30/01/2009, 04:47 PM
|
 | في انتظار تفعيل البريد من قبل العضو | | تاريخ التسجيل: 08/07/2008 المكان: الرياض
مشاركات: 655
| |
|
الجوهر والتخبطات؟؟؟؟؟؟؟؟ وإلى متى ياجمهور؟؟؟؟؟؟؟؟؟
السلام عليكم ورحمة الله وبركاته ياشباب
كيفكم إن شاء الله بخير
ياشباب أنا ألاحظ ان أكثر الاعضاء كل شوي ناط لي بموضوع الجوهر وتخبطاته الفنيه وخططه العقيمة
صحيح الجوهر عنده بعض الاخطاء وأنا أوافقكم على هذا الشئ
لكن فيه أمر الكثير من الجمهور ما انتبه له
وهو
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
" الـــــــغــــــــــــــيــــــــــــبـــــــــــــة"
فكثير من الاعضاء إذا نزل موضوع عن الجوهر تلقاه يتكلم عن الجوهر
وعن لبسه فهذي أنا ملاحظها كثير منهم يقول أنا مدري متى يترك الكبوس اللي على راسه ولا الجاكيت اللي عليه
سواء كان في الصيف ولا في الشتاء
ياشباب ترى موضوع الغيبه موضوع حساس وهو محبط للعمل
وحبيت اذكركم بحديث الرسول صلى الله عليه وسلم حيث قال
(الغيبة هي ذكرك أخاك بما يكره قال فإن كان فيه ما أقول قال فإن كان فيه ماتقول فقد إغتبته وإن لم يكن فيه ماتقول فقد بهته)
والبهتان هو : الكذب والافتراء على اخيك المسلم ونسب كلام ليس فيه أو انه لم يقل هذا الكلام
وفيه ناس ارتكبو البهتان بنسب أقوال لم يقلها الجوهر
أو فيه بعضهم يقول:
الجوهر تلقاه يقول يالله ياشباب اسرع واحد فيكم هو اللي بالهجوم والباقي يدافع والدفاع أطول واحد ينقز على الكوره
ويخلصها براسه والحارس بس عليك تناقز على الكوره وخلك على النيه يمكن تجي ويمكن ماتجي
طيب اللي يقول هالكلام هل فعلاً الجوهر قاله ولالا ياخوان ترى الموضوع حساس جداً
والله سبحانه وتعالى يقول:
( أيحب أحدكم أن يأكل لحم أخيه ميتاً فكرهتموه )
ياخوان فيه واحد منكم يرضى ياكل لحم انسان ميت ترى اي واحد منكم يغتاب كأنه جالس ياكل لحم واحد من المسلمين
وهو ميت
وهي كبيرة من كبائر الذنوب
واتمنا من اخواني الانتباه لهذا الموضوع
حبيت انبهكم لأني لاحظت هذه الملاحظه وهي منتشره في المنتدى خاصه وفي جلوسي مع الناس اللي مهتمه بالكوره عامة
فهم شغل حش في الجوهر وهو تلقاه جالس مع عياله ومستانس والحسنات تجيه سلام وهو جالس متونس من دون مايتعب
وماشاء الله من كثر حسناتنا علشان نوديها يمين وشمال في غيبه ولا نميمه ولا كذب ولا........ وعد واغلط
احنا محتاجين الحسنات اكثر من اننا نوزعها على فلان و علان الله المستعان الواحد الحين يالله يعد حسناته باليوم الواحد
بينما السيئات الله يغفر لنا عد واغلط
وفي الختام اتمنا منكم تقبل موضوعي بصدر رحب
واللي مو عاجبه الموضوع ويبي يتفلسف ويقول هذي مهي غيبه هذا شي موجود في الجوهر وحقيقه
اتمنا منه يرجع للحديث وإذا مافهم وش المقصود في الحديث يعلمني وانا افهمه
هذا ماكان عندي فإن كان من صواب فمن الله وإن كان من خطأ فمن نفسي والشيطان
تقبلو فآئق إحترامي وتقديري دمتم بود |
الوضع المتطور
