30/01/2009, 09:10 PM
|
 | زعيــم نشيــط | | تاريخ التسجيل: 06/10/2008 المكان: بعيون شلهوبه
مشاركات: 550
| |
|
والله أقولها من قلبي ليتها تصير ....
مراحب ...
كيفكم ياأحلى أعضاء في أغلى منتدى على قلبي والله
كلنا نشوف كوزمين وش يسوي بالشلهوب
جلسه في كل المباريات إحتياط وإن تكرم ودخله مادخله إلا دقيقتين أو أقل بعد
ماتسوى ولا دخلت شلهوبنا للملعب ... يعني إسم إني دخلته
ليته يدخله على أقل أخر عشر دقايق نقول ميخالف لكن يدخله دقيقتين
هذا إللي يرفع الضغط صدق ...
والله أقوله من كل قلبي وليته يصير إن الشلهوب يعار لأحد الأنديه فتره وجود كوزمين في الهلال
لأن المدرب واضح إنه مو مقتنع في الشلهوب مرررررررره << من ردى عقله
وراح تقولون زي ماقلت أننا مانتخيل نشوف الشلهوب بنادي ثاني غير الهلال وبلباس ثاني غير الأزرق
لكن والله إنه محسوب إنه لاعب يلعب في الهلال على فاضي ... ماعدنا نشوفهه أبددد
وحراااااااااااااااام صراحه يندمر مستواه في الإحتياط والله حراااااااااااااااااام
وأنا صراحه شوقي للشلهوب بيذبحني تدرون شلون بيذبحني
على أقل ينتقل لنادي ثاني نشوفهه ونستمتع فيه ونوسع صدورنا
أفضل من إننا نتظر الكاميرا تروووووووووح لدكه الإحتياط علشان نشوفهه آآآآآآه بس والله حاله
ولا عبدالرحمن بن مساعد يقول ماراح نتخلى عن الشلهوب هو من أميز اللاعبين
وكوزمين يقول الشلهوب هو ( روح الهلال ) << مدري شلون تجي روح الهلال وهو مايلعبه أبددد
وبعدين الشلهوب مو بزر ولاغبي تحسبونه يفرح بكلامكم الخربوطي هذا
يشوف الواقع وتعامل المدرب مهاه وتعامله مع اللعيبه الثانيه
إللي سبحان الله صار فهدالمبارك أحسسسن من الشلهوب
وصار ينزل للمباريات أكثرررر من الموهوب << المفروض تكتب بموسوعه قينيس
لكن ماأقول إلا يارب إن الشلهوب بعار لأحد الأنديه فترة وجود كوزمين ياااااااااااااااااارب
لأن شوقي له وصل حده خلاص ...
ولو سمحتم إللي راح يرد يرد رد فيه إساءه للشلهوب فالله يعافيه لايرد
لأن مايشرفني هو وأشكاله يردون على موضوع يخصني أنا والشلهوب
وأتمنى إن صفحتي تظل صفحه نظيفه بعيد عن الردود إلللي أقدر أصفها ( بالوسخه ) |
الوضع المتطور
