندي شغالة سيرلانكية تستخدمه وسفّرتها بعد اسبوع

الموهييم

دخّلوني على ضابط الخفر

قلت له : انا داخل على الله ثم عليك ياللحية الغانمة

قال : إيس كلام ؟؟

قلت : ياطويل العمر انا قطعت الاشارة بدون ما انتبه لها.. وبعدين كلّنا اخوان وخليجنا واحد

قال : نهي قرقر... مود مسكل مود خراب... فين زواز مال انتا ؟؟

قلت : الجواز بمخباتي... لكن ماتوصل الامور لهالدرجة الله يطوّل لي بعمرك

قال : نهي قرقر... زيب زواز

قلت له : إمعصي والله... والله ماتمدّه يابوهنّود

قام نادى لي شلّة السيرلانكيين اللي عند الباب وشالوني للحجز

سوّيت لهم قلق بالحجز وخربت ابوها

وقمت اطالب بحقوق الانسان

جابوا لي رئيس منظمة حقوق الانسان حقتهم... زارني في الحجز

قال لي : سوف صديق.. انا معلوم انتا كويس... انا مايهبّو سوف انتا وازد كلبوس... لازم انتا روه مدير كبير مال سووورطه وكلام انا قلطان

قلت له : ابشر.. اروح له واعتذر منه واحب راسه بعد... وش تبي بعد

قال : ميّه ميّه... انتا كويس

ورحت لمدير الشرطة حقهم وحبيت على راسه ودفعت المخالفة وطلعت

ورجعت للديرة بعد جدل بيزنطي لطيف مع اشقائي الخليجيين ابناء تلك المدينة الكويسة <-- امحق.. قصدك

حـرّه أبيّـه ... يالسعوديّه

والله انك توووووووووووووووحفه خصوصاً بعد المكيف


الا اقولك ورا ماتروح تجيب المكيف وتعطيه ابو شراره يحليله بديت احب اسمعله

الصباح اكثر من فيروز ياخي صوته يغرد الصبح:

اثـريك خريج سجـون يآلصخره

يآ شيخ بس الريآض زحمه والسبب بـ نظري كثره العمآله

يآ شيخ طريق خريص يجيب المرض بالزحمـه

آلحل بآلنسبه لي نقرشع العمآله السآئبه


آلمهــم الدوله الخليجيه تسني عرفتهـآ

آجل آبو هنود يقول لك ابي جوآزك

ههههههههههههههههههههههههههه


,,

فـهد دآئمـآ تتحفنـآ بـ موآضيع مميـزه وفكآهيه بنفس الوقت

ياهلا والله بالصخرة



ياحبيلة أبو شرارة والله أنه ملح صبااااح الرياااض أيطل

بعدين الصبح افتح على اذاعة رادو افتح على تلفزيون اي شي حتى لو جريدة تلاقية
ماشاءالله ربعنا محللينه تحليل
وماقول الا الله يقوية ياخي والله اني زيك احبة يالبا قلبة


اما سالفتك .. يخوي قهر هندي وينافخ حتى لوك موب قاطع حتى لوك مفحط قدامة خخخ

يخوي العسكري إذا ماجاك من أهل الديرة ولا لاتوقفلة بس


المهم اذا جيت بتروحله سلملي عليه تكفى وحبلي راسة


ويعطيك العافية ع الموضوع يالغلا
ودمت بخير ياوجة الخير..’

™©® سلااااااااااااااااااااااااام ©® ™



اما ابو شرارة شكله بيصير حبيب الشعب وبتزود شعبيته

ولا تستغرب ان جمهور النصر يترك النصر ويشجع ابو شرارة






من حبي له اسمعه في mbc ثم احول على اذاعة الرياض علشان اسمعه ثانية



عساك سمعته قبل اسبوع؟

يوم يتصل واحد ويقول انه واقف في الاشارة ووراه واحد يضرب بوري

ويقول : اللي وراي يضرب وانا اقول يا ملعـ ..... الوالدين وين تبيني اروح


من جد ضحكت هاك اليوم على المتصل



ايس في سديق


™©® وسلااااااااااااااااااااااااام ©® ™

إقتباس الرسالة الأصلية كتبت بواسطة k3ak3 والله انك توووووووووووووووحفه خصوصاً بعد المكيف الا اقولك ورا ماتروح تجيب المكيف وتعطيه ابو شراره يحليله بديت احب اسمعله الصباح اكثر من فيروز ياخي صوته يغرد الصبح:

وانت الى الحين عايش على ذكرى المكيف

خلاص ابوكلاسيك اغلق الموضوع وفتحت موضوع جديد بكل نشاط بعد ماشربت كوب الحليب

سؤال لك :

انت الحين اسمك كعاكع او كعكاع او كعكعكع او وش الهرجة بالزبط

تصحيح يا الصخره



تراه الحين صار مقدم مو رائد



تحياتي

ورى ما تعطيه المكيف هدية

والله يهالاطخم انه يفك ازمااااات

بالذات لين كنت حاط على الاف ام الصبحيه وتسمع القحطاني يذب

على البنت الي معه وتسمعها لين جت تكلمه بس جد والله انسان فاهم

وواثق من نفسه مهوب هالسبايك الي يجون عشان يقول الكلمه يجلس 3 دقايق

يبي يقول زحمه يتع تع فيها ساعه رح له يالفاضي وسلم لي عليه

إقتباس الرسالة الأصلية كتبت بواسطة ولد عنزة اثـريك خريج سجـون يآلصخره يآ شيخ بس الريآض زحمه والسبب بـ نظري كثره العمآله يآ شيخ طريق خريص يجيب المرض بالزحمـه آلحل بآلنسبه لي نقرشع العمآله السآئبه آلمهــم الدوله الخليجيه تسني عرفتهـآ آجل آبو هنود يقول لك ابي جوآزك ههههههههههههههههههههههههههه ,, فـهد دآئمـآ تتحفنـآ بـ موآضيع مميـزه وفكآهيه بنفس الوقت

نقرشع ... نقرشع ... نقرشع << فيس يحك راسه

هي بتجي بس اصبروا شوي

اها قصدك ( نزحلط ) صوووح

وبعدين انا ماقلت دولة خليجية... قلت مدينة

خلاص تكفى دامك عرفتها اسكت لايجي ابوحاتم وينتف ام الموضوع

هلا وغلا الصخرة << كتبت المصخرة بس أشوا عدلتها

على طاري المدينة الخليجية .. ذكرتني بموقف في مدينة خليجية قريبة من الشرقية

المهم .. أنا وصديقي رحنا سياحة لهالمدينة الخليجية وكنا نبي البحر ولا ندل بوه شي ..
قلت عاد من كبر دولتهم عشان نسأل .. كلها كم دقيقة ولقينا البحر

دجينا ودجينا ولفينا على كل المدن وبالأخير قربنا من البحر الحمد لله
لكن أنا أخطيت خطا بسيط وما لفيت مع اللفة اللي توديك البحر .. رحت قدام ولقيت حواجز مفتوحة وما عندها أحد .. قلت قدااااااام قداااااام والله لأمتر دولتكم لين ألقى بحركم يا عيال الذين

الزبدة دخلنا ساحة فاضية كنها مواقف سيارات .. إلا وهذاك العسكري اللي ماسك الرشاش وجاينا مسرع في ذيك الساعة كان ودي بوه حمام قريب عشان أروح له
مسكنا هالعسكري وكلامه مو مفهوم ولكن ملامح وجهه كأنه ايراني يقول : شنو يابكم هني؟ ما تشوفون اللوحات ؟ احين شنو اسوي فيكم ؟
قلنا وبطوننا تعورنا من الخوف : خلاص بنرجع ولا من شاف ولا من دري
وخلانا نرجع ..
لكن وحنا راجعين وقفنا عسكري ثاني برشاشه قال من وين انتم؟
هالعسكري أقص يدي اذا مو مغربي ..
قلنا نبي البحر وضيعنا .. قال مش معقول تايهين .. واخذ جوازاتنا ووقفنا عنده حوالي ساعة
وجات الشرطة وأخذتنا لمركز الزلاق وخويي كل الطريق وهو يقول حسبي الله عليك حسبي الله عليك هههههههههههههه
كنا بالطريق نسولف مع العسكري اللي ركب معانا عشان نشبكه ويتوسط لنا .. وسيارة الشرطة قدامنا تمشي ..!
وصلنا مركز الشرطة وأول ما دخلنا عليهم .. إلا والعسكر اللي معنا قالوا بكل حماس : سيدي هذولي داشين قصر الملك
أنا موب قاهرني الا العسكري اللي راكب معانا وشبكناه .. قلب علينا الحقير
قال الضابط : شنو شنو ؟ شلون داشين قصرالملك؟ ما تشوفون اللوحات؟
قلنا غلطانين نبي البحر
قال لا مو غلطانين .. مو معقولة ما تشوفون اللوحات ..
قلنا : الا والله غلطانين .. والا وش نبي بالملك ؟
<< ياهم قهروني .. كن محد عنده ملك غيرهم

الزبدة طولوا علينا واتصالات وقلق .. ولما عرفوا أن خويي اول مرة يجي دولتهم الخليجية وأنا ثاني مرة عذرونا .. والضابط اللي اتصلوا به قال فتشوا سيارتهم وخلوهم يروحون .. والحمد لله جاء الفرج

الله يقلعهم هم وملكهم الخايس

رجاء لحد يسألني عن هالدولة الخليجية لأن سياسة المنتدى تمنع التشهير

إقتباس الرسالة الأصلية كتبت بواسطة خالد الغرام دمت يامبدع

أطلق كلمة في ردّك << آآآبو النرجسية ياشيخ

مدري ليش اذا احد قال لي يامبدع يجيني احساس غريب

احس اني غبي الى درجة غير معقولة

هي يعني شوية غباء على ثوارة على سباكة.... كوكتيل دلاخة

دوك